منو متأذي من المجلس الطبي مثلي؟؟

السلام عليكم
أنا معاي التهاب مفاصل الحوض ، ومن حملت والعوار ماسكني وياني التهاب المفاصل من ولادتي بولدي الأولي

، وطبعا هذي ثالث حمله والعوار كل ماله بازدياد ، عطاني دكتوري العظام تقرير ودكتورتي النساء تقرير ، وطلبت لجنه للمجلس الطبي ، أول مره عطوني موعد بعد 3 شهور ليش بدون واسطه ولمن دشيت اللجنه اعتذر دكتور العظام اللي المفروض ايبونه من الرازي والحمدلله دكتور مصري ولد حلال عطاني اجازه شهر ليمن اللجنه اليايه ، وبدال مايعطوني موعد وراها بشهر عطوني موعد وراها بشهرين ، واطريت اخذ من رصيد اجازاتي لأنه القعده على الكرسي مستحيله عندي والعوار زايد ، واللجنه اللي وراها هم اعتذر دكتور العظام وعطوني اجازه اسبوعين وهم عشان اخذ موعد ثالث ، وعطوني موعد وراها بشهرين ونص ، وبالزور يالله جدموه بشهر ، والمره الأخيره اللي كنت فيها الأربعاء اللي طاف هم اعتذر دكتور العظام والله العظيم قمت ابجي ، والدكتوره حسبي الله عليها بدال لا تقدر حالتي وانا حاليا بالسابع عطتني تخفيف ساعات عمل وحولتني لجنه الرازي ، والحين ناطره اطلب اعاده لجنه ، وطلبت من دكتورتي النساء مرضيه 14 يوم ليمن اشوف شنو الله يكتبلي بمواعيدهم ، أبي احد يفيدني الحين لو اخذ مرضيه 15 واتحول يوافقون عليها الدكاتره حتى لو من خاص ومافيها دخول مستشفي؟؟ لأنه والله العظيم تأذيت واللي هناك نفسهم بخشمهم جنج تطرين ، وحظج اسود لي طحتي بايد مره دكتوره الريال والله يقدر ، تكفون ادعولي الله يسهلها علي ويحنن قلبهم ويسخرلي عيال الحلال اللي يعطوني موعد ابجر ويعطوني اجازه ليمن اولد تكفون خواتي ادعولي والله نفسيتي صارت زفت وانا راحه وراده على هالمجلس

شوفي انا رحت ثلالث لجان اول مره الدكاتره يهبلون عطوني تخفيف ساعات عمل بعدين سويت لجنه ثانيه وثالثه رفضوا يعطوني اجازه ليه الولاده في ددكتوره دعله مااعرف اسمها بس مو متحجه تنرفز اكلها اشتكي من حالتي تضحك تقولي طبيعي هالشي والمصري الي يمها يقولها يعني حالتها تستحق بس بالانجليزي يتكلم علباها ماافهم

لا حول ولا قوة الا بالله

شوفي قلبو .. مجلس الطبي حددده غثيث والله يعينج

بالنسبة للطبيات إي عادي مو شرط دخول مستشفى لكن لا تنسين تقولين للعيادة او المستشفى انج تبينها مصدقة ضرورييييي

والطبيات اذا تبين اللجنة تحسبها اجازة مو غياب مرضي … لها طريقة بس المشكلة ناسية

فأحسن شي دقي عليهم واستفسري منهم

…
واهم شيييي ياقلبو … رااااحتج ولا تفكرين واجد بهالشغله مو زين
وربي يتمم حملج على خير

وسامحيني عالقصور

الله يعينج
ماعندي اي فكره
رررفع لعيونج

شدعوه عليهم موعد بعد 3 شهور !! وشنو تسوين بالثلاث شهور طبيه والا دوام !! انا عطوني موعد بعد اسبوع وعطوني اجازه

شهر بس وموعد ثاني عطوني اسبوعين بس ماتسوا مراكضي وتعبي على هالشهر والاسبوعين واغلب ايامي طبيات ليم ارتفع

حملي الحمدلله قمت اداوم ساعات اتعب بس احسن من منة هالمجلس وتعبه

بسبب نحاستهم و التعب الي تعبته وياهم
هالمره بربط و بداوم و على الله
ربي يحفظ جنيني

على ولدي حبيبي ربطت و مع اني مسكره عنق الرحم ولدت بالسابع
ليش جذي ؟

الربط مايمنع الولادة

الربط يسوون حق الوحده الي عنق رحمها قصير او مرتخي

لكن

اذا جاها الطلق بأي شهر من حمالها وماقدروا يوقفونه
فلاااازم يفتحون الربط وولدونها

وهالكلام ماخذتها من دكتور في الهادي ودكتورتين مصرية وكويتية من الصباح

وربي يتمم حملج على خير قلبو

والله العظيم بالمجلس نج تطرين واللي مافيهم شي بالواسطه قاعدين ياخذون وياي بنات ليش يعرفون احد بالمركز بسرعه عطوهم موعد وانا ٣ تقارير من حكومه مافادت وياهم انا شنو ذنبي انه دكتور الرازي مايحضر ، وكله كوم والكراسي اللي تهلك اللي حاطين تقص الظهر المفروض مو اسمه مجلس طبي مجلس عقابي شنو نقول غير حسبي الله ونعم الوكيل

صح الدكتورة الكويتيه اللي مو متحجبه ظالمه و ماترحمة او انها مو مستوعبه انا احنا مدرسات نوقف ساعات طويله و متعبه و كنت باخر الثامن تخيلي يعني بس شهر ما رضت و انيميا حادة تقول مقويات و يصير اوكي و عظامي الحوض فيها رضه المجلس يبي واسطه وحدة عندنا الله يتمم عليها باول الاشهر فيها نقص كالسيوم يعني البيبي ما ياخذ خذت مجلس طبي اهي تقولي اذا ماعندج واسطه لا تروووحين بس كله بأجرة و الخصم دفع بلاء عنا و عن اجنتنا

الله ياخذهم قدمت عليه من عطله الصيف ناوصلني الدور الا بشهر واحد والله تعبت تعب بس خليها ع ربج

انا مسويه ربط وماداوم ماخذه مجلس طبي
وطلعلي دكتور نحيس شايف نفسه بس يبت واسطه ومشت اموري
انا مدرسة روضه يعني مانقعد بالدوام نص ساعه على بعض
كله شغل وهذا سادس ربط
وان شاء الله يعطيني طبيه بعد لأن اكتشفوا وهم يربطون شي وربطو فوقه
واذا نزفت دخول مستشفى
والله يسهل علي وعليكم يارب

الله يسهل عليكم وعلي من حطوا قانون المرضيات اليديد اللي مايرحمون واحنا متخسبقين المفز
المفروض الحامل غير يعاملونها شنو الانتاجيه اللي بياخذونها من حامل وتعبانه بالله؟

ويع يا المجلس الطبي عاد انا فيلمي غير

أخذت مرضيات ٣ اسابيع من دار الشفا و بعدها ولدت

و بعد الولادة العنو خيري المجلس الطبي لين تهاوشت معاهم

و ارتحت لازم تروحين و انتي معصبة و لسانج يلعلع

يعني يا نتهاوش يا واسطه الشكوى لله

صج الله يعين الي يدش المجلس الطبي ما يسوى عليه لورصيد اجازاتي اتكفي ٩ شهور چان اخذتهم ولا البهذله والمعامله الخايسه