|
|
شحالكم
بدخل فالموضوع على طول
يمكن البعض قرا مواضيعي اني امر بحالة وبلاء بالنسبة لي ولعمري كبير وبصعوووبه اعدي واروح للخطوة اللي بعدها
انا مؤمنة بربي بس بعد هالظلم والبلاء والله حالتي ونفسيتي انجلبت 180 درجة كله مضايجه نااادرا اضحك من الخاطر والله امر كم يوم نفسيتي تتعدل عقب يرجع لي الضيق
مادري ليش لااازم امر بضييييق واصيييح حتى لو كنت واثقه من ربي!!!!!!
يمكن هذا نوع من التخاطر يعني اللي ظلمني يحس بضيق وندم على ظلمه لي؟؟؟ شو رايكم
لان التخاطر اكده وايدين واقرب الناس اختي لها مواااقف مع هالشي ويطلع صح
استغفر وادعي وكل شي وواااثقه الله بيفرجها علي ومن فترة شهر او شهرين ويمكن اكثر حلمت كذا حلم لفترات متقطعه عن الفرج وتصير اشيا بس ماتكتمللللل
تعبببت والله ماعندي حد اشكيله همومي اللي فالبيت محد يحس فيني يقولون عني سخيفة بس والله احس اني غرقااااااانه في بحر من الهم والله يشهد دموعي تنزل وانا اكتب لكم .gif "Eh S(2)")
اذا رحت افضفض عند حد يملون ويطفرون يعقون نغزات وملينا من هالاسألة ومادري شو ، انزين من فرج عن مسلم كربه من كرب الدنيا فرج الله كربه من كرب الاخره !!!!!!! وين الاخوه وين الرحمه بقلوب الناس اذا حد لجأ لهم !! ادري يمكن اكون ثقلت عليهم بس حتى لوووو!! يعني انا اذا يت عندي وحده مضاااايجه وتقولي كلامج يريحني ويخليني اتفائل واتطمن وااااايد افرررررح افرررررح انه كلامي يفررررح مهموووم ومضااايج ويرفع معنوياااته !!!!!!!!
تعبااانه والله تعبانه والله الحاله وصلت عندي اني مرات صايره ادعي يارب اذا في حياتي خير خلني اعيش واذا في موتي خير خذني لك
عمري 21 ومااافي احلى من هالعمر ربيعاتي ماشاء الله عايشين حياتهم اما انا بعد هالظلم والبلاء كلللللله ضييييييج وصيااااااح «« تصييييح ومتغصصه
ابي حد يريحني كلام يريحني والله محتااااجه الله يفرج عني عاااااااااااجلا
والله احس بختنننننق حتى قلبي هالفترة صاير يعورني احس بألم في قلبي الم ونغزات ألم تروح وتي
خاااااطري ربي يراويني حلم رؤيا صااااادقه وواااضحه ورؤيا حقق انه الفرج قرييييب والنصر قريييب وكبيييير ولاتخافين ارتااحي اطمني 
ماقدر اكمل والله ودي افضفض بس دموعي تمنعني اني اشوف الشاشه وفي قلبي صررراااااااخخخ ودي اطللللعه واقول باعلى صوتي حسبي الله ونعم الوكيل، الظلم هذا يمكن مب مستمر بس بسبب هالعذاب اللي للحين اعيشه انا اعتبره ظلم مستمررررر
الله يخليكم ادعولي في ظهر الغيب دعاء المسلم لأخيه المسلم مجاااب
ابي الفررررج
ارجووووووووووك رببببي وحدك اعلم بالهم والظلم والبلاء الذي اعيشه يااااارب بشرررني بالفررج واجااابتك لدعواتي ونصرتك لي عاااااجلا.gif "Eh S(11)")
عيشي حياتج وعمرج. لاتفكرين مثلهم عشان مايصير بقلبج غل وكره بعدها ماتستجاب دعوتج. عشان جذي. قولي بسجودج حسبي الله ونعم الوكيل وادعي. بعدها انسي.
حراااام انتي صغيره ع الهم والظلم. الله يوفقج يااارب.
