متردده بين جامعه لكويت ولا جامعه شرق الاوسط الامريكيه

حبيت اخذ رايكم في جامعه الشرق الاوسط الامريكيه

انا اليوم سجلت فيها وسولي مقابله شخصيه وامتحان انجليزي في الكمبيوتر حوالي 64 سؤال في نص ساعه تحلينهم والحمدالله حليتهم و نجحت فيه.

واليوم اتلصو فيني وقالولي مبروك تراج انقبلتي في الجامعه و باجر تعالي عندنا انكمل باجي الاجراءات

انا معدلي 3,17 ( ادبي) يعني 84%

وناويه ادش علوم اداريه (تخصص محاسبه او تسويق )

وباجر بقدم على تسجيل القدرات جامعه الكويت . المشكله سقطت في لمتحان الاول يبت فيه 59
ولازم انجح فيه .والرياضيات الله بالخير يبت فيه 30 مع التشيير p:

المشكله وايد ناس اعرفهم يقولولي لاتدشين جامعه الكويت تراها مو زينه والدكاتره نفسيه وجذي
والثانين يقولولي يمعوده تركي عنج الجامعات الخاصه تراها ماتفيدج ولويه وروحي جامعه الكويت احسن لج

والحين متردده بين جامعه الكويت او جامعه شرق الاوسط الامريكيه( بقيت نصيحتكم اذا ممكن )

+
منو منكم حابه تدش جامعه لكويت + منو منكم حابه تروح جامعه الشرق الاوسط الامريكيه

__________________________________________________ _______

على السريع :_
1- جامعه الشرق الاوسط الامريكيه راح تكون اول دفعه لها هالسنه

2_ عدد الطالبات اللي مسجلين فيها حوالي 800 طالبه و 250 طالب والعدد في زياده

3_جامعه الشرق الاوسط الامريكيه تابعه لجامعه purdue الامريكيه في ولايه indiana وهي من الجامعات القويه في امريكا وهذا سايت هالجامعهwww.purdue.edu

4_عدد البعثه الداخليه للجامعه شرق الاوسط الامريكيه 180

5_اللي حابه تدش الجامعه الشرق الاوسط الامريكيه من غير بعثه داخليه راح تدفع في السنه 4000 دينار
و 170 دينار للوحده

5_ شهادتها معترف فيها عالميا

6_ تقام الجامعه على مساحة 150 ألف متر مربع في منطقة العقيلة

7_تبدأ الدراسة في أكتوبر 2024، ويتم استقبال طلبات القبول من الآن، في المقر المؤقت للجامعة في مبنى هيومن سوفت، في الديره (شارع الخيايط مقابل مبنى العوضي )

8- رقم الهاتف 2240169 و الموقع الالكتروني www.aum.edu.kw

_______________________________________

واسفه اذا ازعجتكم وخذيت من وقتكم

اختي استخيري ..

انا لو مكانج ع احباط القدرات بدش الجامعه الخاصه بس الاهم فيها التخصصات اللي تبينها؟؟

وموفقه يارب..

مااالك الا الاستخاااره
هي الي بتحل لك مشكلتك بالاختيااار ؤراح تريح بالك بالي راح تختارينه

والله انا لو بمكانج ادخل جامعة الكويت وانا مغمضه

مايبيلها حجي؟؟؟

وبعدين ماشاء الله نسبتج ادخلج اكثر من كليه

اداب تربيه اجتماعيه اداريه وشريعه وتقدرين تحولين حقوق

اما عن القدرات فاذا سقطتي فيه تقدرين تاخذين تمهيدي صح ؟؟

المهم استخيري والله يوفقج بس هم انصحج اقولج جامعة الكويت ماتعوض والدكاتره يهبلون وصج فيه نفسيه

بس مو كلهم ؟؟ ولا تنسين انها مظمونه ومعترف فيها وياخوفي تصير جامعة شرق الاوسط نفس باقي

الجامعات ليلحين ماتوظفوا ؟؟ اغلبهم ماكلين هوااا