مهنة الشرطي . مسااااااااااااعده

مع اني معلمة مستوى اول اتمنى افيدج

الاهداف الثاني حلووو حده حرام تغيرينه تدرين ليش؟؟
لان في مصورات للهدف هذا يخدمج بصورة رائعه

اما الهدف الثالث تقدرين تكتبين يقوم بتقليد مشية الشرطي
حييييل بيستانسون
الادوات لازم تقولينها لما يتعرفون عالشرطي مثل المسدس وتعطينهم سلوكيات بمعنى تسألينهم نلعب بالمسدس مال الشرطي؟؟ اللاسلكي يشبه التلفون بس بين الدوريات مع بعض
واتمنى اكون افدتج حبوبه

حبيبتي والله احنا نعين ونعاون ولا للنحاسه طبعن اذا شي اعرفه ع طول اقوله
طبعا الهدف الثاني مثل ما قالتلج اختي لاتغرك حلو وايد واذا بتغييرينه مثلا كتبي يلتزم بقواعد المرور او يحافظ على ربط حزام الامان و هذوله كلهم تقدرين تسوينهم من خلال مصورات وايد في بالمكتبة عن ربط حزام الامان و في عن عبور الشارع و في عن قواعد المرور اللي من ضمنها ربط الحزام و عبور المشاة و هم من ضمنها ان ما نطوف الاشاره الحمرا و اشياء عن المرور وايد تقدرين تحصلينها و تقدرين من خلال مسرح عرايس يطلع حلو او انتي حطي من عندج صورة سياره عالسبورة و حطي قص ولزق اسود ورسمي فوقه خط ابيض و حطي صور اطفال و قوليلهم قصة مه الموسيقي الهادئة طبعن و بالنسبه حق المنبه تقدرين تسوين اشارة مرور يطلع حلو
انا مره سويت منبه اشارة مرور وايد حلو الله يسلمج تاخذين علبه سوده و تشترين تفاح احمر و اخضر واصفر و تحطينهم بسله و ادخلين بنت علبونه اهي ليلي اللي تلبس احمر يستانسون عليها الاطفال و ليلي احضرت لنا هدية و تاخذين التفاح و تقولين انا الحين مويوعانه و عندج عليه و تقولين بحطهم بالعلبة ليما اصير يوعانه و انتي تحطين شوي شوي قوليلهم اطفال صار يشبه شكل نعرفه و نشوفه بالشارع و يقولون ع طول الاشاره و اذا تبين حطي الفلفل البارد الاحمر و الاخضر و الاحمر و اذا ما تبين بالقص و اللزق اذا مالقيتي وقت او ما تقدرين تروحين الجمعية و اذا حطت الابلات ماكو ههههههه حطي قص و لزق دوائر حمره و خضره و صفره و مستطيل اسود عالسبوره كانو يلعبون مع بعض و اجتمعوا مع بعض و خلي طفل يركب لج الباجي بس انتي حطي اول دائرة فوق المستطيل عشان يكمل اهو معاج انا سويت كل المنبهات اللي قلتلهم لج و كلهم عجبو المشرفة الحمدلله و بالنسبة حق المسابقات حبيبتي ادوات الشرطي اللي اهيه الجلابتين و المسدس و الصفارة يمكن ما ادري تاكدري منهم و صوريهم ملون و غلفيهم حراري و مجموعتين اخذي سبورة الصف اللي يمج و حطي على كل سبورة صورة شرطي اي فور و بالسلة ادواته و خلي الاطفال مجموعتين كل مجموعة على سبورة و يحطون ادواتة
و حلو ان مع درسج اتلبسين طفل عندج لبس شرطي و مع الشرح تقولين لهم منو لابس شرطي عندنا اليوم واطلعينه و يشوفون اللبس عدل و حطي غنيه العيدروسي اللي عن شرطي المرور تلقينها باليوتيوب و سلامتج حبيبتي هذا اللي ابالي واتمني يساعدج و يساعد البنات

خطوااااات تعزيز الكلمة افا عليج
اول شي منبه عن الكلمة نفسها يعني مثال اذا الكلمة عن الشرطي المنبه عن الشرطي مثلا تقولين كانو في سيارات مسوين حادث منو يقدر يساعدهم بالشارع يقولون لج شرطي المرور ما ادر تاكدي من هالمنبه توني افكر فيه مو متاكده منبه او حطي مثلا صوت دورية شي حلو و سريع و يستانسون عليه الاطفال صوت دورية وبعدين طبعا اهما عارفين الكلمة على طول طلعي لهم بطريقة حلوة صورة الشرطي و خلي الكلمة باحد الاركان و قوليلهم الشرطي يطلب منكم احضار كلمته و يقوم طفل يحضر كلمة شرطي من الركن مع الموسيقي الرياضية و بعدين تبلشين مسابقاتج عن الكلمة التعزيز يكون مسابقات وايد بس سالي جم مسابقة يبون
مثال للمسابقات :
حديقةالكلمات من الفلين حطي فيها كلمات لزقي فيها اعواد الشوي و حطي اكثر من كلمات قديمة من بينها كلمة شرطي و اهو يحضر كلمة شرطي
حطي حبل و علقي عليه كلمات و يحضر الطفل كلمة شرطي
حطي على الطوفه لزقي كلمات و قولي للطفل يضع الطوق اذا عندج طوق صغير بلاستك الملون من المكتبات او اخذي طوق من الحركية و رديه بعدين
و حلو انج تحطين بالبروجكتر جهاز العرض شفافية فيها كلمات و تعطين الطفل طوق الحركية يحطه على الكلمة
اممممم شنو بعد في وايد افكار حق تعزيز الكلمة وايد حلوة احبها
تقدرين تطبعين الكلمات القديمة ومع كلمة شرطي المثال مالنا و تحطينهم ع السبورة و تقولين لهم يحوط على كلمة شرطي بالقلم او تسوين متاهه بين الكلمة والصورة تنباع جاهزة او تقدرين تسوينها انتي
و عندج بالونات مليونه لزقي عليها كلمات و كل طفل ياخذ بالونه و قوليلهم وين الطفل اللي عنده بالونه كلمتنا اليوم
و بعد تقدرين تحطين كلمات عالارض و تقولين منو يحضر لي كلمة اليوم
او تحطين مسابقة بين طفلين سله فيها كلمات و اسرع طفل يطلع كلمة اليوم و يحطها عالسبورة
يعني اتمني اكون ساعدج حبيبتي