مادري شسوي مع هالريل بصراحة

و الله يا بنات اكلمكم و انا بقلبي غصة
حدي مضايقة وخانقتني العبرة

بنات انا متزوجة صارلي فترة مو بسيطة تقريبا سنتين
و الله مارزقني عيال و قاعدة بروحي 24 ساعة
ريلي كررررررررررررررريه بشكل مو طبيعي مع ان حنون وطيب و خلوق و يخاف الله بس كرييييييييييه
لا يعرف يتغشمر ولا يعرف يسولف ولا يعرف حتى يعلق مثل الناس

و الله يا بنات انا حلوة وطويلة ورشيقة ورب لك الحمد رب معطيني من الجمال الشي المعقول
و الله مو عاجبته و 24 ساعة ينطق ويقول يا الجيكرة لا تقولولي غشمرة لا لا انا انسانة و انجرح

طيب الحين البيت وايد كبير يبيني 24 ساعة اشتغل فيه مايصير انا انسانة موخدامة و الله اني اول زواجي كنت اطبخله و اقعد من الصبح لكن الله يا تكسير المجاديف قمت حلف ما اطبخ وفعلا ما قمت اطبخ الا لي بروحي
لان بصراحة يقثني بشكل مو طبيعي يبيني 24 ساعة اكرف مثل الخدامة يا بنات المراة مؤنسة للرجل و ليست خادمة
سيدنا علي كرم الله وجهه كان يعطي السيدة فاطمة اجر شغلها له
و الله العظيم الماجلة علي و كل شي علي شايل ايده من كل شي قلنا ظروفه المادية وبعدين انا شنو ذنبي اقصر على نفسي لجل خاطر عيونه

و الله انا اوفرله اسباب الراحة للنوم و اسكر الليتات و اسويله مساج لي يفخ وينام و انا يذبحني يقعدني بكل وقت وحزة يكسر نومتي مايخليني اروح الدوام مرتاحة لا و الله يفززني وياريت على شي يسوى الا لعانة وسخافة والله

و الحين زعلان انا كله على النت شسوي بيتي نظيف رب لك الحمد هدومة و الله العظيم انا اغسلهم و اكويهم و اعطرهم و اطبقهم بالكبت
بيتي ريحته حلوة

شنو يبيني اسوي قولولي بالله عليكم شنو عندي اهو 24 ساعة طالع و انا بروحي بتقولولي طلعي اقولكم اطلع بس الحالة المادية شوي ضعيفة و الطلعة يبيلها فلوس صح و الا لا
بتقولولي سيري بقولكم من عندي اسير عليه كل من لاهي بحياته بصراحة و الناس مو مثل اول

وة الله لا انيس ولا ونيس و يتحلطم 24 ساعة الحين وقت ما امسك اللاب توب تقوم القيامة
و اخرتها يقولي لا تخليني الحين ادق على ابوج ايي ياخذج
ليش شنو ابوي صبي عنده و الا شنو

امانة بنات انا غلطانة بشي و الا انا صح و الله افتر راسي

انا حدي مقهورة لا اطنشوني

انزين ليش يسوي جذي معاج ؟

خلج صريحه شوي مع نفسج حبيبتي

انتي موتقولين تقعدين بروحج بالبيت خلاص اول مايوصل سكري الللاب توب

زعلي عليه لاتكلمينه ومن هالسوالف

بس ديري بالج تطلعين من بيتج

زعلي بس ببيتج

وديري بالج تزعلين رتوحين بيت اهلج او ابوج ياخذج

اذا الله لايقولها كبرت المشاكل خليه اهو يوديج

االه يهديه يارب حبيبتي ترى ماكو احسن من الاستغفار و الدعاء والله

اسال نفسي ؟
يا قلبي شنو اسال نفسي
الريال دمه ثقيل بشكل مو طبيعي
و الله اني اسكر اللاب توب لما اييه و الله بس كان نايم
ومن الدعالة شيسوي مليون مرة قايلتله لا تنام بغرفة التلفزيون ينام واضطر اقصر التلفزيون و الليتات
يعني لا اقدر اشوف تلفزيون ولا اقدر اطول على الصوت
يعني ضيقة خلق اكيد بفتح اللاب توب و اطقطق فيه يا اختي
و انا مو مينونة اطلع من البيت بس و الله اذا دق على ابوي وجرحه الزم ما علي كرامة ابوي و الله
اطلع و اخليله الجمل بما حمل
و بالنسبة للاستغفار و الله اني استغفر و ادعي ربي ومالي الا رب العالمين اشكيله همي

