ليش مانزلتى ليش ماتبين تتريقين معانا معنهم يتريقون مع طلعت الفجر

شلللللللللللللللللللونكم بنات

.

بنات مشكلتى انى تونى ساكنة عند بيت اهل زوجى صارلى 2ونص ساكنين بشقة وليمن فضا البيت واهلى اساسا ناس اكبار يعنى شياب بمعنى اصح قلت مو مشكلة لمن فاتحنى بلموضوع عرفتوووووووووو يابنات المهم

مشكلتى هى

انى انا طيوبة وعلى نيتى وتونى مقدمة اجازة من الدوووووووووام ابرتاح وبشبع نوم المشكلة يابنات انة يقولولى ليش ماتنزلين تتريقين الصبح معانا طبعا بس خالتى وعمى بس المهم انا طبيعتى طبعا بنتى تنام 4الفجر وتعرفووووون اليهال وزعاجهم على ماتقوم بنتى من النوم الساعة 11الظهر على ملبسها ونكشخ ننزل ليوووووووووووووقت الغدا اللى هو الساعة 2الظهر واذا خالتى وعمى بينامون العصر نصعد شوى لشقتى انا وبنتى وونزل مرة ثانى الساعة 5المغرب يعنى الواحد يرتاح ويريح غيرة عرفتو هم مو مقدرين وكل يوم يحنون على والله يابنات انى اسوى هلاطباق وعمرى مااقصر معاهم لانى شارية زوجى بس والله مو لشى ثانى
والله العظيم لاكن كل يوم اى ماشبعتو نوم ومن هلحجى اللى يقث المهم انا مااقول حق زوجى عشان مايتضايق يابنات والله احس انى لمن كنت بشقة بروحة برة كنت مرتاح اقوم على كيفى وانام على كيفى والمثل يقولك خلك بعييييييييييييييييييد تصير غالى والاهم من هذا ان ماصارلى اسبوع من سكنت عندهم وبدا الحجى لاكن الله كريم ويابنات الاهم من هذا انة كل حريم حموانى ماتو من الغيرة لمن دروووو انى بسكن عندهم مع ان كل وحدة فيهم عندها بيت لاكن حسد الحريم ياناس مو معقولة بعد هذا مابى اتكلم واعور قلبى بروحى تعبانة ومالى خلق والله انى متحسفة انى سكنت عندهم اااااااااااااااااااااف اااااااااااااااااااا ف لاعت جبدى

يابنات قولولى شسوى وشلون اتعامل مع حريم حموانى الغيوووووووووورات اذا زارونى تكفون محتاجة ردكم ودعاكم للللللللللللللللللللللللللاتنتخرون

هلا والله فيج أختي فطيرة .. حبيبتي عندج وعندنا خير الحجي هذا بأغلب البيوت أنا كان يصير معاي مثل اللي يصيرج وبزيادة بس قمت أطنش ( طنش تعش تنتعش).. قبل لما أسمع هالكلام أتضايق وممكن أبجي بس الحين لا الوضع تغير لأني ماقمت أسمع لسخافاتهم بعدين هم ملوا من الكلام معاي لقوا ماكو فايدة مني ..
نامي على كيفج وقعدي على كيفج لايهمج أحد ألزم ماعليج زوجج..( إرضا الناس غاية لاتدرك).. صدقيني لو بتتريقين معاهم راح يطلعولج بسالفه ثانيه..
نصيحتي لج لاتكثرين النزول عندهم وخليج رسمية لأبعد الحدود ( عطيهم إحترامهم وتقدريهم بس فقـط) لاتجييين على نفسج على أبو إنج بتكسبينهم..بقولج سالفتي أخدم أم زوجي وخواته وأهله كلهم من يمرض أحد فيهم أركض له وأستقبل الناس وحبوبة معاهم لأقصى درجه بس والله العظيم ماينفع معاهم مرضت والله محد سأل عني وولدت مرتين ماأشوف أحد زارني بالمستشفى كله مابين بعينهم ( مرت حماي معاي بنفس البيت ماتنزل ولاتتغدى معاهم ولاتقدرهم يمكن لامرت من صوبهم ماتسلم عليهم شنو النتيجه يحبونها ويحترمونها ويوم وولدت أوناس راحولها بالمستشفى هم مع إني أنا مرت ولدهم البجر محد عبرني )…. عرفتي من قصتي شنو أقصد لاتعطينهم وجه ولاتنزلين الميانه معاهم سواء حريم حموانج أو أمه وأبوه أنا ماأقول هالكلام أقسيج عليهم بالعكس أحترمينهم بس خليج بعيييييييييييييد….الله يطنشهم يتمنون رضاه واللي يحبهم يقسون عليه..
قعدي بشقتج أنتي وبنيتج حاولي تكسبين زوجج وراضيه ولاتشتكين قدامه عيشي كأنج ببيت بروحج…
أتمنى إني ماطولت عليج والله يهديكم ويصلح الحال أميييييييين……..

