السلام عليكم
حبيباتي
بغيت مساعدة من رئيسات اقسام او مترشحات للوظيفة اشرافيه لغة انجليزية ابتدائي
ابي الاوراق و المذكرات اللي ادرس منها حق الاختبار وين الاقيها ؟
واشلون طريقة الاختبار و المقابلة؟
ومتى ؟
وهل صحيح ان الاختبار يتبع الدورة على طول؟؟
انا راجعت التوجيه كذا مرة و كله يقولون راح انزودكم بسي دي بعد الدورة!! واللي سمعته ان الاختبار بعدها بيوم!!
يعني مافيه وقت ادرس فيه!!
واللي يعافيكم اللي تقدر تزودني بالمذكرات او تعطيني اي معلومات متعلقة بهالشي جزاها الله خير و راح يصير بميزان اعمالها باذن الله
و شكرا عالمرور مقدما و لاتبخلون بالمشاركة
السلام عليكم
حبيبتي امس وصلتني مجلة المعلم وحاطين فيها اعلان انه عندهم نسخ من امتحانات الوظائف الإشرافية راجعيهم وانشالله يفيدونج
بالتوفيق
حبيبتي اغلب التواجيه يسوون اجتماعات قبل المقابله ويعطونج نسخه
سألي موجهتج احسن لج
والله يوفقج مقدما
حبيبتي خبري موقع وزارة التربية فيها كل شي عن واجبات رئيسة القسم -وفي سي دي جمعية المعلمين انشاءالله يفيدك
الاختبار يوم 24 11 2024
بعده يمكن بشهر او اكثر المقابله
وبعدها الدوره
انا قريت اعلان في جمعية المعلمين ان عندهم مذكرات لجميع المواد للاشراف
اتصلي و اخذي منهم يمكن تفيدج
و الله يوفقج
الله يوفقك حبيبتي.. مثل ما قالت "computer teacher" في جمعية المعلمين
الله يوفقك
بس اهم شي بالمقابلة الثقة بالنفس – عدم التعثر بالكلام – الملف الانجازي تكونين فاهمة فيه كل شي
انا عندي اوراق الانجليزي المتوسط
حبيبتي
الله يوفقج ويوفقنا وياج ان شاءالله
جمعية المعلمين عندهم نسخ محلولة انا يبت منهم للعربي وااااااااااايد حلوة ومفيدة
اساسا امتحان الترشيح مال العام اهو اللي يبته
راجعيهم تلاقين مادتج
اللقاء باجر مع الموجهه الاولى … و في نسخ اختبارات عند التوجيه
موفقه يا رب
روحي جمعية المعلمين
حبيبتي بس دشي هالرابط ودرسي منه وراح تنجحين باذن الله .. لانه شامل كلللللللللللللللللللللللللللللللل المذكرات اللي تلوع الجبد اللي يعطونا ياها .. مذكرات على 500 صفحة والحجي فيها عايم وما تستفيدين .. انا حولت المعلومات اللي بالبوربوينت بهالسايت لوورد وصاروا 48 صفحة بس .. درسيهم وادعيلي .. وان شالله باذن الله … ناجحة
https://www.moe.edu.kw/pages/sectors/…s_practice.htm والمقابله بعد اجتياز الامتحان التحريري واغلب الظن انها بالكورس الثاني ان شالله .. والامتحان راح يكون يوم الاثنين الياي .. يعني بعد 3 ايام تقريبا .. من الساعه 6 الى 8 مساءا والمكان حسب منطقتج التعليمية .. العاصمة مثلا راح يكون اختبارهم في ثانوية جمانه بالضاحية .. سإلي التوجيه او ناظرتج عن مكان الاختبار بالنسبة لمنطقتج التعليمية ..والله يوفقج يارب