موسوعة أفكار المتزوجين شاركونااااا

بسم الله

اول شي اذا زوجج رومانسي او يقدر التعب :

في يوم ميلاده سويله كيكه على شكل يحبه مثلا سيارته,سيكل , صورته واهوا صغير صوره يعني ناسيها دوري عند امه صوره له ماشافها من زمان او حلوه ..
في صور تكون حلوه بس مو واضحه تقدرين تودينها استديوهات يعدلون لج بالالوان او يكبرونها مثلا

او اي شكل يضحك
بيوم يمعت اهله وديها او قولي حق خالتج العشى عليج ..

هالاشيا ترى سهله يسونها كيكه ويغطونها بالمرزبان

سويلهم عشى حلو شكلي طلبي من برى اشيا غريبه
او فاجئيه …ً

كل هالتخطيط بدون لايدري ..
اشتريله هديه

مثلاً جوتي ماركه
Gucci عندهم اشيا حلوه او مريحه او اسعارهم ماتتعدى الـ150 معظمهم

تقدرين تاخذين له بوك
LV
بحدود الـ100
افضل هالشكل رجالي اكثر ..

اذا ميزانيتج ماتسمح وايد تقدرين تطبخين العشى وتخلين امج او خواتج يعاونونج او تشترين له مثلا
بوك Givenchy اسعارهم رخيصه
او طقم عطر
DOLCE & GABBANE اليديد مال الرياييل ازرق وااااااااايد حلو
او عندج بعد Cartier او في عطر ناسيه اسمه يديد من
Chanel واااااايد حلو ..
تقدرين تاخذين بوك جيفينشي والعطر نفس الشي او يقلفونه لج بجلادة Givenchy

في أقلام Cartier
سعرهم يوصل 55 دينار
خفاف او وااااااااايد زينين حق الثوب او شكلهم رووووعه ..
هذي صورتهم

في اشكال غير او كل واحد سعره غير ..

اذا انتي يأستي من زوجج من زمان او قام اليوم يمر عادي .. نصيحه احييه مره ثانيه .. بيجدد وايد اشياء او بيذكركم بأيام الخطوبه والهدايا او بيتحل حل ريلج شوي

فكره ثانيه .. اذا ريلج يحب التغيير والسفر ..
لازم من قبل تقولين له بالويك اند لفلاني تفرق روحك لي .. لاتبينين له انه سفر كلش بس قوليله بتجابلني 48 ساعه حتى الجمعيه ماااااكو ..!!
بس حاولي تخشين سالفة السفره قد ماتقدرين
تقدرين تحجزين لكم ويك اند البحرين او دبي ..
البحرين ارخص اذا ميزانيتج متضعضعه
تذكرة البحرين على الجزيره اذا خذتيها من وقت بتطلع لج كلش رخيصه او اذا يحب الخط .. هم مو مشكله ..
بس حلو يتفاجئ بالمطار ..

قبل لاتروحين تتصلين على منتجع البندر بالبحرين ..
عندهم شاليهات سعرها 40 دينار لليله
هذا موقعهم
https://www.albander.com/

اصغر شاليه نفس الكبينه .. سرير او تلفزيون او حمام
واااااااااايد حلو او رومانسي بس لازم تحجزين من وقت كله فل ..
او تقدرين تاخذين اللي ب65 اعتقدر شاليه دورين صاله او بلكونه او مطبخ تحت او فوق غرفة النوم والحمام
فالمنتجع نفسه تدفعين 15 دينار يسون له مساااج .. او تقدرون تاخذون طراد يوديكم جزيرة الفوكلاند
اهيا كلش قريبه من البندر 10 دقايق بالطراد اهناك في مطعم او تقدرون تأجرون جت سكي ..
واااااااااااايد حلوه الرحله او مو مكلفه ابداً ..
اللي تنوي عليها تقولي عندي الارقام او تفاصيل اكثر اذا تبين تسوين كيك او ورد او اي شي ..
اهم شي تبرزين شنطة البحر لانه يقدر يحدق من النتجع نفسه او يكونون ملابسه كلشي زاهب ..
فالبندر في مطعم SeaFood
بعمري ماضقت نفس اكلهم .. تلبسين او تكشخين وتعزمينه عليه بالليل..

