|
|
شخباركم ،،
اليوم نقـاشي عن نظام وقانون ثابت في لوائح جامعه الكويت وهيئة التطبيقي بس مو متاكده اذا كل المعاهد ماشيه على جذي ..
طبعا الى جانب التربية و التجاري والتكنلوجيا ،
وهوه نظام "الحرمان" لي وصل معدل الغياب 9 محاضرات ،،
—–
انا يمكن كان حالي حال بقيه الطلبه الي منغسل دماغهم ويقبلون كل شي بدون لا "يمحصونه" ويسون له عملية "تنقيح"
وبدون لا يقولون "اف " ..
لكن حصل لي موقف في الكورس الي طاف ! خلاني اصحى على حقوقي اكثر !
وخلاني استوعب اني كنت انظلم لفترات طويله بدون لا احس او بدون لا انتبه على حقي !
كانت عندنا ماده تصميم واخراج صحفي ولايمكن القى "مفردة" في اللغة العربية توصفلكم اشلون حطيت كل اقصى جهدي بهالماده
واذكر بالضبط ان يوميـن كامليـن مو نايمة اشتغل على مشروعي !
واخرته تجك بوم نازلي حرمـــــــــــــــان !
انزين ومشروعي وين اصرفه ؟ وجهدي ؟ وتعبي ؟ كلـه وين راح !
راح مع 9 غيابات !؟
خنشوف التسـع غيابات هذول اشلون غبتهم !
*يوميـن .. متاخره ماكو مصافط ! افراره عند المصافط بالضبط 15 دقيقه عادتهم بالتمام والكمـــال …
طبعا والدكتور مايقبل اي شخص يدش بعده !
فـ يالله تفضلـوا !
3 ايام ،، طبيـه كاملة تشملهم ولسبـب علة في المعده ،، هل قبل العذر الدكتور؟ لا ! قام يتفقق ويبي تقرير من المستشفى ومادري ايش !
*يــوم ، نمت بالكفتريا ! وراحت على المحاضرة !!!!
* يوم ،، ولانه طافتني المحاضرة الي طافت طلعوا ناقلين الكلاس لي مكان ثاني والدكتور مو حاط اناونسمنت على الباب نهائيا !!
* يوم ، مسوي اعادة ميدتيرم حق الي زفتوا ! وماكنت ادري ان بياخذ غياب على الكل ! زين احنا شكو؟
* يوم قبل امتحانات الفاينل بشـوي ! ومراجعة ومخلص المهنج ! هم ماخذ الغيـــــــاب !
الله يعلم اني ماغبت كسل ولا تقاعس قاعده في بيتنا !
ونازلي حرمـان ، هل اقدر اكلم ناس فوق الدكتور واشتكيه عند الشؤون ؟
لا !
لان الدكتور طبق قانون موجود .. يسهل عليه المهمــــــــــة !!
كما ان القانون نفسه عطى الدكتور مطلق الحرية فيما اذا يقبل العذر او لا ! لمن قال على حسب تقدير معلم الماده !
فـ يقدر اهوه سهالات يقول ، شكلها جذابه هذاك اليوم وماكانت مريـضـة ! او شكلها ما اقنعني انها مريضـة ! ..إلــخ
ويكسب رهانه ضدي بكل اريحيـة !
وفي الكفة الثانية ! القانون ماهتم بالجانب الاخر الي اهوه لو الطالب مبينه عليه بوادر الاهتمام من ناحيه مباشرته للواجبات والمشاريـع ..
ولكن خانه الحظ وخانته الظروف .. وغاب لسبب من الاسباب !؟ هل يعتبر فعلا يستحق الحرمان ؟
—
مابي اتحجى بتفاصيل اكثر ، ولكن ابي ابين القضيـة الي فعلا ودي كلنا نتبناها واهيه " Stop The FAs "
– الجامعه مالها حق بانها تحرم الطالب من المقرر والسبه عدد مرات الغياب .. لان مو كل غياب يعني غيـاب !
في دكاتره يحسبون التاخر غياب ! في دكاتره وبكل بساطه مايقبل الطبيه حتى لو كانت فعلا حقيقيـة ؟
فـ ليش انا انحرم من ماده ، بسبب تقدير الدكتور كان "السيء" … ؟؟
ليش انا انحرم من ماده ، لان الدكتور ماوفق في تقديره هالمره .. واضطر اني اعيد المقرر لان الدكتور خانه تقديره ؟؟
ليش انا انحرم من الماده ، وقت الي لو الدكتور شد على روحه اشوي وقلب الصفحات بيشوف سجلي عنده نظيف ومحصله اعلى الدرجات في الشعبـه ؟؟
ليش انا كل جهدي يروح هبـاء ،، بسبب قانون يمنعني من ابسط حقوقي واهيه التعلـم !؟
لحد يقولي هالقانون يساعد على ضبط الطلبـة !
