|
|
حبيباتي كويتيات انا اش كثر قريت بالمنتدى عن عيادات للاسنان وللامانه ما بقى عياده ما مريتها
نضرب امثاااااااااااااااااااااال
مستشفى الهادي
دار الشفا
الراشد
فرجينيا
الفوزان
الميدان
ابها
الحكمه
بهمن
العرف
وبتقولون كل هالعيادات مريتي عليها…بجاوب نعم…بتقولون ليش..؟؟ بقول لكم لان اسناني منعدمه…وكان لازم افتر اعرف شغلهم والتكلفه اهم شي لان بما ان الاسنان اللي يبي لها علاج كثيره لازم احسب الكلفه
المهم…كل هالعيادات والمستشفيات الخاصه اللي راجعتها قالوا لي علاج عصب الطوان مع التلبيس يطلع لج ب350 وزياده؟؟؟
وانا عندي خمس طواحن…سويت واحد عند العرف قسم الاسنان ب350..وسويت بالراشد بنفس السعر للسن الثاني
بتقولون ليش تلبسين الطوان..بقول لكم لان الشوات ما تثبت عندي والطوان اتكسر بسبب نقص الكالسيوم يعني السن ضعيف لازم اسوي تلبيس
يعني قطيت على ضرسين700 دينار…وانا ناويه بعد ما اخلص الخمس طوان اعالج الباقي من اسناني بس الطواحن بالاول
المهم قالت زوجي قال له رفيجه انه مسوي اسنانه بالخفجي وما رضيت قلت اقط فلوس على شي يسوى وما اخاطر لان الاسعار اللي قال لي عنها تشكك تسس انها تجاريه
المهم بعد ما خلصت علاج الضرسين داومت وشفت واحد معانا بالدوام وانصدمت …الله يسامحهم البنات كانوا مسمينه الجرذي بسبة اسنانه كانت مره خربانه
المهم قلت لمسئولتي تساله وين مسوي اسنانه…وكانت الصدمه بالخفجي وقال لها مسوي علاج العصب والتلبيس ب42
والتلبيس الماني مو اي شي
المهم رديت البيت وجننت زوجي قلت له الا اروح الخفجي قال انتي قبل رفضتي
بيني وبينكم اول رفضت لاني ما صدقت زوجي قلت يمكن يبيني اسوي اي كلام عشان خايف على الفلوس وما يبي ينضغط ماديا
المهم….انا توجهت للخفجي وكنت عارفه اسم العياده اللي انا متوجهه لها بس بيني وبينكم من دخلت الخفجي لقيت اكثر من عياده ودخلت تقريبا خمس منهم قبل لا اروح للعياده اللي انا مسويه عندهم موعد…قلت افتر عليهم اللي اشوف انه ضخمه وعليها زحمه وديكورها متعوب عليه معناته اكيد انها مو تجاريه
بس ما عجبني شي فيهم….او ما حبيت اخاطر
رحت للموعد فالعياده والصدمه يابنات لقيت كل اللي موجودين بالعياده من حضر الكويت شباب وبنات
واخذت منهم التفاصيل بالممل…لدرجة ان وده ورتني نابها..وكان تركيب والله مو مبين تركيب
وزوجها مركب تقويم…المهم انا دشيت
سويت تنظيف ق ضرسين فيهم سوس شالوا السوس وحطولي حشوه تجميليه…واد منهم من الاسنان اللي جدام…منحفر طالع فيه حفرة سوس اي اد يشوفني اتكلم يشوفه منحفر المهم فروه شوي ونظفوا السوس وحطولي شوه تجميليه
ولما طالعت المنظره ما صدقت كانه ضرسي….نفس اللون ومحد يقدر يعرف ان نص الضرس تجميلي..ولا انا
والطوان قالوا لي ما نقدر نسويها الا بالجلسه الثانيه لان عندج التهاب وخراج لازم تاخذين مضاد عشان يختفي
المهم شفت بالاعلان تنظيف للجير وتلميع للاسنان قلت بسويها ووافقوا
يعني تخيلوا سولي تنظيف ضرسين من السوس مع حشوات تجميليه وغسيل وتلميع لباقي الاسنان وكل هذا كلف عليه
32 دينار
دعواتكم لي وراح اعطيكم تفاصيل الجلسه الثانيه
انتظروني
متابعينج..
انا ودي اروح بس ريلي مو راضي
حتى دكتور بالهادي اهوا اقترح على ريلي يوديني الخفجي يقول اسعارهم زينه احسن من اهني
وشغلهم زين
حتى وحده معانا بالدوام مسويه ضروسها هناك تمدحهم
تعااااااالي قوليلنا اسم العياده 
انا اتوقع اراك ؟؟
والله يتمم عليج
بس ممكن اسم العياده ؟
ورقمها
وعند موعد قريب وبحط لكم التفاصيل
مادري احس السعر مو صج ترى علاج الاسنان بكل دول العالم غالي اشمعنا اهما رخيص لا مو بس رخيص برخص لتراب
انا عن نفسي اعالج بابها الى بالفروانية وعاجبيني واسعارهم حلوة
بس سؤال الدكاتره سعوديين ولا مقيمين ؟؟
ومشكوووره ..
.
.
لوسمحتي حبيت اعرف اسم العياده واسم الدكتور اللي مسويلج
ويعطيج العافيه