|
السلام عليكم
شرايكم باللي ماتبي ريلها وتطلب الطلاق وهوا كلش مو عاجبها
ويطلقها ولا هامها
ولي راح تزوج الثانيه قالتله ردني
والله شي يحر
يعني لمن خذه الثانيه صار حلو
وينج من زمان ما رديتي
وينج فترة الطلاق كلها ما قلتيله ردني
ليش عقب ماخذه بنت الناس صار حلو
ولا بس عشان بتحرينها
بنات انا سمعت سالفتين نفس الشي
بس ما توقعت انه رفيجتي توها صارلها شهرين من تزوجت واحد مطلق عنده ولد
مرته الاولى ماتبيه وماحبته كلش
بس تزوج دزتله مسج انا ابيك ردني والله احتريت عليها
بنات الناس مو لعبه
يعني البنت ظامنه انه خلاص راح يصير حقها بروحها
وسألته بالخطبه انه تفكر اترجعها ولا لأ قالها لأ
انتو شرايكم بالموضوع منو معاه الحق ؟
لانه صارت مع اخوي وزوجته اصرت ع الطلاق ماعنده اولاد حتي والمشكله ان هي الي قالت له لو بك خير كان تزوجت من زمان
بعد ماتزوج ماقعد شهر الا هي راده وينك ابي افهم بس ليش؟
واعرف وحده بعد تخيلي 7 سنوااااااات ماتبي زوجه وهو مسكين صابر ع امل يرده ويعيشون هو وعياله
بعد 7سنوات وشاف مافي امل تزوج والطاااااااااامه من تزوج الا هي لته مسج لا كلمته وقالت اني برد
وش هالعقليه ابفهم بس
اسفه قرقت كثير
لانهاااااا مقرودة مايحلى الرجال بعينها الا لا صار عنده مرة غيرها
غيييييييييييرة الحريم تعمل عمااااااااااااايل
وصج مقرودة يعني كان كله لج حلاااااااااالج عملتي عمايل وطفشتي الرجال
ويوم تزوج شششششششبت النارفي قلبها على بالها مايتزوج عليها بس صدمها
وعقب ماتزوج صارر عين السيح اللي مافي مثله من الرياجيل يالرفلة وووووينج عنه من قبل يوم كان لج بروحج
وعلى فكرة هالتجربة مرة علي شخصيااااااااااا
بس حامض على بوزها ماتقدر تطول ظفره دام اني زوجته وانا بنت ابوي
خليها تاكل اصابعها ندم
طبخة طبختيها يالرفلة اكليهااااااااااااا
اما اذا كذا بس تبي اتحر الثانيه هذي هاويه عقد ومشاكل ومتخلفه
اشياء واجد وكل شي نصيب …
اهما مطلقين اكثر من سنتين واهيا مو حابته
ورفيجتي توه صارلها شهرين من تزوجت
هذيكي غارت حرام شذنبها لبنيه
والمطلق يعني شنو مايتزوج على بو انه زوجته الاولى يمكن تردله
عاد متى يقعد ينطرها جم سنه ؟
اهي لو تحبه ماطلبت الطلاق واصرت عليه
بس جذي غاويه مشاكل على قولتهم
الله يعيننا يارب .. نعيش و نشوف
بس المره الي تاخذ الريال من مرته ومرته تموت فيه شنو تقولون عنه؟؟
بعد
بنت الناس الثانية شنو ذنبهااا
بختصار اهي غيرانه