|
|
كتب مسعود العنزي:
تدرس وزارة التربية المقترح الذي تقدم به مديرو عموم المناطق التعليمية والخاصة بإصدار قرار بعدم قبول اي طالب بمدارس التعليم العام له صلة قرابة من الدرجة الاولى من العاملين بالوظائف التعليمية والادارية من مدير مدرسة او المدير المساعد او المعلم في نفس المدرسة وذلك ضمانا للمساواة بين الطلبة داخل المدرسة وسوف يعرض هذا المقترح على مجلس الوكلاء لدراسته في الجلسات القادمة.
اما بنت خالتها والا بنت عمتها وهالسوالف اييد بشده
يعني مثلا تكون البنت مو شاطره واقعدي توسطي لها
يعني ارووح اودي بنتي بمدرسة عند بيتي واروح بعدين انا مدرستي اللي بقلعة وادرين 
يسنون قوانين بصالح المعلم الوافد .. والكويتي يكرهونه عيشته
انا اشوف اذا صلة قرابة من الدرجة الأولى المفروض يفتحون المجال عادي
… الوحده اتسطر عيالها و جماعتها في مدرستها و يخلونهم يدامون الحصص على راحتهم و ينجحون بالساهل و يطلعونهم الاوائل بعد …و احنا عيالنا يتنيحسون عليهم بالدرجه و الثنتين عشاان ينجحونهم !…. بصراحه هذا اهو العدل و هذي المساواة … على ورقة ان مافي احد من اهلج تدرسينه بنفس الصف.
انا مع جذي بس ان ما يوطوط الطالب او الطالبة المدرسة لان فرضا عمته او خالته تدرس فيها لا مو حلو الصراحة
بس انا مع ان احد من اهل الطالبة نفسها تدرسها بالصف هني صج صج ضد وبقوة..
وجود مدرسات يصيرون للتلاميذ له سلبيات وايد
وأنا عانيت من هالشي من يوم كنت طالبه ولي يومكم هذا وأنا مدرسه
لما كنت بأولى إبتدائي كانت معاي بالصف وحده خالتها مدرسة عربي ولي الحين ذاكرة اسم البنت وخالتها من القهر
البنت كانت كسلانه ما تشارك وأنا كنت أشطر وحده بالصف
وكانوا المدرسات كذا مره يعاقبونها على اهمالها حتى مره مدرسة الدين ظلت تسأل كذا سؤال ومحد رفع ايده غيري قالت يالله وين المتفوقين وين الأولى خل تجاوبون بس "مدرسة المستقبل" رافعه ايدها
طلعت اهيه الأولى وأنا الثانيه
وياما وياما تكررت معاي هالسالفه
يمكن تقولون بيه قلبج أسود لي الحين مو ناسيه
أقول لكم الظلم مر والمظلوم عمره ما ينسى حقه حتى لو كان بسيط أو قديم
وحتى الحين وأنا مدرسة
مع الأسف المدرسة الي أنا فيها ماكو تلميذ ماله أحد من أهله بالمدرسه إن كان من الإدارة ولا من المدرسات
وتعالي شوفي الواسطات والطراره
وفي تلاميذ ما أشوفهم طول الكورس الله وكيلكم إلا مرتين ولا ثلاث واهم صاحين مو تقولون مرضى ولا عندهم ظروف
ايون المدرسات الي يصيرون لهم على ايام الامتحانات ويساحلوني وفيج الخير وفيج البركه وكله ملف انجازي ومن هالحجي
بصراحه أقولكم مرات الأهل يكونون سبب بفشل عيالهم لا واهم يشجعونهم عليه
الله يصلح عيال الكويت ويطرح فيهم البركه ويبعد عنهم الكسل والرباده
وسامحوني طولت عليكم
ومشكورة أغلى دانة
او نشوف الاختبار
بس بعد بيحطونا في ديره وعيالنا في ديره !!!
قرار في قمة التخبط — !!!
يعني أكيد الأقارب و الأهل بنفس المنطقة و بنفس المدارس
وين يوزعون عيالهم يعني؟؟؟؟؟؟؟؟
بعدين الواسطه مو شرط الأم تكون مديرو أو مدرسة أو غيره !!
الواسطه تكفي وحده توصي صديقتها على بنتها و خلاص !!
موووو بكيفهم و الله
أنا المنطقة اللي بشتغل فيها كل أهلنا بكل المدارس يعني أطلع أدرس برى و أتعب بالطريج ؟؟؟
ولا أهلهم يتحسبون علي لأني شتت عيالهم!!
من قل الزحمه اوصل بنتي لمدرسة تالي اروح مدرستي ,,,
بناتي شطار الحمد لله ولا يوم المتفوقين اتيي بنت توقف جدام بناتي لا وانا مدرستها يعني حتى جيد في مادتي ما اعطيها
كل هذا ليش غلشان الجمعيه تدفع واهم مستفيدين منها :؛
| قرار غبي كعاده وزارتنا المؤقرة |
>>>>>>>> ههه
يعني اليهال وين يقطونهم اذا كانت المدرسة قريبه من البيت
بيخلون الام بصوب واليهال بصوب شالاقتراح البايخ