منو تعرف اداره التطوير والتنميه بالجابريه؟

السلام عليكم..

بنات انا انقبلت بوزاره التربيه، اول شي قدمت امتحان ومقابله على اساس اصير مدرسه..
وعلقونا فتره، عقب ردونا
كتبت موضوع
وهذا الرابط اللي حابه تعرف القصه
انقبلنا كمدرسات والحين غيرو رايهم وبيعنونا كإدرايات؟؟

المهم

قلت خيره وخل اتوكل على الله ..
قدمت اوراقي كاداريه وعطوني اوارق الفحص الطبي.
سالت عن المكان اللي حطوني فيه
اسمه
"مركز الدكتور حمد برغش السعدون للتدريب،
قطاع التخطيط والمعلومات
اداره التطوير والتنميه"

اللي بالجابريه

اهو ما يعتبر منطقه تعليميه.ولا مدرسه..هذا مركز بروح
مختص بالدورات للمعلمين..ويسون طلبات البعثات للمدرسين اللي حابين يكملون ماستر..

على ما تطلع نتيجه الفحص حبيت اسالكم

منو متوظفه هناك؟؟،،

او تعرفين احد متوظف..اشلون صاير الشغل عندهم؟؟

واذا خيروني بين الاقسام..ايهو احسن قسم فيهم؟؟

انا اللي اعرفه خوش مكان باجر اسألج رفيجتي اختها هناك و موفقه

انا اللي اعرفه مكان حلو ونظيف
ومافيه لوية مراجعين الا نادر…
الله يوفقج ان شاءالله

مشكوره حبيبتي..

يعني راح انام..

اي صح مافيه لويه..لمن رحتلهم الاداره..هدوووء مو طبيعي..

تسلمين حبوبه عالرد..
بس سؤالي لو تعرفين احسن اداره؟

انصحج اتروحين قسم الدورات لان يعطونج مكافأت على شغلج

وتري في بونص حق الجامعيين اللي يشتغلون هناك بس ديري بالج لازم اتغيرين مسماج علشان يعطونج البونص

انا اشتغل ابنفس الادارة بس وزارة ثانية

هذا اللي ببالي..
بس اغير مسماي لي شنو؟

قالولي ان مسماي راح يكون منسق اداري..

ممكن اسأل جم المعاش؟..
لان كل وحده تعطيني كلمه..

وبأي وزاره؟