منو اللى ماتعطي البيبي الحليب عقب ساعه 12

السلام عليكم بغيت اعرف منو اللى مجربه ماتعطي البيبي الحليب عقب ساعه 12 الاني تعبت مع بنتي وايد تقوم بليل اكثر من 4 مرات وانا وراي دوام فلي مجربه تقولنا شنو سوت وشكثر يبيلها على ماتعود

حبيبتي حسب بنتج جم عمرها

انا ولدي من 3 شهور قطعت عنه رضعة الليل بس اخر رضعه الساعه 10 ولما كمل 6 شهور خليتها الساعه 8 والحين اسم الله عليه سنه يتعشى ويرضع الساعه 6 وسبع ينام

انا الصراحه نظامي احقر وما اروح له الا الساعه 6 الصبح وعقب متى ما بجا

وعلى شان يتعود تم 3 ايام وبعدين بين فتره والثانيه يعر يوم يجرب ينشال او يرضع

اذا سويتي له الي يبي بقوم كل يوم اذا حقرتي يرد يكمل

واتمنى اني اكون فدتج

اختي

انتي اللي عودتي بنتج على جذي لازم تغيرين نظامج

جم عمر بنتج ؟؟ توها صغيره بالاشهر تقدرين تسيطرين عليها

ابدي معاها النظام وشوي شوي لين تتعود

عطينا رضعه الساعه ثمان بالليل ولعبيها هدي حيلها باللعب علشان تتعب والساعه تسع ونص سبحيها علشان الجسم يرتاح وبعده عطيها وجبتها بنص ساعه وخليها تنام وبتلاحظين انها طولت بالنومه

حاولي تطبقين هالشي ثلاث ايام ورا بعض

بعدها / عادي عطيها وجبه الساعه ثمان وآخر وجبه الساعه عشر (( او حسب جدولج اذا تبين بعد هالوقت أنا أول كنت اعطيهم الساعه 11
))

اذا اقعدت من النوم تبي حليب حاولي أول شي تحكرينها كل مرة تطولين مدة الحكران اول مره عشر دقايق واليوم اللي بعده ربع ساعه وكل يوم زيدي بالوقت واهي راح تتكيف معاج لين تتعود

عطينا النتايج / واذا قدرتي عليها وإلا لا

موفقه

انا بنتي من النفاس اسم الله عليها تعودت ان مافي رضعة بالليل تنام نومة وحدة

شلووون عودتيها ؟؟؟

انا قلت بسوي جذي هالطريقه لان اب بجري وااايد تعبت وهم بعد ماكو احد يساعدني

بس قالولي حرررررررام لان البيبي بهالعمر اعتمادة الرئيسي على الحلييب شلوون تحرمينه من الحليب

بنات اذا صغيرون بالاشهر وبجى بالنوم لازم نعطيه الحليب
اصلا البعض ينصحوني حتى لو مايبجي عطيه حليب بالليل اشلون مانعطيه؟

مرحبا اختي انا الدكتوره قالتلي ومشيت على جدولها وانو من عمر ست شهور بطلت انطيه حليب يكفي ماي من يكعد شربيه ويردي ينام ومع الايام يتعود واكو شغله ثانيه وهي انو اني طول النهار ما اخليه ينام ياكل ويلعب الى ان يتعب وينام ويسحبها سحبه وحده للصبح للساعه عشر دعش ويصحا بروحه عاد اعطيهم سيريلاك والاكل الي بعمره وتعودو هسه عندي ثنين ما شاء الله معودتهم هيج وكان الله بعونج حاسه بيج

بنات من 6 اشهر معقوله بس اصغر من جذي حرام
الياهل يحتاج الحليب يحتاجه حق نموه
و معدته تهضم اسرع منا خاصه الحليب الطبيعي انزيماته بسرعه تنهضم فالبيبي ايوع
و مرده نومته تتعدل بقل السنه بشوي بس لازم على الاقل رضعه وحده بليل

انا بنتى اخر رضعه قبل لا تنام ونومتها بسم الله عليها 10 ونص ومرات 11 ومرات 10 وربع يعني اخر رضعه بعدين تقعد قريب الفير تاخذ رضعتها وتنام

انتو مو من صجكم بنات

بنات حرام عليكم … انتو تتوقعون لما كنا بعمر الشههور ونفز بالليل أهلنا كانو يحقرونا؟

خواتي حبيباتي .. ليش قالو الجنة تحت أقدام الامهات … اكيد بسبب التعب والارهاق اللي تحسه الام من السهر وقلة النوم و و و و و

انا عندي 3 اسملله عليهم … واصغرهم البنوته عسى عيني ما تبجيها عمرها الحين سنة وشهر ، بالعادة الطفل يقوم باللي وايد لعمر معين بعدين سبحان الله تترتب نومته بروحه من نفسه ما يفز باللي يسحبها لحد الصبح

سمعوا مني اول سنتين بس تحملوا السنة الاولى الطفل يتفزز بسبب الجوع وبدايات التسنين
والسنة الثانية من ألم التسنين واحيانا الجوع

ترى الطفل يعاني والله وقت التسنين

يشهد ربي واذكر عدل ولدي العود كان تسنينه حيييل ثقيل ومؤلم كنت آخذه واقعد فيه بالصالة تخيلو من 1:00 الفجر لححححححد 4 ولا خمس ، انام ساعتين واروح الدوام ودوامي من 4-8

بس دايما اقول هذي مرحلة مؤقتة وبتعدي

رضعوا عيالكم باللي أصلا حريم اول يقولون رضعة اللي عافية للياهل

وبس

^^^^^^^^^^^^^^^^^^^^^^^
انا معها ومن رايها

ماكو فايدة انا قاطعة الحليب باليل من 5 اشهر و هم كل يوم تقعد بليل اكثر من اربع او خمس مرات

واااااي حرام ليش جذي

تخيلي نفسج يوعانة تقدرين تنامين

حرام

شوفي انتي متى تنامين رضعيها وغيري البامبرز وان قعدت بعد 6 ساعات نفس الشي غيري البامبرز ورضعيها

انا بنتي الاولى عمري 16 وطالبه وبنتي والدتها بالثامن بالليل على 8 امي تلعبها وتفججها واللعبة اللي تمسكها مالت الثلاث الشهور تخليها لماتتعب لا يات الساعة 11 غيرنا لها ورضعت ونامت وعلى الصلاة الفير ابدل البامبرز واهي نايمة ارضعها ان قعدت ابو العشر دقايق اكون اقرا قران تتعب وتنام والله وتقوم عاد الضحى العود

انتي حرام والله جربي ريحيها قبل لاتنام حتى خروجها ساعديها عشان ما يعكر نومتها اذا وراج دوااااااام

وي انا ولدي سنتين وليلحين اعطيه ممه قبل ما ينام احس يعطش بالليل واصلا اهو ما يشرب حليب الا وقت النوم شلون اقطعه عنه
مصيره بيكبر ويتعود
اهم شي الصحه والعافيه

حرام عليج عطية تستاثمين فيه