مشكلة زوجية بسبب إهمال الزوجة بانتظار آراكم وحلولكم

السلام عليكم

خواتي الكويتيات .. اليوم بسير عليكم بالقسم واتمنى أكون ضيفة خفيفة عليكم

وصلتني مشكلة .. وصاحبتها تريد الحل وآراءكم بخصوص هذي المشكلة

تقول صاحبة الرسالة

هذي الرسالة كما وصلتني .. وصاحبتها تبي حل مفيد تقدر تساعد أخوها وتحافظ على بيته

وبانتظار ردودكم وان شاءالله صاحبة المشكلة تستفيد من خبرتكم بحل مثل هذي المواضيع

وشكرا

بالنسبه لي .. قلت لها لو المره تحس انه ممكن الزوج يفكر بالزواج بثانية أتوقع راح تنتبه

أنه بأي لحظه ممكن مكانها يتزعزع !! علشان تنتبه على نفسها وعلى بيتها ..

احس فكرة الزواج بثانية .. وايد تهز المره

وبانتظار حلولكم

!!

اكو مره جذي مهمله بيتهاا!!

شوفي انا اقول انج تزورينها على يوم انتي وخدامتج او احد من بناتج وروحي عندهاا وهناك قعدو شوي معاهاا وقولي لهاا علشان خدامتج مسافره يينه بنساعدج وسوو حمله تنظيف عالبيت وعطروه وبخرووه وبعدين وانتو تنظفون قولي لهاا ترى مو زين جذي كل هذا امراض وعلشان عيالج لا يمرضون لازم البيت يومياا يتنظف وينمسح بديتول خاصتا وانتو بكرامه الحمام والمطبخ علشان الحشرات وحاولي كل مره تكلمينهاا قولي لهاا اطرشلج خدامتي ووصي الخدامه تعلم خدامتهاا اذا يت شتسوي بيتهم واما اهياا قولي لهاا تدش المنتدى وتشوف قسم الترتيب والتجارب جوز يتحرك فيهاا شي يخليهاا تحس :

لا تخلينهاا اذا صج تحبينهاا نصحيهاا مافيهاا شي انتي ما تسوين شي غلط بالعكس قولي لهال لمحي لهاا انه ريلهاا مو متعود على جذي يحب الترتيب خزني الكلام بمخهاا ختفكر شووي اذا ريلهاا سكت الحين مارح يسكت بعدين والله يكون بعونهم

والله انا رايي من راي بتبوتا سوي لها حملة تنظيف
ومافيها شي ياوخيتي ان خذتيها على جنب وكلمتيها بكل صراحه ووضوح بعد ماتبينين لها حبج وخوفج عليها
صدقيني راح تتقبل
اما موضوع انج تقولين لها انه اخوج يفكر ياخذ عليها ان ظلت جذي راح ادخلين الشك بينهم وبدال ماتكحلينها تعمينها
هذا رايي

تصدقيني بتوبوتا خوش حل .. وايد راح يساعدها بالتعرف على مشكلتها (لانه اتوقع انها مو حاسه انها بمشكله فعلا)

وبدون لا تنجرح كرامتها .. حلوه فكره المساعدة بالترتيب والتنظيف

يعطيج العافيه

وبانتظار بقيه الحلول

مشكله صعبه اذا المره مومهتمه بنظافة بيتها وعيالها

والمشكله ان عندها خدامه ليش ما تنظف ؟؟؟؟

انتي اذا تخافين على مشاعرها سولفي لها سالفه وهميه قوليلها كان في وحده مومهتمه في بيتها ونظافته كل وصخ اخرتها زوجها تزوج عليها
يمكن تحس او تدري انه قصدج عنها

لانه الريال يبي يرجع من بره في بيت نظيف يرتاح فيه مو كله دثره وعفن

مرامي عدل كلامج ..

بس تصدقين انا قلت هالحل عن تجربه شفتها شلون قلبت حال المره فوق تحت .. بس ما كان تهديد !!

