|
|
السلام عليكم
شلونكم بنات
هذي اول مشاركه لي وحبيت ابديها بسؤال جوهري 
الي تزوجوا والي يجهزون حق زواجهم جم تقريبا صرفتي على التجهيز يعني عطور بخور ذهب ملابس والعرس يعني الكوشه الشبكه والورد والفندق والذي منو ابي ايمع عشان ماينقصني شي من جذي ابي اعرف بحدود شكثر؟؟ وامانه للي سوو عرس يسوى اني اسوي عرس؟؟ لانه كل مره اقول ماني مسويه انا اولى بالمخاسير اخشها حق اليوم الاسود ولما اروح عرس اتشوق احس وناسه ابي نصايحكم ومشكوريــــــــــــــــــن مقدما
بالنسبة للتجهيز والله يبيلج مبلغ .. يعني بالنسبة لي أنا صرفت على العطور والمكياج تقريبا فوق 850 دينار والله .. بصراحة قعدت أشتري بالهبل
والذهب أللحين ناااااااار .. حيل غالي .. إذا تبين طقمين ذهب حلوين .. يبيلج 2000 تقريبا
وبالنسبة لنفنوف العرس .. إذا تاخذين أجار .. على حسب المحل .. حطي بين 600 و1200 .. أنا تقربيا خذيته بــ 900 دينار
طبعا قعدت ساعة أكاسره
والمسكة .. إذا تبينها ناعمة تقريبا 40 وكلما زاد الشغل فيه وصارة أوفر .. ممكن يوصل فوق 150
ولا تنسين مكياج العرس بين 200 و350
أما بالنسبة للملابس (دراريع + كاجوال + بدل .. ) وأحذية وأنتوا بكرامة و شنط وشغلات وايد … حطي ميزانية بين 2000 و3000
إن شاء الله ما نسيت شي
وحجز الصالة والبوفيه وسوالف هذي ماعندي فكرة .. أهل المعرس هم إلي يتكفلون فيه
وإن شاء الله البنات ما يقصرون ويساعدونج
موفقة حبيبتي
إذا جذي طريقتكم وبخاطرج تسوين عرس سوي .. لكن إذا ما عندج فلوس تكفي أقول ماله داعي
سوي ببيتكم أو بيت أحد من أهلكم وخليه عرس عائلي بسيط .. أوفر وأحلى بالنسبة لي
لاحبيبتي ماعليج من كلام الناس وسويلج عرس بسيط الصالات على 200 دينار والبوفيه هم تلقين ب200 او 300 والكوشه كل ماصارت ناعمه تكون احلى وارخص .. وبالتوفيق ياقلبي
اكو ناس العرس على المعرس فعشان جذي كل مهرج تصرفينه عليج
بس اذا انتي تسوين العرس يكلفج اكثر
بس انتي لازم تقسمين كل شي على حسب احتياجاتج
واحسن شي العرس لان بتتحسفين لو ماسويتي
اب
اب