|
|
السلام عليكم و رحمة الله و بركاته.
بنات بغيت أسألكم عن الولاده في مستشفى الأحمدي اشلونها؟؟ معاملتهم مثل الخاص؟ و لا مثل الصباح؟
و منو احسن دكتورة هناك؟؟؟
و مشكورين مقدما 
الصراحة اهمه احسن من الحكومة طبعاااااااااااااا
بس مو بمستوى الخاص …
يعني بنجهم وكمامهم اوووكي من قلب ..
بس الدكتورة ماطلت علي الا وقت الخياط يعني السسترات ولدوني بس الصراحة انا مو فارقة معاي المهم اولد خخخ …
ودخلو ريلي وامي معاي بس بالتناوب مو مع بعض .. وانا طلعتهم حزة الولادة …
بس بنجهم وقت الخياط كان يلوووع الجبد ماخيطوني الا لما برد الجرح وقمت افرفر جني خروف قاعدين ايكرروونه وصرخت صراخ حتى ماصرخته بالولادة فانتي شددي على هالناحية انهم يخيطون على طووول بعد الولادة ..
غرفهم مو شي كله عمومي (سريرين بالغرفة) وضيييييييييج ماكو الا غرفتين خصوصي ومنو يطولهم …
الصراحة انا ماقولج سيئين بس ملاحظتي على الخياط والغرف ..
الدكتورة اللي خيطتني سوميتا (السسترات ولدوني مثل ماقلت) وخياطها زين انا ماحسيت بفرق عن اول ..
سناء بورسلي معاملتها اتهبل بس مادري شلونها بالولادة ..
وعموما اغلب دكاترتهم زينين بالتعامل انا جربتهم بالمراجعات بس بالولادة مادري عنهم ..
الحين انا باكون بحاله غير اشلون باكلمهم و اقول لهم خيطوا عقب الولاده على طول؟
الله يستر قاعده احاتي من الحين
انا عن نفسي مافكر اولد بالحكومة بس لو اضطريت اولد بالاحمدي عادي عندي ..
وخلي ريلج او امج او اختج معاج وتحن عليهم على سالفة الخياط لا يلطعونج ..
امي لانها تعرف 3 ارباع الدكاتره هناك وعلاقتها قويه مع السسترات ماشالله خواتي مرتاحين بالولاده هناك
ويحبون الدكتور هشام الفايد حتى امي لما قالت له اهتم بالخياط ماقصر
الحلو فيهم نظافتهم احسن من العام بس طبعا مو مثل الخاص
الف الف شكر، ما قصرتوا