للي حابة تسوي الليزك . دخلي من فضلج

مرحبا الساع

انا سويت العملية وصارلي تقريبا سنتين وانا سويتها عند سامي ربيعه بس في فرق بين الليزك والليزر الليزك عبارة عن جراحه بالعين اول شي يتم وضع بنج بالعين وبعد 5 دقايق تقريبا تدخلين الغرفة تلاقين الدكتور سامي نفسيته واااااااااايد حلوة انا دخلت قمت اطقطق من الخوف للعلم سويتها برمضان والصبح وانا صايمة بس وايد ريحني لأن كان باقي اقل من شهر على موعد عرسي المهم بدخل بتفاصيل العملية… العملية: اول شي بعد البنج يدخل الدكتور شغله بالعين عشان يوسعها ومايكون في مجال انج ترمشين وبعدين يحط شغله داخل العين اول ماحطها انا عبالي انعميت قمت ارجف حس الدكتور فيني وقالي ليش الخوف لا تخافين انتي ما انعميتي هذا مفعول البنج لانه عارف اني خوافه من رفيجتي اهو يصير عمه المهم قالي انا ادري انج خوافه بس ماتبين تسوينها عشان تشوفين زوجج اول ما يدخل الصالة اهني مت من الضحك وقعد يسولف علي وين حجزتي وخلصتي ثوبج واغراضج ووين بتروحون بشهر العسل بعدها رديت اشوف بس حسيت انه حاط عدسة بعيني وقاعد يحركها يمين ويسار وبعدين قالي شوفي الجهاز ولاتحركين عينج لايمين ولا يسار وحسيت مثل شراره قاعد تطلع وبعدها قال يلا خلصنا… انا ماصدقت قلت يعني اقوم قال اي بس مو تحركين بروحج عشان ماتدخليت بالطوووفه خخخخخخخخخ قام وطلعني اهو كان ماسكني من ايدي وسلمني اخوي وقال هاذي الامانة وعطاني نظارة والله ولا جني قاعد بالاسكيمو مع هواة التزلج قال هاذي تلبسينها لمدة اسبوع وحاولي ماتطلعين بالشمس لمدة 3 او 5 ايام احسن حسيت بضباب موقادره اطالع شي اول ماطلعت من العيادة انا رديت طبعا خخخخخخخخخخ نمت وماحسيت بنفسي إلا اني قاعده قبل السحور بساعه انصدمت رحت اركض على المطبخ بس ماقولكم جم دعمه وطيحه صارتلي صج لي قالو عند البطون تعمى العيون وانا عمية بكلا الحالات بس لازم النظارة ماتفارقج وحاولي كثر ماتقدرين تقعدين بظلمة عشان ماتسببلج صداع او ان العملية تخرب لاقدر الله
بس انا انصدمت من شغله البلوة ماقالي شنو اهي العملية ليم شفتها بالتلفزيون بغا يغمى علي ودقيت عليه وانا معصبه واهو ميت من الضحك قال اذا بقولج شنو العملية بتهونين وانتي وراج عرس ههههههههههه
العملية اساسها انه يشيل طبقه من عدسة العين يقصها ويحاول يصغر بحجمها عشان جذي ماشفت شي وعبالي اني انعميت واهو يقول من البنج صج حقدت عليه وانا على نيتي صدقته بعد مايشرحها ويزرع فيها عدسه على القياس المناسب للعين يعني قياس النظارة او العدسة بعدها يردها مكانها والشراره اللي تطلع من الجهاز هاذي اهي اللي تثبتها بالعين
وبس سلامتك ادري طولت السالفه بس صدقوني العملية وايد سهله وماتاخذ أكثر من10 دقايق ونتايجها مريحه

اشدعوه No comment عالعموم نورتي موضوعي

حبيبتي مشكوره وايد الصراحه انا كنت متخوفه بس الحين انشاء الله ابي اسويها بس ماقلتي جم كلفتج

ماشاء الله شرحج وفى وكفى

والله ودي وما ودي .. خوافه حدي

انا اشوف مو عميا كلش يعني الحمدلله

لكن لي جم سنه أأجل العمليه والمشكله

انا ماعرف اصلا شيناسبني ليزك والا ليزر والا ليزرك

واخاف اراجع واتوهق واتدبس بعمليه غصب

يالله الله يعيني .. ويهنيج يااااااارب ماقصرتي

انا كلفتني 480 صدقيني والله ماتحسين فيها ابدا" اقل من 10 دقايق وتطلعين ماتخوف كلش وسهله ولا تحسين باي شي

مشكورة وماقصرتي على مرورج حياتي انتي اذا رحتي يقولج اهو اذا تحتاجين العملية ولا لأ احسن شي الليزك عن اللزر روحي وتوكلي على الله انا دايم اروحله قبل العملية عشان كان يصير في عيني التهاب من العدسات ومن الجو وكان وايد نفسيته حلوة لين اقترح علي اسويها وانا كنت خايفة وشلت الفكرة من بالي بس فكرت قلت احسن عوار ساعه ولا كل ساعه سويتها واكلت على الله والحمدلله النتيجه وايد عجبتني

واااي الله يعيينكم

يعني يسوي العمليه ابنج موضعي!! وااي يخرع شلون استحملتي

بس ماشالله العينيين في 10 دقايق بس

حبيبتي ابد ماتحسين ولازم يبنج العين بس لان السالفه ماتستاهل بنج كامل كلها اقل من 10 دقايق للعملية وكلش ماتخرع والله العظيم عاد انا خوااااااااااااااافه ابعد الحدود من اسم عملية بس لما سويتها تغيرت حالتي وصرت احسن شوي لأن حسيت ان خوفي ماكان يستاهل

Up Up

واي حده ودي اسوي عاد نظري ضعييف انا تقريبا عميه اسم الله علي
يعطيج العافيه طمنتينا! وانا اختي بعد امسويه بس جنه ليزر مو ليزك

مشكورة حبيبتي على المرور بس الليزك احسن من الليزر اذا تبين رايي

ايسكريمة يلحلوة اختج مسوية ليزك مو ليزر p;

لووول حلفي؟
انزين ليش ماقالت لي؟
انا ودي الصراحه اسوي بس ماعرف عند منو!
انتي وين سويتي بالونه؟

بالون يسلمو على المرور اما ايسكريمية ههههههههههههههه موعارفة اختها شنو سوت

ميرسي حبوبة على المرور وصدقيني سويتها ماراح تندمين وراح تدعيلي