|
|
قوه كويتيات كيف الحال ان شاء الله كلكم تمام ؟ مبارك عليكم الشهر .
اليوم يا حبايبي نويت اكتب لكم مأساتي الحقيقه و الصدمه الكبرى اللي صارت بحياتي المهم يابنات القصه كالتالي ……………….
كان عندي في جبهتي وحمه (بقعه) لونها اغمج من لون الجلد بدرجتين المهم طق براسي هذاك اليوم اني اشيلها و قمت من ردات الحظ رحت حق الدكتور او بالأحرى المجرمه دلال التركيب الله لا يسلم منها مغز ابره …….
دخلت عليها و طبعا هذاك الاسلوب الروعه الخيالي يا عمري يا حبي يا……… شافتني جان تقول بسيطه كلها جم جلسة ليزر و تروج و من قرادتي رضيت اسوى الجلسات المهم الجلسه الأولى ….. و الثانيه و….. الثالثة…و الرابعه و…………و………………. ماكو فايده صارت حالتي من سئ إلى اسوء و يهي انترس حبوب و قمت ور حت حق دكتوره ثانيه في كويت لندن كلينك اول ما شافتني طقتها البوهه ………………و انصدمت انا بصراحه خفت ….
جان تقولي انتي شمسويه قلتلها السالفه جان تقول تدرين انهم حارقين و يهج و الحرق واصل لي العظم ……………………الله اكبر عليها الله لا يسامحها و انهم زادو مأساتج و هالنوع من البقع مابيليه إلا تقشير و بس ليش الليزر شفيها هاذي الدكتوره و الله اني انصدمت يابنات و شوي و ابجي لي هالدرجه صار الطب تجاره يعني يحرقون بويوه خلق الله و لا على البال شنو وين قاعدين و المشكله ان الدكتور قالتلي انتي مو اول وحده تين من دلال التركيت و عندج مشاكل من هالنوع يعني الاخت مو مقصره مبدعه بالناس
و الله يابنات الدكتوره تقولي لو ان عمرج مواكبر من 25 جان قلتلج روحي قعدي بالبيت ماكو امل بس لان عمرج20 و صغيره اقدر اعالجج و العلاج لا تتوقعين تشوفين نتيجه إلا بعد6 شهور تكفه موحرام كنت بشي وصرت بأشياء و الله بدعي عليها لين اموت و الله لا يسامحها المجرمه و شكلي راح ارفع قضيه عليها ……….
المهم يا بنات انا كتبت مأساتي على شان تتحذرو ن من هالعيادات التجاريه و ما تنغشون فيها مثلي و الحمدلله الله هداني و رحت حق هالدكتور و لا جان ويهي الحين علوم بليز بنات دعواتكم لي ان اخلص العلاج بسرعه و الاقي النتيجه المطلوبه .
اسفه طولت بس من الحره بنات ديروا بالكم منهم و الله مجرمين شغلهم تجااااااره و بس و الله يعلم اني ما زدت و لا كلمه.
زين نبهتينا كنت ناويه اسوي ليزر عندها
ان شاء الله تتحسن بشرتج يقلبي
لازم الوحده تعرف الدكتور عدل مدل …. بروحه اطبتنا خواره
مسوين الناس حقل تجارب
حسبي الله عليهم
لاذمه ولا ضمير
والله سالفتج تعور القلب
على العموم زين لحقتي على عمرج و ان شاء الله العلاج اايب نتيجه و يرجع ويهج احسن من اول
صار الطب عندنا تجارة بالبشر
هالدكاترة شكلهم يسوون تجارب بالناس عشان يجربون اجهزتهم!
الله يعينج حبيبتي وماتشوفين شر
دكتور موسى سلامه جبر ممتاز.. دكتوره قنال الصايغ ممتازه … دكتور احمد رشيد..
و جم واحد بالحكومه مثل دكتور محمود اللي بالضاحيه بعد ما شاء الله عليه شاطر
الله يشافيج و مشكووره على التنبيه
انا صارلي موقف مع الدكتوره *** غنام رحتلها عشان بشرتي وعطتني كريمات زادت الطين بله وعطتني كريم حق اباطي لان فيه شويه سواد تدرون شصار بأباطي….؟ والله العظيم صار اسود مثل لون العبايه لين الله فكني هديتها وقبيت وخليت ويهي واباطي على الله وعلى هالخلطات الطبيعيه والحمدلله صرت احسن… وصج اغلب الدكاتره والعيادات الخاصه صارت تجاره…. وماتشوفين شر حبيبتي
يالله الحمدالله انها يت على جذييه ولحقتي على روحج