ممكن مساعدة؟ {{مدرستنا مشتركة في مسابقة لاعادة تدوير النفاايات المعدنية بغيت افكار}}

* استخدمي قطع القماش الزايدة في عمل سجادة صغيرة تستخدم كدواسة

* استخدمي الخشب ( اللي يطلع من القلم الرصاص لما نبريه ) في عمل لوحة فنية

* حولي العلب الكرتونية الكبيرة ( مثل علب كيك سابليه ) إلى صناديق هدايا

* إذا البنات عندهم اكسسوارات ما يبونها استخدميها في تزيين الملابس القديمة لتجديدها

* وفي بعد شي حلو بس يبيله وقت إذا عندج وقت كافي سويه وهو عبارة عن صنع سماد من الطعام الزايد :

حطي بعض المأكولات الزايدة في كيس بلاستيك مع جم نقطة ماي ودفنيه بالحديقة

وبعد اسبوع أو أكثر طلعيه وحطي بعد جم نقطة ماي ودفنيه وكرري العملية لما يتحول

آسفة توني ألاحظ إنج تبين بس نفايات معدنية

وانا كتبت لج عن النفايات بشكل عام

على العموم للخوات اللي طلبوا مني طريقة إعادة تصنيع الورق هذي الطريقة :

_ أخذي الأوراق اللي ما تبينها مثل أوراق الجرايد وقصصيهم قطع صغيرة ونقعيها بالماي لما تلين
_ حطي الأوراق مع مايها بالخلاط وشغليه لما الأوراق تصير مثل العجينة وإذا تبينها ملونة حطي عليها صبغ أكل أو أي صبغ ثاني
_ حطي العجينة في مشخال أو منخل نفس اللي ينخلون فيه الطحين وخلي الماي ينزل وضغطي عليها بايدج علشان تتماسك وتصير قطعة وحدة
_ الحين العجينة صارت مدورة مثل الصحن ، شيليها شوي شوي وحطيها على فوطة وخليها يوم أو يومين علىحسب حرارة الجو وخليها لما تنشف وتصير يابسة
_ شيليها شوي شوي علشان لا تتكسر واستخدمي ألوان الزجاج أو الألوان الشينية علشان تكتبين عليها أي شي مثل حكمة أو آية قرآنية وزينيها بشوية ورد صناعي
_ ممكن تحطينها بالمعرض على ستاند نفس اللي يحطون عليه الصحون اللي مكتوب فيها آيات قرآنية أو ممكن تعلقينها