:: منو تعرف تحسب انا حامل بأي اسبوع؟؟ من نسبه التحليل الهرموني؟؟

مرحبا بنات
اليوم رحت للدكتوره ويفترض اني بالاسبوع السابع على كلامها وسوت سونار ومابين اي شي داخل الرحم يعني ماكو كيس حمل

وقالت لي اسوي تحليل هرموني وكانت نتيجته 4000
اللي ابي اعرفه انا باي اسبوع يعني؟؟؟؟؟

وخوفتني قالت اذا مابين الكيس خلال اسبوعين معناه ان الحمل خارج الرحم

تكفون بنات اللي تعرف تحسب من نسبه الهرمون انا باي اسبوع بالضبط؟؟

ومشكووووورين

يمكن صار حمل متاخر علشان جذي مو مبين

عشان تتأكدين عدل سسوي سونار داخلي بس شوي شوي مو عند دكتوره دفشه و يبين معاج ان شاء الله

الله يتمم عليج انا في بنتي سويت سونار داخلي وتقول الدكتوره من قالج انتي حامل الرحم نظيف ما في حمل وسويت تحليل هرموني وطلع مرتفع وطلع الحمل عندي متاخر

حبيبتي بعد يومين عيدي التحليل اذا النسبة ارتفعت انتي حامل باذن الله بس الحمل عندج متاخر..
واتكلي على رب العالمين..

حبيبتي مبين حملج متأخر رووحي بعد اسبوعين سوي سونار اذا مستعيله سوي تحليل هرموين شووفي يرتفع الرقم او لأ
والله يثبته لج يارب

الله يرزقج

انا نفسج بس كان ينزل علي دم خوفونى وعمليه وعاااااااجل ووقعى يالله نجهز الغرفه يماااااااااااامى وانا ابجى وريلي توهق وموعارف يوقع والا ينطر واخرتها امى قالت ماعليج منهم وخرابيطهم ورحت لمستشفي ثانى قالوا اصلا ناااازل الجنين ..وعطى ادويه لتنظيف الرحم….واصلا مايبين الجنين والنبض الا بالاسبوع 8 واذا متاخر التاسع

شوفي قلبي انا حملت خارج الرحم مرتين
والحين حامل وسويت تحليل لأني خائفة من الماضي البائس والا يطلع ٢٠٠٠
قامو يتراكضون الدكاترة يبون يلحقون الأنبوب اللي بقالي وانا ع طول سويت داخلي مرتين ياقلبي بنفس اليوم لاتحاتين اذا حملج سليم الداخلي ماراح يأثر الا اذا كان حملج اصلا بسم الله عليج طايح او نازل
فانصحج ماله داعي اقول عادي وهالكلام انج تسوين الحين داخلي وتطمنين٤٠٠٠ موشويه حبيبتي تأكدي
وامنتج تطمنيني اذا كان بالرحم ان شالله
والله احاتيج

انا صار معي جذي وقالولي مبين بس كيس وبعدين سويت سونار داخلي وبين الجنين بس صغير وسويت تحليل هرموني طلع 35 الف يعني الحمد لله عايش وبسوي تحليل ثاني بكر ه ان شاء الله
واذا ارتفع كل شي اوكي قالولي 6 اسابيع
الله يرزقج يارب

لاتسوين سونار الا بالاسبوع العاشر يكون الجنين كبير لانه احتمال يكون حمل متاخر او الجنين صغير

فديييييييييييييتكم على الردود اللي تبرد القلب
وانشاءالله بعد اسبوعين بأسوي سونار واطمنكم

الله يوفقج والله معاج يارب