|
|
هذي أول مشاركة لي بهالمنتدى الرائع
وأبي منكم حل لهالمشكلة
أخوي خطب له وحده وافق ابوها وأمها والبنت وافقت على أخوي لكن ما تبي اتزوج الحين
اتقول انها تبي تكمل دراستها الجامعية
والعجيب انها هي واخوي بكلية وحده
وهو ميوله مثل ميولها
ويتفوقون باشياء كثيرة
وانا اعتقد ان زواجهم الحين وهم طلاب بنفس الكلية راح ييسر لهم الدراسة
وراح اتكون لهم متعه يداومون مع بعض ويذاكرون مع بعض
وانا قريت لبعض الاستشاريين وبعض المشايخ
كلهم يقولون الدراسة مع الزواج ايجابية وما تاثر على الدراسة
فأبي منكم نصيحة
شنو يسوي اخوي حتى تقتنع هالبنت بان الزواج ما يأثر على الزواج؟
أبي خطط نسائيه ذكية
ولكم مني جزيل الشكر
مصابيح الدجى
ولسان حاله
أرقٌ على أرق وثلي يأرقُ ……… وجوىً يزيد ودمعةٌ تترقرقُ
اذا البنت شارطة انها تكمل دراستها بالاول انتوا ملزمين تخلونها براحتها وتالي يصير خير
واذا الكلام هذا يديد ومفاجاة بالنسبة لكم لا اتوقع تكلمون والدتها شالسالفة؟؟يمكن البنت مو مقتنعه وغلط تضغطون عليها خوفكم باجر عقب ماتملجون تهون بعد الحين مدامكم عالبر شوفوا شالسالفة
انا حترم وجهات النظر
بس مو شايفه مشكله
البنت من حقها انهاتحدد متا تتزوج
ولو ضغطتو عليها بتصير مشاكل انتو بغنا عنها
ادري
لكن شنو الصح؟
الجمع بين الزواج والدراسة
او
الدراسة فقط
قبلت البنت قبلت
ما قبلت شوفوا غيرها
وبعدين مثل ما قالوا البنت يمكن البنت لها وجهة نظر ما تقدرون تغيرونها
والله يعينكم وييسر على اخوج
البنت تعرف فدراتها
قالتكم انا ابي ادرس بعدين اتزوج
اذااخوج باغيها واهي بنت زينه ليش تهدونها؟
خلوها تكمل دراستها وبعدين تتزوج
اهي عارفه انها ماراح تقدر اتوفي حق اخوج لي تزوجته واهي تدرس
بالعكس خلوها علي راحتها علشان ماتظلم اخوج ولاتظلم نفسها
وآنا رايي أنه الدراسة يمكن تمشي باول أيام الزواج …بس مع الحمال والولادة والربى..صعبة وااايد
بعدين ترى هم الريال رااح يتأثر بدراسته مع الزواج والتزاماته
