|
السلام عليكم خواتي
حبايبي عندي امساك مع الحمل وانا باليوم السادس من الشهر الثالث يعني توني داخله الثالث المشكله الأمساك ذابحني والي يخوف اني الاحظ بقع دم بسيطه بعد الحمام ومصدرها من جدام طبعا رحت للدكتوره مرتين وعطتني مثبت بس قالت لي اني للحين بمرحلة الخطر وهدده بالأجهاض ووجود الدم دليل مو زين وانها ما تقدر تعطيني ملين علشان لايسبب تقلصات و يكون خطر علي البيبي وممكن ينزل البيبي وطبعا قالت لي اكل شغلات تساعد علي تليين المعده بس ولا اضغط وانا اخرج ( سوري علي الكلمه ) والله ما فادني هم ذابحني الأمساك
في احد مر بنفس السالف امساك مع خطورة اجهاض ( بعيد الشر عنكم ) زوجي يقولي اييب لج حقنه شرجية بس أنا خايفه منها ما ادري شسوي ؟
ابي مساعدتكم
انا كنت جذي اسوي بحمالي . والحمد الله كلش ما عرفت الامسااااك خلال الحمل كامل .
كثري من الماي*
و انا صراحه جربت الخس اكل شده و الحمدلله خف الامساك
و الدكتوره وصفتلي نورماكول*
حبوب صغار بنيه كلها الياف
قفشه وحده باليوم و ان شاءالله يخف عليج
حبيبتي الله يثبت حملج ان شاءالله
وكذلك الاطعمة الملينة خصوصا كل ماهو اخضر وعالاخص الخص
وربى يشفى كل مريض يارب
ما تشوفين شر
عليج بالبرتقال ومثل ماقالت الاخت اول ماتقومين من النوم قلاص ماي دافي
انا بسوي جذي وربج كريم
جزاك الله الف خير ويتمم علي الحوامل فيكم ويرزق المحروم بدرزن يهال
ديري بالج بمثل حالتج كلش ما يلح لج الكيوي لان حار
نصيحة اخت عليج بالشوفان لان كله الياف
تحبين تسوينه شوربة او تسوينه مع حليب و شكر وتاكلينه مثل الكورن فلكس
اهو شوفان كويكر ماغيرة بس و الله ممتااااز
و الله يسهل عليج و يثبت حملج يا رب
اشربي عصير برتقال طبيعي ويفضل بعد تشترين عصير برتقال المراعي روووووووعه
يمشي البطن حيييييييييل… اشتري الصغير اللي ب200 فلس
وخلي على طول بالثلاجه
كثري ماي بين الوجبات
اكلي عنب … واااي عجيب
وخففي اكل فطاير
اكلي برتقال افندي والله عجيييييييييييب