|
|
السلام عليكم اخواتي في الله ..
يا بنااااااااات انا وحدة خريجة من احد معاهد التطبيقي و زهقت من القعده !! و أحس احنا الدبلوم الصراحه منبوذين من اكثر من جهة عمل .. يعني لو ودي اروح هالشركه الفلانية او هالوزارة المعينة مايبون إلا جامعيين 
شنسوي؟ انا قدمت على ديوان الخدمة و حالي حال خواتي إللي مقدمين ويانا وناطرين الفرج من عند الله سبحانه ..
عندي سؤالين و ابي ردودكم الله يخليكم ..
معاش الدبلوم اول ماتوظف بالحكومة جم تقريبا؟
و هل القطاع الخاص للمتزوجة ينفع؟ لان الصراحة الوحد يبي يدلع عمرة بمعاش القطاع الخاص ..
يلا خلونا نتناقش لأني ملييييييييييييت أريد حلا
واعتقد المعاش حروه ال 400 بالقطاع الحكومي
والخاص من 8 الصبح لي 4 العصر وشركه عن شركه اكيد تفرق
برة الكويت صعبة علي زوجي ماراح يتقبل الفكرة ..
متي تخرجتي وشنو تخصصج
المعاشات زادت بعد 120 وال 50 دينار .. آنا شهادتي دبلوم تو توظفت هالشهر ومعاشي 585 دينار بدون استقطاع التأمينات
بالعكس رواتب الدبلوم زينه ..
قووويه
طيب قدمتي اورااقج علي الديوااان…
الله يوفقج انشاء الله
.gif "Eh S(6)")
مايوظفون الدبلوم اللحين
انا خريجه من 2024 تخيلي ) :
اعرف بنات وايد قدموا على الديوان وتوظفوا على طول واكثر وحده فيهم انطرت 6 شهور مو اكثر
شنو تخصصج عشرينية ؟؟
مع اني اشك انهم ما قبلوكم اكيد انتو تتشرطون وتبون مكان معين يحتاج واسطه ودز
لا والله ماحطيت شروط ولا جبت واسطه ) :
اذا يقدر احد منكم يوظفني ماراح اقول لا ههههههههههه >> نصابه
واذا الله كاتب انى بتوظف بتوظف ( :
| أحس احنا الدبلوم الصراحه منبوذين من اكثر من جهة عمل |
بالعكس انتو اكثر مؤهل مطلوب لانكم ما تكلفون ورواتبهم اقل من الجامعي
| معاش الدبلوم اول ماتوظف بالحكومة جم تقريبا؟ |
الاداري :
راتب اساسي 200 دينار
علاوه اجتماعيه 169 دينار
زيادة شهريه 50 دينار
علاوة غلاء معيشه 120 دينار
دعم مالي 50 دينار
بدل شاشه على حسب الجهه نفسها انا وزارتي تعطي 15 دينار لتخصص السكرتاريه والطباع
وعليج الحسبه
المحاسب :
نفس التقسيمات اللي قبل وله كادر 120 دينار
الفني :
نفس تقسيمات الاداري لكن بدون بدل شاشه وزياده عليه مكافئة تشجيعيه ماني ذاكره جم بالضبط + مكافئة مستوى وظيفي هم ما اذكر المبلغ بالضبط سئلي فيهم قسم الرواتب
| و هل القطاع الخاص للمتزوجة ينفع؟ |
اذا هي قد الشغل والجهد مافي مشكله لكن اذا حطت بيتها وزوجها واعيالها بالمراتب الاولى أنسب لها القطاع العام
| وين أكمل بكالريوس؟ |
عندج الجامعه العربيه المفتوحه وجامعة الخليج