|
|
السلام عليكم
بنات انه عروسه يديده
بس مشكلتي مع الدوره الشهريه انه من بعدها جني مولوده من جديد بسبب الامها الي تذبحني
بس ابي نظافه من بعد ايام الدوره كلنا نعرف ان من بعد الدوره اكو اشيا تنزل ما تريحنا
سمعت عن الملحه حجر جذي احمر من الحواي سمعت ان تنظف نخليها بالرحم واهيا تقوم بشغلها
ومن بعدها نستخدم عود الطهاره من القرشي يابنات انه اموت بنظافه وايد بس متخوفه حدي وخايفه على مستقبلي توني من شهرين معرسه مابي اتوهق لي فكرت اييب لعيال
شتستخدمون انتو من بعد الدوره
أول شي مبروك العرس والله يوفقج ويهنيج ويرزق البنات الأزواج الصالحين
بعدين لا توسوسين انتي اول مره تييج الدوره أكيد لأ شلون كنتي تتصرفين
لا تعابلين وايد بهالموضوع لا يصير عكسي هذه منطقه حساسه
خليج على الشغلات الدافيه الزعتر والدارسين والأعشاب آآآمن لج
وهني في وحده خبيرة الأعشاب استشيريها أفضل شوفي موضوعها
شنو حجر مدري ملح تخلينها بالرحم ؟؟؟ يعني انتي بنفسك تدخلينها ؟؟!!!
خلي عنك هالخرابيط وخليك طبيعيه .. وعلى قولة السفير عزيزة هذي مو اول مره تجيك الدوره …
واذا على قولتك انك تموتين بالنظافه اكيد بتعرفين شلون بتنظفين نفسك …
بس اهم شي مو اي شي تستخدمينه …
اتمنى تقبلين مروري …
لاتعبثين بعمرج
كل الحريم تجيهم الدوره وتنزل منهم اشياء وماخربت حياتهم
عن الوسوسه الزياده ولحد يضحك عليج ويقولج في شي تحطينه بالرحم
ترا باجر تندمين وماتلقين علاج لنفسج
هالشي طبيعي ويصير معانا كلنا وكلنا نحب النظافه
اشربي اشياء حاره زنجبيل فلفل..والرشاد اول ايام الدوره ينزل كل شي منج
انا دايم ألهم الرشاد يعني اكله بدون طبخ ولا شي اكله واشرب وراه ماي
والله العظيم اذا اكلته ما اطلع من البيت كل شي ينزل
يعني مايجي ثالث يوم الا انا نظيفه وكل شي نازل
والله يوفقج بحياتج يالغاليه بس ديري بالج
وتقبلي مروري
" إشربي زعتر / حلبة / جاي أعشاب / دارسين "
من هالسوالف .. وراح يخف عليج الألـم .. ولازم تدفين
ولاتجوعين .. مو زين
والنظافة .. عندج غسول البابونج حلوة ريحته
بالصيدلية تلاقينة ..
وعندج ماي ومره .. هذي لتعقيم بس لاتغسلين وتروحين لريلج
لا خليها 6 يوم للدورة .. و7 استخدمي البابونج
واستخدمي من القرشي مسك الطهارة ..
وبس
لاتخربطين على عمرج
وان شاء الله ماتشوفين دورتج إلا عقب 9 شهور
واتيبين بيبي حلووو نفسج
