متى يودون الدزة ؟؟

السلام عليكم

شلونكم كويتيات ؟؟

إذا الملجة بعد شهر إن شاء الله ، متى يودون الدزة

قبلها بشهر عادي ؟
قبلها بأسبوعين؟ بأسبوع ؟ بيوم ؟

و لا يوم الملجة ؟ و لا بعد الملجة بيوم ؟

متى؟؟؟

و يزاكم الله خيــــــــــــر

في ناس يودونها قبل اسبوع وفي وناس نفس يوم الملجه يودونها

من باحر وديها لانج تبدين حسن النيه

وانج شاريه

اهي لازم قبل الملجه وكل مابجرتي احسن

والف مبروووووووووك ان شاء الله

الاحسن قبل الملجه

احنا بزواج اخوي قبلها باسبوع

انا بيدزونها جنه بيوم الملجه

وش معنى دززه يا كويتيات ..؟

بنات شنو يوم الملجه الدزه يعني مهر وذهب متى اتجهز البنت

لازم قبل الملجه بمده

خلاص خليج حل وسط

اسبوع زين

اهلااا و سهلااا
الدزه المهر و الدبله و هدايااا و ساعات الشبكه و جذي يعني .. اهي بالاساس المهر .. بس كل عايله و ذوقهااا

شوفي حبيبتي كل مجتمع وحسب شيسوي

يعني في ناس ورا الملجه وفي ناس قبل الملجه وفي ناس يوم الملجه

انا يابولي دزتي قبل الملجه بيوم
الاحسن قبل الملجه بفتره

واللي سالت شنو الدزه……. الدزه عباره عن هدايا من اهل المعرس للعروس مثل عطور وبخور وعبايه وشيلات ودراعات وشنط وتكرمون احذيه وممكن طقم ذهب وسجاده صلاة مع الثوب …. الخ

بنات تصدقون انا اعرف ناس يعطون الدزه حق المعرس والعروس لا

لا و الله بعد الملجه باسبوع احسن

لا حبووبه خليها قبل الملجه واتفقي ممع اهل العرووس على يوم عشان يستعدوون

والله حبيبتي الدزة قبل الملجة بشهر او على الأقل اسبوعين عشان تتجهز العروس

قبل او بعد على حسب اهل المعرس

مووووووووووووووووووفقه

الدزه حسب كل وحده ساعات يوم الملجه ومره قبل بفتره واحيانا بعد الملجة

وللمعلومه قبل كانو يودون الدزه حق العروس والمعرس بعد