ياكثر الطلبه الي يحضرون وحالهم حال الكراسي في القاعه ، هل ضبطنا شي ؟؟
يا كثر الطلبـه الي مشترين بلاكبيري وكل واحد داش بماسنجره ،، هل ضبطنا شي ؟؟
يا كثر الطلبـة الي ياخذون المحاضرة وقت للتجمـع ولقاء الاحباب ،، هل ضبطنا شي ؟؟
ياكثر الطلبـة الي يرسمون على الادراج وعلى افى الكتــــب ،، هل ضبطنا شي ؟؟
هل اكو احد من هالطلبـة اجدر من طالب مجتهد ماطاعته الظروف ويكمل مشاوره بالمقرر ؟؟
هل هالطلبه هذول احــق بالتعلم اكثر من هالطالب المجتهد الي نجلت فيه الظروف ؟
معلـيش ، اذا كان فعلا الضبط اهوه هدفكم ! عالجوا الطلبـة بالدرجات !
بدال لا تصيرون عكس الناس بمقدار ميدتيرمين في المقرر
خلوه ميدتيرم واحد .. 20 درجه
والحضور والغياب … 20 درجة ثانيـة !
ولكن تحرمون الطالــب نهائيا من المقـرر !
اتوقع هذا اقسى انواع الاجحاف !
فرضا الطالب عطى هالماده وقدم تقاريره وبرزنتيشناته لكن في تسع مرات خانه الحظ
خلاص كل الجهد الي سواه يروح !
ليش ؟ بسبت مزاج الدكتور مايبي احد يدش وراه ؟؟ وانحسب غياب ؟
والا بسبت مرض ماعجبه الدكتور "يبي اكشن اكثر" ويتفقق يبي تقرير مستشفى ؟؟ وانحسب غياب؟
والا دكتور مهمل يغير مكان القاعه بدون لا حتى يعلق ابسط بديهيات الاعلان "ورقه بيضه a4 مكتوب الدكتور العلاني انتقل الى قاعه كذا" … ؟؟!
والا دكتور لمن جاف ويهك حس انك مافيك شي … وبالتالي انحسب لك غياب ؟؟
الطالـب صار تحت رحمـه تقدير الدكتور الي مو دايما يكون في محلـه !
مستقبل الطالب يقعد يتاخر في اكثر من كلاكيت والسبـه ان تقدير الدكتور اليوم مو يومـه !
والسبـه هالقانون الي خلانـه تحت رحمـة مزاج دكاتره !
هل تدرون بان هالقانون ماينعمل فيه باكثر من جامعه اهليه بالكويت !
هل تدرون بان هالقانون فصل ناس كثيره من الجامعه والسبه تراكم الfa على بعضهم ليمه استصعب وضعه بالجامعه وانفصل قاعد ابيتهم ؟
هل تدرون بالرغم من كونه "ماده بسيطه" تندرج تحت قانون معيـن الا ان اثاره وخيمــة ويمكن تازم من وضع الطالب اكثر فاكثر ؟!
هل تدرون جم واحد راح عمره واهوه يعدل الfa ولي الحين بعد ماتخصص !
وبالتالي الحل الانسب ،
– خصم من الميدتيرم الثاني ، او نسبه من الفاينل .. وتخصيصها للغياب والحضور ..
بلاش تحرم طالب وبلاش ينزله FA والسبب دائما يكون مزاج الدكتور !
بس ما ننكر يعني أكثر من تسع غيابات مو شوية
لو يزيدون عدد الغياب ل 15 أحسن
بس أحس القانون ما فيه شي
الله يعينج
أتمنى تتقبيلن مروري
تقرييييبا اعاني نفس مشكلتج
انا درجااتي تنخفس بسبب الغياب ومو بدون عذررررر لالالالالا عذر قوي وتقارير من طبيب وحاله بس ماكو فايده 10 درجات تروح مني
عند الدكتور اللي مايرحم
الله كريم حبيبتي
جان تقولي كل درجات بما فيها الغياب قالت انتي غايبه 7مرات قلت لا شدعوه استاذه انا كل يوم اداوم وهذي اقل محاضره اغيب فيها
بس الحمدلله ان كنت مسلمه التكاليف بالتاريخ وامسحت غياباتي
والتأخيييييير سالفه سالفه الدكتور صالح ابراهيم كنت ماخذه عنده س8اوصل 8وارع دقايق ما يدخلني وكذا مره غياب على هالسالفه
من عقبها حرمت اخذ س8 لا والقهر ان اكنت اداوم بس على مادته
عيل في دكاتره الغياب بدرجه
ولاالثاني حتى لو يبتي عذر وغبتي ماراح يرفعج اخر الكورس لو شنو
حتى لووو غايبه يوم ويبدي يحاسب بلدرجات لان مايعترف بالاعذار
ولا فجاه
فلانه اف ايه .. فلانه حمدي ربج ترى انتي المفروض اف ايه يعني زين مني ترى معطيج هالدرجه !
