ماهي الاسباب اللتي منعت من تاجيل الدراسه الي ما بعد رمضان؟

السلام عليكم ورحمه الله وبركاته

بنوتات انا سمعت انهم رفضو قراار تاجيل المدارس ال مابعد رمضان بس هل من اسباب طرحتها نوريه الصبيح؟؟

يعني اذا اجلت بيصير شي بالفصل الدراسي ولا بالضبط شنو السالفه؟؟

انا حسبت الي سمعته انها راح تاثر على العطله الي بعدها!! شكو مادري!!

وانتو شنو راااايكم بالموضوع هل انتو موافقين على التاجيل ام ؟؟؟

حياكمم شاركوني

الموضوع اشبعوه الخوات بالنقاش ..

عمومــًا كان المبرر للرفض أنه بيكون سبب لتأخير العام الدراسي كله .. يعني بتتأخر العطلة ونداوم شهر 7 كامل ..

الحين الناس يبون عطله بالرمضان ومو فارقه معاهم بس بعدين يتحلطمون بعد على تأخير العطلة السنة الجاية

عن نفسي أؤيد الدوام بالرمضان .. العمل عبادة

عمرنا كله نداوم بالرمضان ما صارلنا شي .. بالعكس على الأقل يشغلون الناس عن المسلسلات والتلفزيون

هاي حبيبتي أول شيء ثانكس على الموضوع وثاني شيء اي نورية الصبيح طرحت سبب بأن اذا صارت العطلة وأجلوا

المدارس لي بعد رمضان الطلاب راح يداومون لي شهر 7 بس مو العطلة الي بعدها وانا أكييد مو موافقة وما أعتقد إن في

أحد موافق على هذا القرار لأن صج تعب و تعذيب و أصلا المفروض ما يلعبون على الناس أكثر من مرة اكتبوا خبر الموافقة

على الترحيل لي رمضان ويردون بكلامهم ويقولون لأ بس any way مداومين مداومين وثانكس مرة ثانية

انا اقولج السبب الحقيقي لان اذا اجلوا فراح يضيع مستقبل طلابنا تدرين طلاب الروضة والابتدائية راح تنقص عبقريتهم ويخسرون معلوما ثمينة راح توقف بعدها عجلة التنمية بالكويت !!!!

تكفة انتو لاحظوا الطلبة من متى المنهج خالص؟؟ احنا من اندش شهر 5 والمناهج خالصة بس جذي لعانة ما يعطونا العطلة والمناهج والمناهج واخرتها شهر ونص واحنا والطلية قاعدين بالحر والفطيس بدون شغل والله مو حرام بالهالحر نداوم صيام؟؟؟ شلووووووووووووون؟؟؟ والله بنموت من العطش وبنزهق عمرنا

علشان الجدوى الاقتصاديه يعني بالعربي

علشان اسباب تجاريه علشان سواد عيون التجار لا يخسرون وبضاعتهم تطيح بجبودهم
لان اذا صار عطلة في رمضان محد بيقعد بالكويت اغلب الناس بتسافر ومحد بعيد في الكويت والناس بتيي ورا العيد
وعلشان الدوام لا يطول ويتاخر اسبوع زياده جنه الطلبه اسمالله عليهم بداومون لحد آخر يوم اصلا الطلبه قبل الامتحانات
بجم اسبوع يسوون لهم عطله ويغيبون علشان يدرسون وعلشان الابلات خلصو المنهج

عالي مستواها و pink cat لااااااااااااا مو لحد شهر 7 داوم لحد 106

لو شهر 7 لعذرناهم بس الدوام بزيد اسبوع واحد ققط لاغير على الدوام بس اسبوع واحد زياده على الدوام

لووووووووووووووووووووووووووووووووووووووووووووووووو ووول صح صاجه

بعدين هالشي راح يأثر على ثقافة الطلبه اللي بالروضه والابتدائي وبالتالي راح يؤثر
سلباً على سعر برميل النفط وقيمة الدولار <<<<<<<<<تتطنز

طبعا لا

يعني ماراح تفرق على اسبوعين
و علشان طلبه المدارس يعني بهالاسبوعين ماراح يكون ضغط عليهم و تعب الي ما يستحملون
و نص عيالنا ما يتريقون الصبح يعني هم ما راح تفرق معاهم اذا صاموا او لا
واحسن جذي اذا اخروها راح تتاخر العطله السنه اليايه
و راح يتاثرون وايد طلبه الجامعه و التطبيقي الي بياخذون صيفي

و اشوه الحمدلله ان رفضوا هالقرار

حبيباتي مشكوين عالمروو ر

وااختي كويته عسل صج لين10-6 شويه ليش عيل رافضين التاجيل احنا نخلص المناهج ونغيب نص خمسه شماله هالقرااار الصراحه مو خوووش شييييي

حبيبااتي شفيكم اذا اجلو الدوام راااح تخرج ورزاه النربيه مخرجا ضعيفه وكسوله هههههههه

على فكره الدول الخليجيه كلهم اجلو الدوام عدا احنا وقطر

نفس كلامي ..

و اللي يقولون طول عمرنا نداوم برمضان .. إحنا طول عمرنا نداوم لما يكون رمضان كله بنص الكورس .. مو لما يكون ثلاثة أرباعه بالعطلة و يجدمون الدوام عشان لا يغيبون الطلبة الجم يوم الأخيرين !
إنزين قولوا هالسنة عادي الدوام بنص 9 ..
ليش السنة الياية يبون الطلبة يداومون برمضان بعد و الدوام يبدي من أول 9 !!

و بعدين إذا ما يبون يخلونه عطلة خل يقولون من الأول !!
مو يحطون خبر عاجل إنه تمت الموافقة عالعطلة و يونسونهم و بعدها بأسبوع يقولون لا دوام !!

صج صج الله يعين طلبة المدارس ..

اصلا نوريه الصبيح موموافقه ولا راضيه بس خايفه من اعضاء مجلس الامه لا ياكلونها وهم علشان ربعها التجار يخسرون وتطيح بضاعتهم بجبودهم

المهم

سوت دراسات وبحوث وطبعا كلها بفلوس موببلاش مكلف الدوله بالآلاف علشان تقول نأجل العطله ولا لأ (صج ماعندهم سالفه)

ولو فلوس هالدراسات والبحوث قاطينها على مدارس ومسوين مظلات ومواقف مثل الاوادم حق المدرسات او مسوين قسم سنع حق الوسايل او مسنعين بعض المدارس او بانيين مدرسه ابرك

وكل مامجلس الوزراء يسألونها تقولهم قاعدين ندرس تخاف تقول انا رافضه

حتى لاحظي لما اعلنو الخبر قالوا مجلس الوزراء رفض ماقالو نوريه الصبيح رفضت اهيا بس شرحت الاسباب

انا بالنسبة لي عادي سواء رفضوا ولا لا

الله يعين

وااااي ملاااااقه بس يلا طااااعة ولي الامر شنسويي