الله يكوون بعوونج

حاولي تكلمينه يتعدل والا دخلي ابوج يكلمه ويزفه شوي

انتي انسانه ومن حقج ترتاحين في بيتج

الله يعينج والله مادري شقولج الله يهديه

وكلام لاتروح صح حاولي تدخلين ابوج يخرعه شوي

الله يعينج

يمكن سالفه العيال فيقعد يدور الزله عليج وانتي بعد الفراغ واضح انج ماله وزهقانه يعني بروحج وهو بالدوام ويرد ينام وتبينه يقعد معاج وهو تعبان !! يعني مبينه مشكلتكم الفراغ ! بعدين ترا هذا الزواج مو كله وناسه يوم حلو وعشره نكد لج معاه جم سنه اللحين واكيد تحبينه يعني واكيد فيه شي زين اهم شي انه عيونه مو زايغه ويدور العيال دواره تحملي ياحلوه شي اهون من شي وحمدي ربج علا كل حال في مشاكل العن من جذي ! انتي توظفي وحني عليه بهالشي قولي له زهقانه ابي اسلي نفسي بشي مفيد وبصير لي صديقات وزميلات وجذي ونفسيا راح ترتاحين لان لها دور بمسأله الحمال والله يعينج اكيد بيمانع اول شي بس حاولي منتي خسرانه مره ومرتين لين الله يهديه انشالله

وانتي توج تتنتبهين ان دمه ثقيل وكرييييه بعد سنتين زواج؟؟؟؟؟؟؟؟؟؟؟؟؟؟

ياعمري هذا الفراغ لان ماعندج عيال قعدتي تركزين بشغلات مالها داعي
ياعمري اكثري الاستغفار ..والله يرزقج ويسخر لج ريلج

الله يفرجها عليج

سبحان الله وبحمده

سبحان الله العظيم

بعد قلبي الله يفرجها عليج ويرزقج الذريه الصالحه الي تعوضج بعد عمري انتي لاتضايقين وماتضيق الا تفرج حياتي

الله يسلمج و الله اهو مو عوي بس يمكن مثل ماقالو البنات من الفراغ الي فيني
بس صج يتحجج علي تحجج
و بعدين مو اول مرة يوقلي ادق على ابوج ياخذج شنو انا خدامة يهددني بالمكتب صج صج مجروحة و لما صج اهدده اني بروح ويشوف الصجية
يطخ ويصير واحد ثاني

مشكورة يا قلبي
بس انا ما ابي ادشش ابوي بالموضوع انا عمري ما اشتكيت منه
لان باجر بصير معاه زينة و اهلي بيكرهونه
انا ابي احل مشاكلي بنفسي

لا ما ابي ادخل ابوي بالمرة علشان لا يكرهه

يارب

حبيبتي انا موظفة بس الي صاير ان يرد من دوامه الساعة 7 المغرب و يرد ينام و تعالي سويلي مساج كل ما ايي ينام و انطم و اسويله
و يروح بسابع نومه و انا اكون قاعدة العصر من النوم بعد ما ارجع من الدوام و ابي اقعد اطالع تلفزييون و اطقطق على اللاب توب
يتسلط وينام بغرفة التلفزيون لييييييييييييش انا وين اروح وين اولي تالي
بصراحة يقهر و الله اليوم قعد من النوم يتحرش فيني تحرش و يقهرني بكلامه
رحت صليت و اتسغفرت ربي قبل لا تطلع مني كلمة صج صج ازعله فيها

اي دمه ثقيل من اخذته بصراحة بس في شغلات وايد تغطي على هالشي بس قام يمصخها بصراحة

يااااااااااااااااااااااااااااارب

اللهم امين مشكورة حاسة انج تدعيلي من قلبي