اي عطونا انذار قبلها قولووو لنا شدرانا متى تحسبون متى ماتحسبون
والتاخيير
لو تدشين متاخره دقيقه والدكتور موجود في بعضهم مايدخلج
لو صايرتلج ظروووف الدنيا .. غياب
المفروض يعطونا عشر دقايق عالاقل او خمس دقايق اذا كلش
خصوصا بالصيفي في مواد تخلص قبلها بثلث ساعه بمنطقه ثانيه
مايمدي البنات
و يعطيج العاافيه فشييت خلئي 
بس انتي غياباتج كلهم بسبب ومعذوووره بس وييين اللي يقدر هالكلام ؟؟؟؟
مو صج القهر الي انتي فـــيه ,,!
جووفي اختي بااين انج بالجامعه .. يعني ما عرف نظامكم
لكن ما فيه شي اسمه تظلم ..!
انزين عميد او وكيـل .. حاجي الدكتور مره مرتين 3
حراام شقى الفتره كله يرووح عشاان رفضه للطبياات .. او لسؤ تقديره .!
الله يعينج اختي
ويوفقج ان شاء الله ياا رب
وياا ليت احد يلتفت للموضوع الـ fa
وأدري وايـد انظلموا فيهـا الصراحة برايي قانون ظالم و نص .. !!
والله يعوضـج وانشالله تكون خيره لج ..
.
.
يعني ناخذ الـf اوكي صدمه و تعدي ….
لكن لمه نعيـد المادة ونشـد حيلنـا فيهـا و نجابل و انييب الفـل مارك آخر شي ما ينحط لنـا A ليييييش مو احنا يايبينها بمجهودنا ؟؟
.gif "Eh S(14)")
والله ظلم يعني نتعب ونجتهد اخر شي يقسمون الدرجة و كل هذا عشان غياب
يعني عقـاب وتعاقبنـا وعدنـا المادة بعد شحقـه يعطونـا عقـاب ثاني بعد الاعادة و ما يحسبون درجتنـا كاملـه
حسبي الله على هالقانـون الظالـم
و 9 غيابات وايد و كافي .. لو كنتي بكلية ثانية عندج نص ساعه أو أكثر بينهم .. إذا طالعه من بيتكم طلعي أبجر من الوقت .. و إذا ظروف و مريضة " ماكو انسان ما يمرض " ييبي عذر طبي يحسبج غياب بس ما ينقص عليها
الباجي معاج حق يعني في أشياء اهو غلطان فيها مثل ان ما نبهكم ان غير القاعه و جذي
بس اهم حاطين هالموضوع عشان يحدون من سالفة الغياب و الله في تسيب مو طبيعي !! لو يهدونهم على كيفهم جان نص البنات ما داوموا و لا انتظموا و لا بطيخ .. دام ما تلتزمون في غيركم أولى و كان يبي كرسي عشان يدش بس ناس مهملة خذته عشان تقزر و بس
الله يوفقج حبيبتي و شدي حيلج و تابعي مع دكاترتج أول بأول بجامعتنا العريقة كل دكتور و له طريقة خاصه فيه و لازم نلتزم فيها
و المفروض f
ليش
لما سبب الغياب ان الطالب نام بالكفتريا ماله ذنب اللي حرص و حضر و شبع نوم ببيتهم !
لما سبب الغياب ان الطالب مالقى موقف ماله ذنب اللي يا قبل المحاضرة بساعة و دور مصفط ع الراحة !
لما سبب الغياب ان الطالب تكرر تأخيره ماله ذنب الطالب اللي حرص انه ما يتأخر و عمل حساب المفاجآت اللي بتصادفه من زحمة و حوادث و غيره !
انا مو ضدج و لا ضد الطلبة
لكن الحق ينقال
هالدكتور سوا اللي عليه و اللي يمليه عليه ضميره و قوانين الجامعة
و القانون عادل و فيه دلع بعد !!
يعني اللي عمرهم ماخذوا fa بسبب الغياب ساكنين بالجامعة و لا يروحون لها مشي لانها قريبة !!!
