|
|
يابنات الله يخليكم اذا وحدة عندها فكرة بشنو يكون امتحان المهندسين اللي امقدمين على ديوان المحاسبة وشلون طريقته ؟ لان دقوا عليي وقالولي انه عندي امتحان وكلش ما عندي فكرة بشنو راح يكون… 
والله سمعت من موظف في قسم شؤون الموظفين في ديوان المحاسبة ، يقول .. الامتحان عبارة عن 30 سؤال .. 30 دقيقه ، والامتحان ينقسم لقسمين الاول .. اسئله عامه عن ديوان المحاسبه مثلا التاسيس والجهات الي يراقب عليها و هل اهوا جهة تابعه والا مستقله ، ( راح تلقين هالمعلومات على موقعهم بالانترنت) والشق الثاني اسئله تخص تخصصج بالتحديد ، يعتمد على التخصص لكل واحد مقدم على الديوان ، سواء عماره او مدني او بترول …الخ
وشكرا
مشكورة ماقصرتي…الله يسهل ان شالله
اقتباس:
|
المشاركة الأصلية كتبت بواسطة wasnt
 والله سمعت من موظف في قسم شؤون الموظفين في ديوان المحاسبة ، يقول .. الامتحان عبارة عن 30 سؤال .. 30 دقيقه ، والامتحان ينقسم لقسمين الاول .. اسئله عامه عن ديوان المحاسبه مثلا التاسيس والجهات الي يراقب عليها و هل اهوا جهة تابعه والا مستقله ، ( راح تلقين هالمعلومات على موقعهم بالانترنت) والشق الثاني اسئله تخص تخصصج بالتحديد ، يعتمد على التخصص لكل واحد مقدم على الديوان ، سواء عماره او مدني او بترول …الخ
وشكرا |
عاد انا متخرجة من زمان من هندسة مدنيه…ومعلومات التخصص لج عليها…الله يستر ما نبط
للرفع
شلون قدمتي على ديوان المحاسبه ؟؟ من ديوان الخدمه المدنية ولا اعلان ولا شنو علمينا ؟؟
؟؟؟؟؟؟؟؟؟؟؟؟؟؟؟
تروحين سيدة تقدمين .. بدون اعلان ولا ديوان الخدمه
ترا لا يغركم شكلالديوان راقي …بنت خالتي هناك مصايب ..وبعدين فيه وايد اماكن رواتبم اكثر من الديوان
اصلن الحين زاادووو معاشاتهم مشاالله قويه المعاشات اهناك !! و كافي المكان و المعاش شنو ابي اكثر من جذي حتا لو كراااف الشغل رااااضيه انكرف لاني متعوده على الكراااف هههههههههههه بس انشششششششاااااااااااالله يدقوووووووون