ممكن حل يا اخواتي المعلمات مع ابلة بنتي؟

حبايبي انامعلمة مع بنتي في المدرسة بس ادرس صفوف عليا بنتي في الصف الثالث وابلتها مهملة في تدريسها وابغى انقلها لفصل ثاني فيه ابلة احسن منها وماني عارفة كيف انقلها بدون ما احسس ابلتها لأنها زميلتي في المدرسة وهاذي الأبلة بنتها عندي وادرسها وخايفة انها تجازيني بنقل بنتها من عندي وتشيل علي لأن احنا عندنا يامدرسات لما ننقل بنت من صف الى صف في نفس المرحلة معناته ان الأبلة مقصرة … والصراحة ابغاكم تعطوني حلول بحيث اتصرف بطريقة ما تزعل زميلتي بالمدرسة

يعطيج العافية اختي

و الله يوفق بنيتج

بالنسبة لسؤالج تقدرين تنقلين بنتج من صفها و تقولين لزميلتج إذا سئلت ان في بنات يضايقون بنتج بالصف

و قولي لها ان بنتج راح تفقدها لانها عزيزه عليكم

و على فكرة

مرات نضطر نجامل علشان ما نخسر الناس اللي حوالينا

هذا رأيي و بالتوفيق

والله اختي انا مريت بتجربة

كانت بنتي معاي في المدرسة وسبحان الله بعض المدرسات قاموا يتسلطون عليها يزفونها في الصف او اذا شافوني قالوا بنتج ما سوت ما جاوبت ( مع ان مستواها زين وتسوي الواجب ومتأكدة ان اللي يقولونه كله جذب

وانا ماعندي اي عدواة معاهم وتقولين يحطون حرتهم فيها

مع اني والله يشهد حتى ما اسال عنها نفس المدرسات الباجي يحنون بالسؤال على بناتهم

قلت ابي الفكة وراحتي وراحتة بنتي

قمت ونقلتها مدرسة ثانية شسوي والله

بس من يومها وانا معاها مرتاحين والله حتى مستواها مرتفع

انا انصحج شوفي مصلحة بنتج وين وسويه ولا تجاملين اي احد على حسابها باجر ما تنفعج لا الزمالة ولا حتى الصداقة

واسحموا لي

مشكورة حبيبتي والله هذا اللي فكرت فيه

مشكورة حياتي بس صعبة اني اوديها مدرسة ثانية وماعندي خلق اقعد الصباح افتر بين المدارس وانا عندي دوام

نقليها صف ثاني بدون ما توضحين لزميلتج الاسباب

اهم شي مصلحة بنتج وهذي ما فيها مجاملات

اهم شي بنتج
نقليها وما اعتقد انها راح تسأل وان اسألت قوليلها لأسباب خاصة مو شرط الناس تبي تعرف كل شي
وبعدين ان انقلت بنتها عليها بالعافية يبا كيفها

وقبل هذا سئلي جم بنت عن مستوى المدرسة مو بس راي بنتج احسن عشان تتأكدين