كلنا طلبة و كلنا نعاني من كل المشاكل
لكن الفرق بالطالب نفسه و الخلل بالطالب نفسه مو بالقوانين
|
المشاركة الأصلية كتبت بواسطة بطاطا
 انا اقول ان الطالب ياخذ fa اهوا الظلم
و المفروض f ليش لما سبب الغياب ان الطالب نام بالكفتريا ماله ذنب اللي حرص و حضر و شبع نوم ببيتهم ! انا مو ضدج و لا ضد الطلبة لكن الحق ينقال هالدكتور سوا اللي عليه و اللي يمليه عليه ضميره و قوانين الجامعة و القانون عادل و فيه دلع بعد !! يعني اللي عمرهم ماخذوا fa بسبب الغياب ساكنين بالجامعة و لا يروحون لها مشي لانها قريبة !!! كلنا طلبة و كلنا نعاني من كل المشاكل لكن الفرق بالطالب نفسه و الخلل بالطالب نفسه مو بالقوانين |
صح لسانج..
حبيبتي مو قصدي اني ضدج انا بعد ,,ومثل لما الدكتور يعني غير مكان القاعه وحط اعلان مثلا هني المشكله بس هذا واحد من اصل باجي الغيابات,,,
الصرااحه انا اغيب مو ما اغيب ولا ما اتاخر لابد تصير ظروف للواحد..واعتقد 9 غيابات وايد زين ووكافي..
في دكاتره عطونا ويه وقالولنا عادي تاخروو صارت الشعبه كلها تدش عالاخير ووفي دكاتره ما تحسب الغياب صارت الشعبه مصخره ووقت الفاينلات والمدتيرمات تعالي شوفي الناس بس تصور,,مو عشان غياب او اثنين او ثلاث لا تلقين التصوير على كل جزء المدتيرم,,
اما الدكاتره الي الصراحه بالوقت يحاسبونج هذولا الي يعلمونج الضبط والنظام…وكله بمصلحه الطالب ,,بالله ما يحضر وبعدين يزفت ووتعالو قولو الدكتور مو زين,,,
يعني الصراحه مثل دكتور عدنان الشطي ماكو احد …عنده صج كل عذر خارج قاعه المحاضره ماله شغل فيه ..عليج انج بالوقت بالضبط تيين حياج الله بس ان تاخرتي مع السلامه مع انه كرات وايد كان يدخل بنات,,
اسسفه عالطواااله,,,وتقبلي مروري وووراي ,,وانا مع قانون ال اف اي وبشده
|
المشاركة الأصلية كتبت بواسطة بطاطا
انا اقول ان الطالب ياخذ fa اهوا الظلم
و المفروض f ليش لما سبب الغياب ان الطالب نام بالكفتريا ماله ذنب اللي حرص و حضر و شبع نوم ببيتهم ! انا مو ضدج و لا ضد الطلبة لكن الحق ينقال هالدكتور سوا اللي عليه و اللي يمليه عليه ضميره و قوانين الجامعة و القانون عادل و فيه دلع بعد !! يعني اللي عمرهم ماخذوا fa بسبب الغياب ساكنين بالجامعة و لا يروحون لها مشي لانها قريبة !!! كلنا طلبة و كلنا نعاني من كل المشاكل لكن الفرق بالطالب نفسه و الخلل بالطالب نفسه مو بالقوانين |
يعني سالفة المصفط تعالي أبجر شوي
وبالنسبة للطبية واايد دكاترة مايشيلون الغياب حتى لو شنو
ليش ماالتزمتي بالحضور لي آخر يوم
وليش ما سألتي الدكتور إذا بياخذ الغياب في إعادة الميدتيرم وإلا لأ
يبيلج بس زيادة اهتمام وجهد أكثر
والله يوفقج يارب
ترى والله قلبي معاج وكاسرة خاطري بس هذي وجهة نظري
تقبلي مروري.gif "Eh S(6)")
بجيت ليما قلت بس وأي أحد يحاجيني أبطها بوجها
واللي قاهرني التعب اللي راح كل الكورس وآخر شي تأخير بامتحان الفاينل خرب كل شي!!
تحسبت عليها ولحد الحين اتحسب وادعي عليها صراحه قهرتني وحرقت قلبي وخصوصا وقتها كنت مستجده يعني المفروض تمشي
قلبتي المواجع …
و9 غيابات صراحه مو شويه انا غبت بماده 3 مرات << هالماده كنت احبها واحب دكتوووورها حيييييييل فعديت غياباتي المهم حسيت اني غبت واجد
والله المستعان ..
اما على سالفة الـ 9 غيابات اشوفها شوويــــه … لو كانت 12 او 15 احسسسن .