|
|
هلا و غلا فيكم
انا ودي اسوي تحليل شامل هالفتره وايد اتيني دوخه
و انا اخااااااااااااااااااااااااااااااااااااااااااف 
ابي مكان زين و اللي اسوون بالهم وسيع
اللي جربت و سوت تحليل شامل ياريت اتفيديني
بالمكان و الطريقه شكثر المفروض اكون صايمه و السعر و اللي عقب يقرا لج التحاليل
و سلامتكم 
قبل فترة سويت تحليل شامل بمختبر اللي بالعمارة اللي فيها الدكتور محمد المشاري و محمد بوحيمد عرفتيه؟
ومو كل شي بالتحليل مبين ماحسيته شامل كل شي مثلا السكر مو شايفينه حقي
ماعرف شلون طريقتهم مع إني قلت لهم أبي تحليل شامل وسعره جنه 40
والأسعار تقريبا وحده بكل المختبرات أو إختلاف بسيط
وسويت بعد بمختبر السالمية
وكلهم زينين أنا متعودة على هذولي ال2
وعلشان لا تدوخين إخذي معاج شي أكليه عصير وصمونه
ولازم تكونين صايمة خليها 12 ساعة أحسن أنا مرة دكتوري قاللي صومي 12 ساعة
وهناك في دكتور يقرا لج تحاليلج و أنا أطرشهم بالفاكس لدكتوري
وماتشوفيج شر مشرفتنا الغالية
و شوفي مختبر الجابرية يصير بالعماره اللي فيها هارديز او نايف قريب و خوش مختبر انا كله اروحله
بس ما سويت تحليل شامل
دقي عليهم سألي عن التفاصيل
و سلامات يالغالية
يا قلبي انتي تسلميين و الشر ما يييج
اي عرفته اللي تقصدينه ,, بس اذا مو شامل ماكو فايده انا ابي تفصيلي
تسلمين يا الغاليه
سمو
انا دعله يا قلبي مالها خلقي بتقعد تتحملين ما راح يكون بالها وسيع
وبين و بينج ابي اخلص مافيني انطر و ارد
تسلميين يا حياتي ما قصرتي
bnt_7waa
الله اعااااافيج يا عمري انتي
اي والله الدوخه اذتني
تسلميين حبيبتي
chocolate cake
تسلميين يا قلبي ما قصرتي
اي حبيبتي الالماني اذا ما خاب ظني
ان شاء الله اطلع الرقم ما قصرتي
شندوخه
هيهيهي اي مجربه انا بس سكتي انا لووويه حدذي
الله يسهل بس
تسلميين يا قلبي
اسمه نائل بمختبر السالميه اللي فوق مروش
ويجي البيت بس ياخذ على سعر التحليل 10 دنانير زياده…..مثلا اذا في مره كبيره ماتقدر تطلع…او حامل ممنوعه من الحركه
ممتاززززززززز
مشكووره يا قلبي ما قصرتي
اللي موجود بمجمع اطباء النفرة
قبال محاميد حولي
تقدرين تاخذين رقمهم من 808080
انا سويت قبل فترة تحليل شامل في المختبر الانجليزي بالجابريه بس لازم اتكونين صايمه 12 ساعه روحي سويه الصبح سويه و اخذيه بنفس اليوم يعني اذا سويتيه الصبح تاخذين النتيجه بالليل و انا لما سويته و رحت استلم التحليل قراه لي الدكتور اللي عندهم و قالي كل شي و التحليل اللي انا سويته كان شامل للدم و الكلى و الكبد و القلب و كل شي كل شي و و سعر التحليل 38 دينار و ماشالله السسترات ايدهم خفيفه حيييل انا اكثر وحده اخاف من الابره لا اتشوفين اشلون اهيئ نفسي لها واي شي شي بس الحمد الله هالمحتبر سستراتهم ايدهم خفيفه ماشالله ….
مشكووره يا قلبي ما قصرتي
لازوردي
الشر ما ييج حبيبتي
بس ليش مو بنفس الوقت ؟؟ انا حسبت بنفس الوقت تطلع النتيجه ,, مافيني اروح مرتين
مشكووره يا عمري ما قصرتي
انا باجر بروح لمختبري اللي متعوده عليه
تلقينه فوقق هارديز الجابريه اسمه مختبر الجابريه او الخليج
تحته مطعم نايف وبظهر صالون موس
اتحداج تحسين بالابره والتقرير بعد 6 ساعات يقراه لج دكتور عاطف
والاسعار ماتتعدى 40
روحي وتدعيلي
الله يسلمج انا مجربه مختبرات خاص وحكومه السالفه سالفة حظ مره بالحكومه وحده كويتية ماشاءالله ايدها خفيفه ما حسيت ومره بالخاص تعذيب وبقعه زرقه ما تروح.. اهم شي تكونين نايمه عدل وتوكلي على الله ولا تخافين ترى انا اردى منج بسوالف الابر بس اصد الصوب الثاني واقعد اسمي لول والله ساعات احاتي لا يسوون فيني شي والسبه اني ما اطالع.. وان شاءالله ماكو الا العافيه
إي سوتلي شامل
و الظاهر الشامل كله جذي وإذا تبين تحاليل زيادة تدفعين غير مثلا السكر والغدد بروح عرفتي
وإذا لاسمح الله اسم الله عليج عندج شي مو عدل يبين بالتحليل يحطون يمه علامة
والدكتور اللي هناك يقولج شنهو
أنا هالأسبوع عندي تحاليل وإن شاالله بجرب المستوصف
وطمنينا عليج