كان فعلا الزوج راح يدور زوجه ثانيه وعرفت زوجته وانتبهت حق نفسها عدل وتغيرت فوق حدر

ويعطيكم العافية

بانتظار باجي الحلول

السلام عليكم ورحمة الله وبركاته فعلا اختي المشكله ولله كبيره–بس اسمعي اذا هي تسمع من اخته مافيه الا نه تكثف زياراته لهم ومنه تفتح مواضيع مثلا تقوله شوفي يافلانه انا سمعت بطريقه تخلي ريحة الملابس جناااااااااان تدرين وشلون انتي بعد م تخلصين غسل الملابس قومي اخر شي وخليه اخر شطفه ماء وشوي من اي عطر توله ( اللي من زهور الريف -نكتار-بودي شوب) ثم تعالي شوفي ريحت النظافه تفوح من ملابسك او تجيب له اكثر من توله وتغير بالروائح وتقوله اذا بغيت تشطفين الملابس الدخليه استخدمي هذي الريحه واذا بغيتي تشطفين الفوط استخدمي هلريحه—وهكذا—او تسوي خلطه مثلا للجسم وتقوله جربي هذي انا جربته و الله جنااااااااااااااان———-او اذا هي تمون مررررررررررره على مرة اخوه تقوله مثلا بطريقه ماتحرجه وشرايك نقوم نرتب هالمكان او تدخل المطبخ وتبداء ترتب لو خفيف>>>ادري تبي تقول انا اجيهم عشان انظف انا اقوله لا مره وعلى الخفيف يمكن تحس شوي واذا شافت انه ابد ماوصلهه الماء تقوله شفتي يافلانه اعرف وحده تخيل تزوج عليه زوجه ويوم اسؤلوه الجماعه ليه تاخذ على ام اعيالك قالهم وش اسوي انا ابي احس اني داخل بيتي مش مزبله والله يافلانه ماتسوى على مرته فشله وفضحه صحيح الرجال مايهمهم شي اذا بغى يتزوج يطلع عذروب المره ومايهمه بس عشان الناس تعذره عاد هي مابين وقت وقت تقط نغزات والله يهديه وينور بصيرته >>>>>>>>>>>>>ااسفه والله ادري طولة بالكلام بس والله اني ابي افيده

حبيبتي ليش مو ريلها يقولها ويهددها اذا ما تسنعت راح يتزوج عليها ….ويكون له عذر وهو اهمالها
بالبيت واليهال ويمكن نفسها هم وصخه..راح تخاف وتتسنع اما اذا شافت ريلها ساكت بكل بساطه تقول كيفي
دام ريلي عاجبه وما اشتكي مالكم شغل وخليكم ابعاد..الحل حبيبتي ..بايد رلها صدقوني

دام رفيجتها تنصحها امبيه انا مرات مالي خلق انظف اتامر على الخدااامه تاشيرة اصبع

الله يعينها يمكن مو حاااسه بنفسها

الله يعين ريلها بهالحالة ..

انا من رايي ان البنت تفانحها بالموضوع ,,

لان بوطبيع ما يوز عن طبعه ,, وحتى لو نظفت وتعبت البنت راح ترد لعادتها القديمة ..

خل تيي تقولها يافلانه ترى اخوي قاعد يلمح انه مو مرتاح بسبة ان البيت مو نظيف ومو بعيده نفسيته خايسه بسبة هالشي ..

وانا لومن صاحبه المشكلة اخذ خدامتي وبناتي واذا تبي عندي رقم خدم ايوونينظفون لج 5 ساعات بــ 4 دنانير ((والله موقصدي دعايه بس حابه اخفف عالمرة ))

وتاخذهم يومين بالكثير ينظفون ويعدلون وخل تفهمها ان هالوضع النظيف اللي يبيه الريال ..

والمرة بسنعها تحافظ على ريلها وبيتها ..

ولله مادري فكرت وااايد وتصدقين حلج حلووو بس خووفج عقلها صغير وتكبرها :$

أنا رأي من راي بتبوتااا فكره وااايد حلوه

الله يعين العيال مومعور قلبي الاهذيلا الوصخه في بيتها تلقينها وصخه حتى في نظافتها الشخصيه والظاهر زوجها متأذي حيل وهذا منعكس على نفسيته معاها بس مفروض يكلمها مايصير ينفس ويسكت لو مكلمها بشده اكيد راح تتسنع اذا باقيه على بيتها وعيالها وزوجها …الله يهدي الامور يارب

بطيهاا بوجههاا قولي ترا الرجال بيعرس عليج
الرجال يبي المره السنعه والبيت النظيف
هي وش مهنتهاا وش مشغلهاا عن بيتهاا وعيالهاا
بصراحه الله يعين الزوج مسكيين ومظلوم وش ذنبه لارجع من الدوام تعبان يبي الراحه وشاف البيت والعيال بهالوساخه والقذاره
هو بعد غلطان ليش مايكلمهاا وينبههاا صج امرهم غريب شلون الواحد يقدر يرتاح ولايقعد بالقذاره والفوضى؟؟!!!!!!