حبيبتي خلي حريم حموانج يولون مالج شغل فيهم وخليج معاهم رسميه يعني الاشياء الخصوصيه ديري بالج تقولينها لهم اما خالتج وعمج فهذول ناس كبار اخذيهم على قد عقلهم لأنج مهما تشرحين ماراح يستوعبون وتقدرين مثلا تقولين حق خالتج وتفهمينها ان بنتج ماتنام الا متأخر وانتي تسهرين معاها وتقعدين من النوم متأخر او او ممكن تسهرين وتنطرينهم لما يقعدون يتريقون وتريقي معاهم خصوصا ان بنتج ماتنام الا الساعه 4 والله يسهلج امورج

يبا بختصار
خلج بحالج ومالج شغل باحد
نامي وشبعي نوووووووووووووم وام ريلج وابو ريلج كبار ف اخذيهم علي قد عقلهم ولازم تتحملينهم
اما حريم حموانج خو الغيره لازم تصير
عطيهم طاااااااااااااااااااااااااااف من قلب وخلي علاقتج رسميه وبحدود

الله يعينج بس صراحه هم انتي بتنامين وترتاحين انتي تغدي معاهم واذا قالولج قولي انا ماحب اتريق الصبح انا اتغدى بعد موكافي الغدا عندهم!
انا ماخبرت الناس يتشرهون على ريوق انا اللي اعرفه على الغدا يتشرهون
الله يعينج حبيبتي

قريت موضوعج و قريت ردود البنات .. ليش ما تفكرين بالموضوع بصوره ايجابيه .. يمكن انهم يبونكم على الريوق لان البيت على كلامج فضى عليهم .. و عمج و خالتج بحسبة ابوج و امج .. و لو ما يعزونج ما تشرهوا عليج .. انتي شرحي الموضوع لخالتج و بيني لها سبب نومج انه بيتج تسهر ..و بنفس الوقت لا تكشتين بالمره .. حضري وياهم مره و مره .. كل يومين .. كل يوم .. على حسب وضعج .. و هم ريلج شرحي له الوضع خل يكون بصفج و يعرف معاناتج . . و حريم حموانج مع انه عندهم بيوت بس محترين من معزة اهل ريلج لكم .. و الحمدلله اللي الله فكم من الايجار و المصرف .. خلج معاهم مثل بنيتهم بتكبرين في عينهم و استمري في اطباقج و شغلج السنع و كله يبين .. بس لا اتكدرين و فكري بكلامي زين .. و انتي الربحانه

