|
|
مســــآء / صبــآح .. الخيــــر
ومثل مايقولون " لآحيآء في الحياة الزوجية "
المشاكل الزوجية شي طبيعي تصير باي علاقة زوجية
مهما كانت سعيده ..
لكن الخلافات الزوجية تختلف من حيث
عمقها وطريقة تعاملك معاها
(بعضها تحلينها بكل سهولة وبسرعه وبلحظتها )
لحل اي خلاف زوجي
الخطوة الاولي
هي لا تتابعين الصراخ (صارت مشكلة وصارخ زوجك وانت صارختي …اوقفي على ولا تكملين الصراااخ ) ..لان الصراخ يقلل الاحترام بينكما ؟
الخطوة الثانية
حددي المشكلة لاتتكلمين عمياني
( اسأليه ليش زعلان ..عشان تعرفين حقيقة شعوره )
الخطوة الثالثة
شوفي باسرع وقت حل عشان ترضين زوجك وترضين نفسك ؟
الخطوة الرابعة
لا تنامين على زعل (اليوم صارت مشكلة لا تأجلينها لباكر ..حلي مشاكلك يوم بيوم ) لا تنامين وتخلينه ينام ..ويتعود على انه يكرهك ؟
وانا عزيزة حلالة المصايب.. وينادوني رفيجاتي (عزيزة مصايب )
صارت لي 100 مشكلة ومشكلة مع زوجي ومع اهل زوجي ومع حمواتي ومع خالتي ومع كل من يقرب لزوجي ؟
وحليتها مثل شربة الماي ؟
صارت لي بلاوي مع زوجي ..وانهيتها بنفس اليوم (بالكلمة الطيبة ..واللسان الحلو .. وتطبيق حلول : عزيزة حلالة المصايب )
وبكتب لكم بارتات زوجية تفيدكم بحل خلافاتكم الزوجية (لاننا بالكويت والخليج ..مشاكلنا وحده .. زوجي يسافروزوجي يغار وزوجي يقز .وغيرها من مشاكلنا الروتينيه )
بكتب لكم
سبع مصايب صارت
لي مع زوجي واهل زوجي ؟
وبقولكم شلون حليتها .
لا ترفعون الموضوع علشان اكتبهم مره واحده ؟
واللي عندها مشكلة تحطها ..
وخلو~ عزيزه مصايب ~ تحلها لكم ؟
الموضوع متجدد للفائدة وان شاء الله تستفيدون ؟
مشكلتك ماهي مصيبه
مشكلتك عادية ياختي
الوصفة العلاجية الاولى :
لا تقطعينه يوم واحد ولا تخلينه يوم واحد ..دقي عليه وقولي
انت من صجك ولا مو من صجك ؟
وذا قال شفيك ,
قولي
من صجك ولا مو من صجك …
وعلقي عالكلمتين ربع ساعه ..خليه يتعقد ويحس انه غلطان وانه مسوي غلطة كبيرة بحقك .ولا تخلينه دقي عليه الحين
واذا ما نفع معاه ؟
طبقي حل عزيزة مصايب لحل جميع المشاكل الزوجية…لان اخر حلول عزيزة مصايب هو البكاء البكاء البكاء ( دقيها بجوه ..ابجي دموووع وبصوت حزين ..وشاهقي ..وشاهقي ..وشاهقي ..ولا تكلمين ولا حرف …خليه ما يسمع منك الا اهي مع شهقه اهي مع شهقه اهييي مع شهقه )
وسلامتك ..وطمنيني عليك
وكل يوم طالعه لي مصيبة ورا مصيبة وبفضل ربي اطلع منها مثل الصابونه ما تزحلق على اليدين …..
اول مصيبة
رحت مع بعلتي للسوق وتعشينا وتمشينا وردينا للبيت
ورحت اغسل بالحمام وتركت الشنطة على السرير ..
اثاري بعلتي.. فتح الشنطة
ولقى ورقة صفراء صغيره ..مالت الملاحظات و عليها رقم ذرب كله اصفار
وطلعت من الحمام ..الا وجهه اصفر وقال بطلقك يا عزيزه
قلت شفيك شمسويه انا
قال لقيت رقم تلفون بشنطتك ..انت مرقمينك الشباب
وانا اسكت شويه ..واخذ الرقم منه
وقلت انت اللي كتبت الرقم بايدك ..وبخطك
قال انت خبلة الرقم ذا ما ينسي منهو هذا ما عرفه
قلت تذكر قبل شهرين دقيت انا على خالي وكان مسافر؟
وقلت لك سجل رقم تيلفون خالي وانت كتبته على الورقة
قال لا ما اذكر ..وماعندي اوراق صفرا بالغرفة
قلت الله يهداك بعد شوية دق على خالي وآسأله؟
قال رقم خالك غير هالرقم ؟
قلت خالي غير رقمة وانت نايم ما تدري وين الدنيا؟
ويوم راح بعلتي للحمام يغسل ..وانا ادق على خالي وافهمه السالفه … وقلت لخالي خلك على الخط ..
وطلع بعلتي وكلم خالي وقاله هذا رقمك …قال رقمي القديم هذا وبعته بالف دينار لانه رقم ذرب ؟
والحمدلله عدت بخير ؟
وخالج شلون مشت عليه السالفه
علئء إلعمومِ مشكورهه َ
وشلون قدرتي تجذبين علي خالج وزوجج
ولا انقليزي
لاترفعون الموضوع على شان اكتب المصايب السبعه ..لــ عزيزة مصايب
الموضوع من النوادر النادره وما تمر عليكم مصايبي السبعه لو تعيشون عمر نوح.. ..تعرفون نوح النبي اللي قبل.. ابو السفينه..لو تعيشون عمر الفين سنة.. ما تسمعون نفس مصايبي السبعه ..وشلون طلعت روحي من المصايب مثل الصابونه بالماي ؟
الحين ما لي خلق اكتب ..متضايقة ..مخنوقه ..عندي مصيبة مع عزيز بعلي … بحلها قبل الفجر يطلع . .هذا اذا ما ذبحني قبل الصبح يطلع ؟
انا طبيبه اعالج الناس وانا مريضــة .. من يعالجني ؟
اخر مره اقول لكم لا ترفعون الموضوع
خلوه لباكر .. اذا انا حيــة ما مــــت …اكمل لكم المصايب السبعه … لـــ عزيزة مصايب .
شصار معاج ؟؟؟؟؟؟
ناطرتج تكملين!!!!!!
عجبني اسلوبج.
و طريقة الموضوع بالضبط نفسها رفيجتي وحبيبتي اتوقع عرفوها البنات
على العموم شكرا على الموضوع يا عزيزه
| اخر مره اقول لكم لا ترفعون الموضوع
خلوه لباكر .. اذا انا حيــة ما مــــت …اكمل لكم المصايب السبعه … لـــ عزيزة مصايب . |
شصار عليج صج @@
ماكملتي الموضوع
عاد امس كنتي موجودة بالمنتدى .. جان كملتي الموضوع …بانتظااارج ترا