اذا تذكرت شي بعد باضيفه خل نخلي هالكتاب موسوعه للمتزوجين شاركوني .. كل وحده ترد تكتب نصيحه مع ردها يالله بانتظاركم
الموضوع مجهووودي الخاص او تعبت عليه اللي بتنقله تكتب المصدر منتدى كويتييييييييات ..
مشكوووووورين

احيانا الريال تييله فتره ماياكل اكل البيت ماتصير لكم؟
تطبخين او تحشين او تقلين او اييج يقولج شبعان او مومشتهي ياكل
في اسباب وايد .. اولها يمكن يخربط بالدوام فصج لما يرجع البيت تكون نفسه مسدوده
الحل لاتحنين عليه عن الاكل
خليه لي مااهوا يقولج ابي
ترى الحنه ساعات تسد الجبد اكثر ..
كلش سكتي او لاتكلمين إلا لما يطلبج
اما السبب الثاني يمكن يكون مل من الروتين .. لوية لعيال على الطاوله او ازعاجهم حلو انه الاب ياكل ويا اعياله بس تقدرين تخلين هالشي بس فالويك اند مو عيب
غدي عيالج او نطري شوي او بعدين تغدو انتوا مع بعض

شي ثاني .. لاتغتنمين دايما وقت راحته او تهلين عليه الطلبات او الشكاوي او المشاكل ..
سولفي وياه عن لعيال عن اي شي ثاني سأليه شلون الشغل .. خلي ياكل او اهوا مرتاح بعدين عاد استلميه باللي تبينه

هم ماكو فايده؟

غيري ستايل الطاوله .. اشتري اشياء ملونه او حطي فوطه نفس المطاعم او رتبي الاكل لما بتقدمينه .. لاتكتين العيش كتات بالقنجه
رتبيه قد ماتقدرين سوي نفس الصور اللي بكتب الطبخ صدقيني بتشوفينه ياكل او نفسيته تنفتح اكثر ..

حاولي قد ماتقدرين تجددين بالاكل .. الجبوس ينطبخ بأكثر من 5 طرق .. شكلي ..
اذا مسوي رجيم طلعي له اشيا من النت خفيفه او لذيذه .. سلقي له خضرى او هرسيله بطاط او حطيه بشكل يفتح النفس ..
عندنا اهني بالمنتدى ماشاءلله البنات كل يوم فنتق يديد .. جربيهم ترى عن نفسي ماقط جربت شي من المنتدى او فشل!! كله لذيذ
حطي لسته شهريه بالاكلات .. عشان ماتنسين او تعيدين نفس الاكله كذا مره
حطي له عصير فرش على السفره ..

مايطلعج؟ ولايحب يطلع معاج؟
يمكن انتي كل مره بيطلعج بتخسرينه بتختارين اغلى المطاعم او بتتشرين ..
حاولي قد ماتقدرين تخلين لكم يوم بالاسبوع بروحكم تطلعون .. الاثنين مثلا ..
روحي معاه اي مكان او إلا يوديج مطاعم البدع او فنادق مافيها شي اذا يوم مريتو ماكدونالدز خذيتو Takeaway
او تمشيتي وياه بالسياره

عزميه انتي؟ قوليله انا اليوم خاطري اعشيك انت اختار عشان اهوا يردها لج
او لاتقولين له اختار وديه انتي
روحوا ستاربكس هالايام الجو حلو والقعده برى حلوه شربو شي او قوليله انتعشى بالبيت .. لايحس
انه الطلعه معاج خساير او بس ..
تفادي النقاش فالمواضيع اللي مايحبها لاتنكدين عليه كل مره بيطلع او بعد الرياييل كلش مايبيلهم شاره حق النكد فحاسبي ..
لاتنطرينه يقولج خلنطلع قوليله انتي اذا حسيتي انه بيرفض قوليله مفاجأه انا عازمتك .. او لين طلعنا اقولك
او عادي وديه اي مكان
اذا كان يحب السينما او انتي ماتحبين تغصبي او روحي .. عشان لي بغيتيه يروح وياج مايقول لا
طلعو طلعه جماعيه مع اخته او ريلها او اختج او اي احد
Couples
تغييير .. اذا كنتوا عادي يعني ..
بتستانسون
اقترحي انتي مافيها شي لاتنطرين احد يعزمج شوفي اهوا من نسايبه من الاقرب له او نسايبكم او اخوانج لاتغصبين على احد مايواطنه

غيري بستايلج انا مره قريت موضوع اهني عندنا واااايد حلو بس للاسف مااذكر من كاتبته ..
كانت تتكلم عن لستايل وشلون تقدرين تغيرينه ..
لاتمسكين بجامه وحده تشوفينها مريحه او تعجعجين فيها لين تتشقق
روحي دوري بالسوق شي نفسها ألوان ثانيه ..
سشوري شعرج لاتقعدين له بدهن او زيت بشعرج ..
اذا كنتي دايما تسشورين خليه كيرلي ساعات او خلي يجف او رفعيه او نص رفعه .. شكلي يعني
حتى لو ماكان يتحجى ترى يشوف

اذا رحتى ويا خواتج السوق تنقصيله بشي .. اي شي لو عسى دلاغ
عطر شور جل اي شي .. صدقيني بستانس .. اذا ماتحجى مو عيب تقولين له شرايك عجبك
عاااااااااادي ترى كلهم مايتكلموون!!! مادري ليش

اذا ياته شهاده بالشغل شكر او اي شي ..
حسسيه انج مفتخره فيه بروزيها او عطيه يحطها بالمكتب او اذا عنده مكتب بالبيت
مابتييه اهوا الفكره بس بتعجيه الحركه منج

على طاري الشهادات .. في عيد زواجكم تقدرين تاخذين له كاس في محلات واايد يبيعون او يكتبون لج تحت اللي تبينه ..
اخذي كاس شكله حلو دوري او خلي ينحتون لج بالخشبه اللي تحت
World Greatest Husband
أحسن زوج فالعالم.

