|
|
عاد انا موقفي الي يصيح و يضحك في نفس الوقت:
كنت يايبة ولدي من الحضانة عمره سنتين و 9 شهور و ذاك اليوم تعايزت اربطه في كرسيه و يلسته ورا
و فديته قال لي امي انا بفتح الباب قلت له لا حبيبي انته شاطر و انا حاطة في بالي اني مسويه لوك حق البيبان عثريته الباب اللي عداليه حد فاتح الامان منه فما متسكر
و كنا على لفة جانبية و نبا ندخل الشارع العام و اشوف من الجامة الي جدامي باب السيارة مفتوح و اوقف بكل برود ابا اسكر الباب و ما ادري انه نازل و محد في السيارة و انصدمت يوم نزلت و ما حصلته
عثريته نازل على اللفة و شنيطته على ظهره و طابور سيايير واقف وراي و حرمة يزاها الله كل خير نازلة و شالتنه
و ركضت اييبه حتى ما قلت لهه مشكورة و خذته و ضربته و انا اصيح
و كل ما اخبر حد اضحك و اشوفهم منصدمين و متأثرين (واللي يصيح منهم)و انا الوحيدة بعدني ما مستوعبة الموقف
و الحمدلله رب العالمين على سلامته
ومن يومها كل ما اركب السيارة اتاكد من البيبان و طول الوقت اساله موجود؟؟؟؟
الحمد الله على سلامته ياااربي
عيل انا ولدي مقعدته بالهاي تشير..الكرسي اللي فيه طاوله بس مرتفع شوي وكنت مااربطه كلش متعود يقعد وياكل ويشوف هالبارني.. ويوم انا يمممه والله ماشوف الا طااااااااااخ والا طايح عالارض وقف قلبي وقام يصارررررخ بسم الله عليه مادري شلون قام وصعد على طاولة الكرسي وطاح :""( حبيبي عقبها تاااااااب بس يقوم يوقف ويرد يقعد خخخخخ ..الله يحفظهم
مره بنتي كان عمرها يمكن شهرين او 3 حاطتها على طاولة التغيير طبعا ما تنقلب اهيه .. رحت اييب بامبرز من الدار الثانية الا اسمع دوووم وصرااخ ييت الا محذوفة حذف من الطاولة طبعا قمت اصرخ وابجي واي موقف الله لا يعيده
طبعا صفت علي الجنب وانا ارجف وخالتها ورانا تصفط وكلنا مصدومون فعلا الله ستر
وسالفت البنت الي من فتره طاحت من سيارة ابوها وتوفت علي الخط السريع بسبب الباب السيارة مو امسكر قمت كله اشيك علي البيبان الى ورا وتأكد ان قفل الأمان موجود وحتي لقعدة يمي اتأكد من القفل والشباك
>>>>>
اسم الله على عيالكم
والله مواقف تخرع
الحمدلله على سلامتهم و الله يخليهم لكم
لما كان ولدي عمره 3 سنين تقريبأ دايم يطلب ملابس باتمان ولما شريتله وانا قاعد البسه جان يقول حق ولد خالتي تعال شوفني وانا اطير من فوق جان اقوله عمري من وين فوق قالي فوق السطح انا عيوني جذي @@ الحمد الله انه نطق جدامي وما سواها وراي