شوفي حبوبه دام انج قعدتي عندهم لا تحطين ابالج انج راح ترتاحين مهما كان الاستقلاليه مو مثل قعدتج عندهم انا صارلي خمس سنين قاعده ابيت اهل ريلي طاقه جبدي بس شسوي اذا ريلي مو راضي قمت اطنشششششششششششششششهم سمعت حجي الدنيا وتعيب وتشرهه وتطنز لكن طاااااااااااااف ارد من الدوام اتغدا عندهم وماشوفهم الا ثاني يوم مو عن شي بس اصعد العصر اريح على المغرب نطلع نرد بليل ببدل لليهال وانومهم بس كذساع بدلت ملابسي واقعد بشقتي او ايام الخدامه كنت انمومهم واطلع يا جمعيه ولا سينما ولا سوق واذا ماعندي شي قعدت عندهم
خلج رسميه معاهم وتعطين من عمرج لهم لان مهما تسوين ترا مايبينصيري حبوبه وحليوه وبالدخله والطلعه بوسي راس خالتج وعمج وسولفي عتنن ولدج وحركاته وسوالف ضحك بسسسسسسسسسسسسسسسس لا تكثرين معاهم صدقيني حتى حريم حموانج اذا معاج بالبيت صيري حليوه معاهم وسالي عنهم بس لا تتزاورون خلي قعدتج كله مع خالتج اذا معاهم
ولازم تطنشين ان سمعتي شي وتخلين روحج رياضيه اذا تبين تسلكين معاهم

حبوبة البنات كفو ووفو خليج رسمية كثر ماتقدرين الزم ماعليج ريلج وعمج وخالتج حاولي تتفهمينهم وتاخذينهم على قد عقلهم
مع تحياااااااااااااااااااتي…………….

شوفي حبوبه

انا من رايي انج دام انج ساكنه عند اهل ريلج لازم تلتزمين معاهم

يعني كلنا عندنا امهات

انتي فكري فيهم مثل ما تفكرين بامج

يعني امج تقعد الصبح و تقعد بروحها

انتي ما ترضين و تتمنين ان احد يقعد معاها

فاقول دامج عندهم مخالف اخذي على نفسج شويه

و قعدي مبجر
تريقي معاهم و تونسي شويه
و بعدين اساذني و قولي بنتي نايمه

شويه عليج و شويه عليهم

مخالف تريقي معاهم اذا هذا بيرضيهم بعدين ردي نامي

ترى لما تتنازلين شوي راح ترتاحين و تريحينهم

و الله يهديج و يهديهم

انا اقول تريقي معاهم طيبة خاطر بس لا تخلينها عادة يعني يوم نزلي واسبوع لا … على راحتج …

اخذيها من الناحية الزينة يبونج معاهم حاولي تكسبينهم …
وييبي معاج نخي .. باجلا … خبز ايراني … سوالف الريوق يعني …
بس مثل ماقلت لا تخلينها عادة باجر ان مانزلتي قالو ماقت علينا والا عذربو فيج

حبيبتي …انتي سهرانة …سهرانة

دامج قعدتي للساعة 4 ..كملي للساعة 5 أو 6 وتريقي معاهم
بعدين روحي نامي للساعة 1 أو 2 ووقت الغدا نزلي

حاولي تكسبينهم ومثل ماقالت رفرف ..أسبوع وترك ..يعني مو كل يوم

أو قوليلهم أني من وأنا صغيرة ما أتريق ..وما تعودت آكل ريوق

وأهم وألزم ما عليج ريلج وخالتج وعمج

والباقي جامليهم بالمناسبات فقط وكوني رسمية معاهم

وباجر كل واحدة من حريم حموانج بتحط لسانها بحلجها …….مردها بتمل وتسكت

الله يوفقج

الله يعينج وايصبرج عليهم ماعليه انا ادري الحجي مو نفس الفعل بس تحملي علشان حياتج انتي

وامرج لله بعد شتسوين ، ولا تزعلين مابعد الضيقة الا الفرج ان شاءلله

الف شكر يابنات وماقصرتو برد الله قلبك مثل مابردتو قلبى وووووووووووصدقونى انتى مثل خواتى لو مو غلاتكم عندى جان ماشكيت الف الف شكر على كل بنت ردت على

لاشكر على واجب فطيرة أنتي أخت غاليه وعزيزة وأحنا بخدمتج…….

فطيره يمكن انا يت متاخر بس حاولي تكسبين الكبار وخلي حياتج الشخصيه مع ريلج غامضه لاتبين لهم انتي مرتاحه ولا لأ احسن خليهم يحتارون وبعدين إذا قعدتي بتسمعين لفلانه وعلانه والله بتنهدم حياتكم خليج يا هلا ويا مرحبا واهم ما عليج راحت ريلج ولااااا تشكين ترى الريال ما يحب الشكوى