متزوجات موضوعي مادري شلون صاير بس حيل افكر فيه لاتلوموني وتحسسوني بتأنيب الضمير

السلام عليكم وصباح الخير

شلونكم شخباركم

بنات انا املجه وان شاء الله الزواج مثل ماانتم شايفين بالرزنامه يعني مابقى وقت علي

وأنا وحده متينه عندي كرش والجفسات اللي بالظهر تلوووع الجبد

وخاااااااايفه لما اتزوج يصير شي وترى اهو شايفني بوقت الخطبه واهله شايفيني بالدوام وبالبيت

بس خايفه منه اهو احس شوفه الخطبه غير باجر لما يشوفني جدامه عدل ولابسه قميص نوم مآدري شلون

والله احس تعقدددت والزواج مابقى وقت علييه

وانا مسوويه ريجيم بس جسمي خلاص اتوقع هذا طبيعته احرم نفسي من الاكل حيل ومااصعد الا الدرج

بنااات تكفووون قولولي شسووي ؟؟؟؟

منو متينه وزوجها ضعيف عاادي يعني ؟؟ تقعدت والله

عادي حبوبه دام اهو شافج واهله بعد يعني انتي عليج بالمشي اليومي والا دشي نادي رياضي

والرجيم لا تاخلينه ابد وان شاءلله توصلين للوزن اللي تبينه لان باجر تكون عليج صعبه اللبس

والله يوفقج ويهنيج وتظعفين

المشي اسرع طريقة وانشالله تضعفين

انا متينه وبعد الولايد متنت اكثر اهو زوجى حبيبى مايتكلم ولاقال شى وعادى عندة بس انا تعبت نفسيتى ابى البس واكشخ واتفنن بالبس هههههههههههههههههههههه
حلوة فاسويت رجيم من نفسى الحين … انتى لاتخافين اصلا لارحتى عندة راح تضعفين صدقينى لان راح يتغير عليج الجو عندهم وراح تغيرين ان شالله والله يووفقج
حبيبتى ويتمم عليج … وتصيرين بعين زوجج
ملكه جمال يارب

مادام شايفك خلاص يعني راضي فيك وترى المشي ساعه يحرق بس 200 سعره حراريه !!!>> توني ادري

خليك على رجيمك وباقي شهرين دشي نادي ترى يمدي تضعفين وتشدين جسمك بعد
ويارب يوفقك بحياتك الجديده وزوجك ما يشوف غيرك من الحريم قولي امين

حبوبه مالج الا المشي

وريجيم قاسي

وراسلني بالخااص عندي شي ينفعج بس دزلي وزنج وطولج

ياعمري ياليت تفيدينا انا ابي اضعف بولادتي الاخيره احس متنت

الله يعينج حبيبتي ويعينني, صج لي قالوا السمنة مرض العصر. واللي أقدر أنصحج فيه جان تستعملين كريمات شد وتخسيس, ما عرف أنواع بس ممكن تشوفين في منتدى السمنة والنحافة أو منتدى العناية بالجسم أتصور تلقين أشياء تفيدج في هالاثنين.

اممممممممم أتصور شرب الأعشاب اللي تنحف مثل المرامية والجاي الأخضر هم بعد يفيد, بس صراحة آنا مو مجربتهم على فترة طويلة..بس الله يوفقج ان شاء الله ويشوفج ريلج بأحلى صورة آمين

مدام شافج خلاص راضي فيج بس نصيحه سوي رجيم ع الاقل انزلي 10عشره كيلو روحي رجيم سنتر وعليج بالمشي اليومي امشي ساعه باليوم

حبيبتي لا تخلين هالشي يأثر على نفسيتج خليج واثقة من نفسج واهو شايفج وراضي فيج ليش خايفه لي هالدرجه!!

وبعدين جدامج شهرين يعني يمدي تسوي رجيم ورياضه وان شاالله بتضعفين

ومثل ماقالو البنات عليج بالمشي والله يضعف ويشد الجسم

وحاولي دايما تلبسين الاشياء اللي اطلع الشي الحلو اللي بجسمج اكيد في شي حلو

دوري وراح تكتشفين انا متاكده

وحاولي الاشياء اللي ماتحبينها بجسمج تخفينها باللبس

واهم شي الثقه بالنفس صدقيني .. والله يحليج يااارب بعين زوجج ويشوفج احلى وحده بالكون

يا ما ملكات جمال ورياييلهم مايدرون عنهم والله

والله لاتزعلين ياقلبي حلاة العروس رشيقه

اذا انتي جسمج عنيد وماينزل مالج الا مركز ريجيم سنتر بالمغاتير بشهر يطيرون منج 10 كيلو بنظام غذائي وحبوب بنت عمي كانت متينه حيييل واشتركت معاهم صارت انسانه ثانيه بس لازم تحافظين على اكلج عقبها يعني ماتدبين عيوش وخبز وتقولين ليش رديت متنت

روحي حق نادي وأتبعي حميه غذايه وأنشالله راح تضعفين

مثل ماقالو البنات عليج بالريجيم والمشس

والله يوفقج

رجيم بروحه يضعف بس يرهل لازم رياضه تشد الجسم

حبيبتي واضبي عالمشي و البيلاتس اللي للمبتدئين اخذيلج ****** من فيرجن و الله عجيبه هالرياضه و تضعف و تشد اذا لعبتيها و مشيتي كل

يوم او عالاقل 3 ايام بالاسبوع مع الريجيم

و بقووولج على شي صج يحرق الكرشة حراق سوي مشروب الجمال اللي حاطة رابطه بتوقيعي و شربيه عالريج كل يوم و الله انه

اييب نتايج عجييب .. موفقه حبيبتي