مدرسه الرؤيه تعبتني نفسيا

السلام عليكم ورحمه الله وبركاته ,,

كويتيات انا ولدي بسنه اولى ابتدائي ومدخلته مدرسه الرؤيه وناويه اطلعه الصراحه جننوني وجننوا الطفل

مايرد البيت الا الساعه3 وواجبات موطبيعيه وغير حفظ الايات الطويله واذا اخطا او يحتاج صعوبه يدقون علي ولدج مايحفظ والله ان حفظه احسن مني بس يحتاج ان المدرسه توسع بالها وشوي شوي ما يقدر يسترسل …وهذا غير العربي يبووونه فلته زمانه ماصار له شهرين يبونه يركب الجمل ويبون خطه حده حلوو الولد تعب نفسيا وكذلك انا والانجليزي حدث ولا حرج

جبت له مدرسه خصوصي انجليزي قالت مايحتاج ولدج ممتاز !!! ليش ابلته ماتقول جذي الي بالمدرسه ؟!
عندي حماي بالبيت مدخل عياله مدرسه النجاه الي بالسالميه يقول نفس مناهج الحكومه والي يعطونه مدرسين مو مدرسات مدرس فلسطيني او مصري
وانا اشوف عياله مستانسين بينما ولدي كله نفسيته تعبانه
عفيه بنات الي تعرف اي شي عن المدرسه هذي ياليت تفيدني
انا الي اعرفهع بس ان رسومها 350 بالسنه مو الرؤيه 1400 واجيب مدرسين وهم مو تارس عينهم

>>>>>>>>>>>>حدي حاقده عالرؤيه

ميخالف الحين يتعب باجر يتعود على الكراف عشان مصلحته انا لما كنت بالجامعه اشوف الفرق بينا وبين خريجين المدارس
الاجنبيه الجامعه سهله بالنسبه لهم واحنا ماغير ماسكين الترجمان ونترجم حرف حرف ومدرسين خصوصيين ومغرزين

والله مادري انا كلش مامدحولي الرؤيه مابي اضيق خلقج
دامج دافعه دافعه وديه الابداع اقوى منها

والنجاه مادري عاديه والانجلش حيل عادي

مادري اذا انتي تبين اللغه ترى النجاه اللغه عاديه

والله مادري انا مايهمني الانجليزي كثر التدريس بوجهه عام كاني انا متخرجه من الحكومه شزيني بالانجليزي ليش احمل ولدي فوق طاقته ؟
ياليت بنات الي تعرف اي شي عن النجاه تقولي

النجاة مدرسة خاصة منهجها حكومي والم

يعني ما تقارنينها بالرؤية اصلا الرؤية اقوووى بوااايد

صدقيني الولد راح يتعود على المدرسة ويحبها

ولد اخوي فيها بسابع اللحين ابوة بيطلعة واهوو رافض ال

ولد ماشاء الله مستواة ممتاز

يقول صج كراااف بس بالمقابل استفادة

ميخالف استحملي بالنهاية راح ترتاحين انشاء الله يطلع الولد متأسس عدل

أختي مدخلة عيالها كلهم بالنجاة وعندها 3 منهم تخرجوا منها والرابعة في صف رابع ثانوي

والولد بصف ثانية ثانوي واللي في النتوسط والإبتدائي ،،،،،،،

عمرها ما اشتكت من المدرسة ولا المدرسات كلهم تمدهم ، حتى مدرسة الأولاد تقول

وااااااااايد روعة تدريس وتربية ومراعاة للتلاميذ وفوق هذا كله ملتزمين بالدين ،،،،

والرسوم أرخص ، تبين نصيحتي دام إنه توه بصف أول ابتدائي حوليه المرحلة الياية وحطي

إيدج بماي بارد وارتاحي ،،،،،،،

والله يوفق الجميع إن شاء الله …………….

لاااااااازم في صعوبه بالبداية عليه وعليج

لا تستعجلين وتطلعينه و بعدين سمت الروية اسلامي صدقيني مايطلع من المدرسة إلا وأهو عارف كل القيم والأخلاقيات وانتي تعززينها يعني يساعدونج بتربيته مو بس دراسته ..

هم سمعت عن روض الصاحين … خوووووش مدرسه

صلي استخارة والله يكتب له كل خير

حبيبتي انصحج نصيحة لوجه الله ، انا صديقتي كانت مدرسة انجليزي بالرؤية و الله اهي نفسيتها تعبت من اسلوب المدرسة مع اليهال و ما كملت بهالمدرسة………. انصحج تحولين طفلج منها بس هذا مو معناته انج تحرمينه انه يكون بمدرسه انجليزيه لا حبيبتي انا من و كنت بالروضة و كنت بالمدرسة البريطانية رغم معارضة معظم الاهل و كلهم صاروا يقولون حق ابوي انت تقط فلوسج بالشارع و ماله داعي جذي بس ابوي صمم ان انا و خواتي نتم تعليمنا بالمدارس الاجنبية و شوفي الحين شلون المستقبل احسن لانا نتحجي انجليززي مثل الاجانب بالضبط……….

دخلي ولدج مدرسة انجليزية زينه و ما راح اقولج كم مدرسة انجليزية زينة عندنا بالديرة ………. انتي بتشترين مستقبل لولدج لا تحرمينه منه ……….. الحين خريج مدرسة انجليزية غير عن مدرسة حكومة اشلون الوضع بعد 15 سنة؟

ولدج اهو استثمارج في الحياة لا تحرمينه من مستقبل احسن دام تقدرين بس انصحج دوري مدرسة ثانية غير الرؤية لانها صج تعقد الياهل.

و الله يفرحج في ولدج ان شالله

وع انا ما اواطن المدارس الى جذى يحبطون الطفل ويخلونه يفقد الثقه بنفسه

عندج مدرسه انجلو ارب اكاديمى + التكامل +روض الصالحين +كمبرج

بس النجاة مدرسه عربيه مو انجليزيه

بعد عمري كويتيات والله ,,,,,

اي ادري النجاه عربيه مو انجليزيه بس اذا تذكرون اياام اول قبل الغزو شلون تدريسنا جد والابلات يفهمون يعني بالعربي تاسيس قوي انا ابي جذي وناس تقول ويع النجاه وناس تقول تاسيس قوي اما الانجليزي شزيني انا مدارس حكوميه وبلبل انجلش ..الصراحه يهمني بالمرتبه الاولى انا عربي مو انجلش .. ابي تاسيس قوي ..
ابي رايكم امااانه النجاه زينيه اولا
ياربي كل المتفوقين ثانويه عامه النجاه صح ولا انا غلطانه ؟

إي والله صاجة
النجاة ولا عليها أنا أعرف ناس متخرجين منهـا
مشاءالله دين وأخلاق و تدريس روعة ..
ومدرسين يعطون من قلب ..
لا تخلين يوخيتي ..
والله يوفق ولدج

والله يسهلج الخير ..

تحيبي