أخيرا اقولج رددي الصلاة ع النبي كذا مره. ترى والله فرجت همومي ولو كانت صغيره
واحتسبى عند الله واسجد ى بين يديه سبحانه واشكى همك واقرا ى سوره يوسف كثيرا
وكلي امرك لله
وخليك على طهاره 24 ساعه..يعني كل مانتقض وضوئك ارجعي اتوضي
واستغفررررررررررررري كثير كثير.ورددي حسبي الله ونعم الوكيل
وادعي بين الاذان والاقامه.بصلاه الوتر
وحاولي ماتتشكين لاحد والله ياقلبي مايفيد..خليك كل ماحسيتي انك بتشكين ارفعي يدينك وادعي
جربي الي قلتلك لو بس كم يوم وبتلاحظين ..وبشريني
الله يفرج همك يارب
فيه كلام يسر الخاطر .ربي يفرج عنك وعنا وعن كل مهموم يارب
ترى رب ضاره نافعه
عسى ربي يفرجها عليج دنيا واخره وينولج مرادج وينصرج
حسبي الله ونعم الوكيل
دايما كرري لا اله الا انا سبحانك اني كنت من الظالمين وادعيه الحزن والكرب
ومارسي رياضه لانه الرياضه تريح النفسيه
اختي ريلاكس، حبيبتي والله وان شاء الله بتقرين انه انفرجت علي وانتصرت عليهم واثقه بربي ، مثلما قلتي بس ماقدر صعععب اني انسى واذا فترة نسيت ارجع اضايج واحس بخنننقه من الضيج واصيييييح واكون بحاله شبه هستيريه من الضيج ، واانا اردد واتحسب عليهم كلما تضايجت ، وهاللي يضايجني اكثر اني صغيره وعايشه بهالهم بس واااثقه انه ربي بلاني لانه يحبني
وفعلا مثلما قلتي انا بعد جرب الصلاة على النبي وفعلا نفعت معاي بس مشكلتي ماعرف الحق على شو احس احيانا ابي اركز عالاستغفار بس بحاول اوازن واذكر الله بكل الاذكار واصلي على النبي عليه الصلاة والسلام
اختي ام عمران، ان شاء الله بسوي اللي تقولين لي عليه وافوض امري إلى الله إن الله بصير بالعباد
اختي حلاوه، ان شاء الله بسوي اللي تقولين لي عليه بكثر من الطهاره اكثر والباقي بعد، والله احاااااول اني ما اشكي لاحد بس احيانا احس محتاااااجه اطلع اللي بقلبي بس خلاااص متوكله على ربي وان شاء الله ياااارب مايحوجني اني اشتكي لحد ، ان شاء الله بنضم لها بقرآ الموضوع بتمعن وبنضم ان شاء الله الله يقدرني بس
حبيييييبتي بريتي ماتتخيلين هالكلمة كيف اثرت فيني "قرررب الفرج" فعللللا كلامج ويااااااارب ياااااااااارب يفرجها عليييي ويبد حالي الى احسسسن حال وينصرني ويعطيني اللي ابيييه يااااارب
حبيبتي كريستال ، ان شاء الله برددها دايما، لا اله الا انت سبحانك اني كنت من الظالمين وحسبببي الله ونعم الوكييييل الحره هاي مايستشعربها الا المظلوم ، وانا مظلومه ولا انام ظالمه ان شاء الله حبيبتي بحاول انظم وقتي وامارس الرياضه
يااااالله ياااالله ياااالله فرج عني
بليز امااانه كل اللي تقرا موضوعي حتى لو ماتكتب رد بليييز تدعيلي في ظهر الغيب انه يفرج عني وينصرني ويعطيني اللي ابيييه .gif "Eh S(16)")
تقول حنا الكبار مانتحمل اللي شفتيه. وكنت مثلج ابجي واشكي للكل
اقول غصب بطلع اللي بقلبي. بس والله بالاخير محد وقف معاي الكل تخلى عني. بس الحين من شهرين تغيييررت ماصرت اشكي لاحد الا لرب العباد
عشان جذي حسييت فيج
اسمعي أقري اللي بكتبه لك عدل
شوفي أحنا لنا قرينا قصتك كيف حزن عليك ورحمناك
ولله المثل الأعلى
أختي خلي قدومة سيد البشر محمد صلى الله علية وسم
أنظلم من أقرب الناس
وكيف ربي نصره بالأخير
شفتي ذا الرابط أبي تسمع الشيخ مره مرتين وثلاث
وطبقي كلام الشيخ واذا عندك أي استفسار قوليه لي
حتى لوتأخذي قطعت لحمه وتأكليه القطط أنويه صدقه
لما تشيلي أذى بالبيت زجاج أنكسر أو أي شيء يمكن يجرح أحد يشيله وأنويه صدقه
الأكل لما تطبخي أكله بالبيت اونيه صدقه
بإبتسامتك أنويها صدقه