هديه حلوه او تنحط اي مكان بداركم حلوه.. او بيستانس عليها
لاتخلين يمر عيد زواج ماتغيرين شي فيه .. صبغي شعرج .. قصيه سوي اي شي تحسسه بالتغيير او تفرق عليه هاليوم عن باجي الايام
لاتهملين دارج او تخلينها متروسه بدثرة اليهال
رتبيها على طول او جددي الكفر مال السرير على الاقل ..
شيلي منها كلشي يخص اليهال .. ترى والله مو منظر حلو حق الريل
دايما عطري سريركم او بخريه او بخري الحمام
الشتى ياي من تشوفينه دخل الحمام اخذي فوطه كبيره او حطيها على الدفايه اول مايطلع طاولي اياها بيستانس عليج

اذا متعود يسبح الظهر اول مايرجع او بالليل شوفي السبحه اللي يطول فيها اكثر .. جهزيله البانيو مره بالاسبوع .. لاتحطين يوم عشان مايصير روتين غيري متى مافضيتي

العده

ترسي البانيو شموع مو بس البانيو الحمام كله عشان مايحتاج حق ليت .. لاتحطين اللي فيهم ريحه حطي العاديين اللي فيهم ريحه بالحمام يحكروون
تقدرين تحطين عطر بالفواحه قبل لايدخل او تطلعينه لي دخل الحمام…
اشتري من البودي شوب البابل باث اذا ماعندج او حطي له بالبانيو ..
تقدرين تقعدين وراه تغسلين له شعره او تدلكينه له بحمام زيت او اي شي ..
الله يعين القرعان بتفوتهم هاللقطه
اول مايقوم من الحمام تكونين مبرزت له الفوطه الدافيه او الروب .. او عصير بارد فرش من ايدينج

بينام احلى نومه ورى هالسبحه

لي يه بيطلع لحقيه بدهن العود .. او مسباحه اذا ناسيه
اذا ريلج من نوع اللي يحب المسابيح دايما غرقي المسباح بريحه .. يفظل دهن العود .. عشان اذا سافر او ولدتي او اي شي يخليج تبعدين عنه .. بيفقدج بهالاشيا البسيييطه
صدقيني

يبي لعبه يحبها مونوبولي دومنه جنجفه بلي ستيشن او قعدي ويا اليهال لعبي بتشوفينه ايي من نفسه يلعب وياكم ..

بانتظااااااار افكاركم
الموضوع مجهووودي الخاص او تعبت عليه اللي بتنقله تكتب المصدر منتدى كويتييييييييات ..
مشكوووووورين

اقتباس:

المشاركة الأصلية كتبت بواسطة MetQaLQe9aa وااااي ماشالله وناسة وناااااااااااااااااااااااسة كملوا تكفون انا يديدة عرووووووووووس اب من هالسوالف تكفون فقهوني نوروني فتحوا عيوني هههههه

هلا حبيبتي ..
كل مااتذكر شي بنزله او انتظري مشاركات البنات ..

حياج الله

على قولتهم كل ممنوع مرغوب ..
والله يبعدنا عن هالمشروبات بس مو حرام ولا عيب اذا خذيتي نفس طريقتهم او سويتي خالي من الكحول ..
فكره يديده او شكلها حلو ..
بالليل جهزيله على قولتهم المارتيني او الشمبانيا السعوديه

شرايكم؟

اقتباس:

المشاركة الأصلية كتبت بواسطة ام حمووودي وااااااااااااااااو موضوعج روووعه تسلم ايدينج حبيبتي وننطر جديدج

انتي الاروع حبيبتي مشكوووره

اقتباس:

المشاركة الأصلية كتبت بواسطة كيدي عظيم بصراحة ماش الله تبارك الله الموضوع عجيب وافكاااااااارج وايد حلوة واسلوبج بالكتابة ما شالله سهل ومرتب جزاك الله كل خير وايد استفدت…بس تدرين شنو المشكلة لما تشوفين ردة فعل زوجج اقل وايد من ما توقعتي اهني يضيق خلقج شوي

حياج الله حبيبتي ..
مشكوره على هالكلام الحلو ..
تاريخ شتراكج عجيــــــــب ههههه

شوفي انتي دايما توقعي الاسوء او حطي في بالج انج تسوين هالشي لج بعد مو بس له اهوا ..
او بتقتنعين بالنتيجه ..

انا معاج ساعات اذا بالقنا باللبس والورود والاضاءه الحمره والتعب الدقره تكون من العيار التئيل ..
بس هذي اشيا بسيطه ..

الله يهني الجميع انشاءلله

وعليه بالعافيه