للي تعرف متى أحمل بعد التنظيفات ؟

السلام عليكم شلونكم بنات
أنا صار لي أسبوعين مسويه تنظيفات كنت حامل بشهرين وسبحان الله اليهال طلع ميت ببطني
وأول مرة يصير معاي بس بسأل بعد جم شهر ممكن أحمل ولا عادي أحمل علطول
ويعطيكم العافية

شهر او شهرين وانتي حامل انشالله

تنفسي عدل ( اهتمي بالنفسج مثل وقت النفاس)
والله يرزق قريب ان شاءالله

انا حملت بعد ماطيحت 9 شهور لكن ما الله كاتب لي وطاح

نفسي بالضبط شهرين و مات ببطني … و الحمدلله حملت على طول وراه .. لأن التنظيفات تخليج تحملين اسرع يكون رحمج نظيف و يستقبل والله يعوضج

نطرى 3شهورلانة التنظيفات تضعف جدار الرحم واحتمال اذاحملتى على طول البويضة ماتعششيعنى ماتلتصق بالجدار

انا مثل حالتج طلع الحمل حمل ضعيف وماجاه نبض ؟ وميت ببطني ؟ وحملت بعدها ب6 شهور والشهر السايع طلعت حامل والحين بالرابع ؟
احس طولي شوي لو 4 شهور ريحي رحمج وان شاء الله ربي يرزقج واكثري من الاستغفار ترى والله عجيب ؟ واعرف وحده من بعد التنظيفات ماجتها الدورة حملت على طوول توكلي على الله وفوضي امرج له وكل شيء بقضاء وقدر … والله يعوضج ان شاءالله

انا بعد ماطيحت صارلى اربع شهور ماحملت وواى ودى احمل موقادره انطر مع انى حملت بعد تسع شهور من زواجى

على الاقل ريحي الرحم 3 شهور يا عمري و انشاء الله ربي يعوضج كل خير

lمشكورين حبايب قلبي لا خلا ولا عدم

انا نفس حالتج حبيبتي الله يعوضج وتحملين انشالله واحما انا بعد

حبيبتي انا اختي عقبها بشهر حملت وكانت حامل 3 شهور …
الله يكتبلج اللي فيه الخير وياااارب تحملين ويعوضج الله خير ..
والدكاتره دايما يقولون عقب التنظيفات ريحي شهر وبعدها تركي نفسج
حياتي الله يرزقنا ويااااج من فضله

آمين حبيبتي

مشكورة ياقلبي صج فيدتيني