|
|
مااحب المقدمات بدش بالموضووع
بنت عمتي تقدملها دكتور بالجامعه
واهيا متردده
ولها اسبابها يمكن تغار لان اكيد بياخذ سكشن بنات وفي بنات يقطون نفسهم عالدكاتره
مثل مافي دكاتره محترمين في لا !!
طبعا هالموضوع مو عشان توافق لان اهيا وتفكيرها كيفها
الهدغ من الموضوع
زوجات الدكاتره … شنو المشاكل اللي تواجهونها من مهنة رياييلكم !!
ويسولفولكم عن اللي يصير بالجامعه !!
والمدموزيلات.. اذا تقدملج دكتور يدرس بالجامعه توافقين !! واذا رفضتي شالاسباب؟
وترااا مااقصد ان دكاترة الجامعه مو زينين !! عشان ماتقولون بعد!
اللي اقصده ان الدكتور من المهن اللي البنات يتأذون منها !!
ملاحظه :: الموضوع غير قابل للهجوم لان كل شخص له وجهة نظر
مممـ
صح
نا اعرف دكاتره وايد عيونهم زايغه
مره رفيجتي قالتلي اخذي عند الدكتور الفلاني لأن مغازلجي ويبح البنات وراح يعطيج خووش درجات
بـس هم في دكاتره محترميييييييييييييييييين
مروو علي دكاتره وايد حتى واهمه يشروحون عيونهم عالارض 
والواحد يبين من سمعته!
يعني تقدر تسأل عنه الطالبات اللي يدرسهم!!!
لا مآ وآفق لآن دكاترة الجامعة شيآب
و الصغآر يكون عمرهم بالـ 40 و فوق و مغرورين
و فوق هذا مآ ينآسبوني على مستوى القبيله و العآيلة
يعني لحد ألحين مآ مر علي دكتور جآمعه منآسب
إي صح السبب الأكثر أهمية ان 99 % منهم متزوجين فـ أكيد مآفكر فيهم بنوووب
و ليش مآ توآفق بنت عمتج
الشهاده لله كل الدكاتره اللي درسووني محترمييين محترمييين و مثقفييين الا القلة منهم مخرب عليهم شوية هالغرور هع
بس بالنسبه للي بكليتي والله ينحطوون ع الراس انا اقول خلها تستخير
للحييين مرو علي جم دكتور كل واحد فيهم ما يحلف الا براس زوجته هع
لدرجة البعض منهم صرح انه يحب زوجته اكثر من امه و ابوه << بس بس خرتيها
الوكاآآد الزين زين و الشين شين ، و الدكااتره لهم فضل علينا و ماعليهم زود
يعني اول الثلالثين جذي !
يكونون توهم يعني
وروح الدنياا
تسلموووون عالمروور العطر
وترا في دكاتره صغار بالعمر بالثلاثينات
والدكتور اللي تقدم حق بنت عمتي توه متخرج
وفي دكاتره مغازلجين
بس الاغلب عيونهم زايغة خخخخ سبحان الله
تسلموووون عالمرووور الحلوو نورتووو
واكيد راح تستخير واايد
الحين تشوفين ريـال حافي منتف البنات مقومين حظه وكلهم يتلون فيه ويتهاوشون عليه وميتين!
هالدور ترفض دكتور..! غريبه !
والله البنات هالايام ماخلوا احد مايشوف نفسه من كثر قطة الروح اللهم ياكافي
خل تستخير هذا زواج مو لعبه
بالتوفيق
سئلوا عنه بكل مكان حتى زملاءه الدكاترة سئلوهم ترى يبين الخافي والمستور من تحرشاته أو إنه حاط لاين بينه وبين البنات
كل شي إنشاء الله يوضح
وفي دكاترة بالثلاثينات صغار مو شرط
خليها تستخير بس
ربي يوفقها
واشتيااق معاج حق
وهم في دكاتره مطيحين الميانه مع البنات عالاااخر
سميلينق
اكييدبيسئلون بس مااتوقع بيقولون ان في عيب
اولا يمكن مايعرفونه عدل لان يديد وتوه متخرج فمايندرا