والله يفرج همك
ريلاكس ، ياالله ، ان شاااااء الله يفررررج عنننج عاااجلا ياارب
ماشاااء الله عليج ان شاء الله اتمين جذي لانه مافي احلى واحسن من انه مايشكي لحد الا لرربببه وبسسسس وان شااااء الله اكون مثلج ادعيلي الله يقويني ويعينيي ويمايخليني احتاج لاحد سواء اشكيله ولا ينصرني غييره وبسس
سعودية روعة ، فعلللا كلامج صح 100٪ سبحااان الله
انا سمعت هالفيديو من قبل كذا مره وأثثررر فيني بس مادري يعني هي الحرمه قصتها مرض يعني غيير عن قصتي ، بس بحاول اطبببقه ان شاء الله
سبحان الله كيف نسيت عن هالاشياء انها تعتبر من الصدقات !! ، مشكووووره والله يجزاااج من خييييره مايسرررج انتي واي حد وقف معاي ولو بدعوة عن ظهر قلب
نفس اليوم اللي كتبت لكم ، كنت بضيج مايعلمه الا الله
كنت محتااااجه لحد يطمني وااايدماتتخيلون شكثر كنت محتاجه اني افضضفض لحد ويطمني
الكل اللي رحت لهم عشان افضفض لهم ردوني
بس انا متاكده الله منعهم عشان اروح له وافضفض له هو وبس
وكان الوقت متاخر ساعه 4 ولازم اقوم ساعه 6 حق الجامعة بس قلت لازم اصلي دام حالتي النفسيه جذي
رحت صليت ودعيت ربي وفضفضت له « ما اتفاخر بس اقولكم شو صار لي
وانا من زمان كان خاطري برؤيا من الله يطمني ووااضح من الحلم انه يبشرني انه بيفرج عني وبيستجيب لي
المهم مع هالدعاوي بعد دعيت عن اني ابا حلم ورؤيا … الخ
رحت نمت وقلت بخاطري مادري بشوف الليله رؤيا ولا لا والوقت مايمدي بس لا مافي شي مستحيل ع الله!!
بليييز الله يخليكم اذكرو الله وقولوا ماشاء الله احيانا اشياء بسيطه نخسرها بسبب انه مانذكر الله، قولو ماشاء الله
رحت نمت وحلمت ماشااااااء الله اححححلى حلم بحياتي وهو كالتالي
حلمت انه انا واختي حلمنا نفس الحلم بس كانه وااااقع وصدق صار ، وهو انه كان المساء والكل نايم و جبريل عليه السلام يا وخذاني انا و وحده من خواتي مسك ايدينا وطار فيني للسماء وقالي انا شخصياً بوديج عند اللي بيحل مشكلتج وفرحت بس اكثر شي استغربت وتسائلت منو بيحل مشكلتي واحنا فالدرب فالسماء يعني شفت انه يوديني للكعبة ، فهمت انه قصده الله (هو اللي بيحل مشكلتي) وودانا هناك وكانت الكعبة غير عن الحقيقة شوي كانه مول ، انا واختي نمشي فالعبة شفنا شباب يطالعون ويبون يغزون بانظارهم بعدين انا كنت ببتسم بس قلت بخاطري لا ماراح ابتسم وبغض البصر عشان الله يستجيب لي ويرضى عني ومشينا وكنت اقول حق اختي تذكرين الحلم اللي حلمناه؟ (عن جبريل عليه السلام) قلت لها كان كأنه صدق صااار مب كانه حلم !! وهي تبتسم وتقول صح والله كانه صدق خذانا وطار فينا وباجي الحلم ما اظن انه مهم بس جزء فالحلم عن جبريل يوم اخذنا وطار فينا وقالي انه بوديج عند اللي بيحل مشكلتج ، ونشيت من نوومي مب مصددقه اني حلمت نفس هالحلم ، مع اني كنت شوي مضايجه بس كلما تذكرت الحلم متاكدددده انه خلاص الله بيستجيب لي وبيحل لي كل اللي ابااااه ، وفسرت الحلم وكان له عدة معاني بس من بينهم النصرة على الاعداء / يعز بين نظرائه / تجدد في حياتك خاصه الايمانية / وتدل على قضاء الحوائج وتيسير الأمور والنصرة منه جل وعلا
ماشااااااء الله ماشااااء الله الحمدددلله
ربي استودعك دعواتي فاستجبها لي سبحانك لاتضيع ودائعه
الله ييوفقك وييسر همك يالغالية
زين أثنى فديتك ممكن طلب اذا مره ثانيه حسيتي بضيقة
لا عاد تدورين أحد من الناس وتذلين نفسك لهم لا روحي أشكي لرب العالمين
سبحانه اسمعي هذا المقطع للشيخ عبد المحسن الأحمد وايد راح يفيدك
سوف تنـسى همومك — بإذن الله — بعد سماعك هذا‎ – YouTube