ممكن تكون أعراض الدورة تشبه النساة ؟؟؟؟؟؟؟

زوجي مخترع لا اكون حامل وانا اقوله شلون احمل واحنا قاعدين نمنع ؟؟؟
الغريب بالموضوع اني صايرة جني قاعده اتنسى
من يومين اشم يم شقتي ريحه قطو ميت او يمكن فار يعني حيوان ميت والريحة داشة لي داخل شقتي وضليت مسكرة خشمي وشوي وتكرمون ارجع واهو ما يشم شي جان انادي بنتي واقولها صح ماما في ريحة خايسة ؟؟ خل ابوج يصدق جان تقولي لا ماكو ولا ريحة ولا شي جان ازفها لوووووووول اقولها شفييييج شمي عدل جان تقولي والله ماكو ولا شي

اذا خدامتي يتلي اقوم ابخر عقبها احس ريحتها جني داشة ملحق هنود حتى تو اشم ريحة هنود داخل الثلاجة قعدت ادور يمكن اهي مسويتلها اكله خاصة وحاطتها بس ماااااااااكو شي !!
ومحد يشم مثلي

من يومين قمت الفير اقول لزوجي ابي سمبوسة جبن
جان يقولي بييييييييييييه شطرى افبالج ؟؟ مو قاعده تسوين رجيم انتي ؟؟؟؟
قلت له اي صح بس كافخة براسي السمبوسة او كنافة ،، المهم شي فيه جبن حار

سولفت على وحده اعرفها جان تقولي هذي هرموناتج متلخبطة بعد الحمل والولادة وصعب تحملين ابهالسهولة وانتي توج والدة ،، هرموناتج ما استقرت عدل للحين !!

عاد اللي بعرفه ،، ممكن تكون من اعراض الدورة ان الوحده تحس ابأعراض النساة ؟؟؟ انها تشتهي شي او تشم روايح محد يشمها غيرها ؟؟؟ وانا مابي احلل لاني متأكده ان ماكو شي بس زوجي شككني !!!

سكتي زوجي كل ما يطل بويهي
يقولي هاااااااااا بشري ؟؟؟
ارد عليه سلامتك سلامتك نود لك سلامتك
لوووووووول