للمدرسات والامهات

السلام عليكم

شلونكم ان شاء الله تمام

بنات بنتي اولى ابتدائي

وماعرف شنو طلبات المدرسه

يعني الدفاتر و جم ورقه
ولكل ماده جم دفتر ؟؟؟؟؟؟؟؟؟؟؟؟؟؟

يعني اذا في احد يرد علي

؟؟؟؟؟؟؟؟؟؟؟؟؟؟؟؟؟؟؟؟؟؟؟

اكون شاكره لكم

شدعوه محد يرد على سؤالي ؟؟؟؟؟؟؟؟؟؟؟

حبوبة لا تحاتين اول يوم دوام سألي المدرسات وبيقولون لج

وان شالله ان حصلت احد يعرف برجع اقولج

يمال العافيه ومشكوره حبيبتي

لييييييييييييييييييييييييييييييييييش 26 مشاهده ولا احد يرد

شوفي انا مدرسه وبنتي اولى ابتدائي ودقيت على ابلتها العربي قالت تبي ٣ دفاتر ٦٠ ورقه وخمطت دفاتر زياده ٤٠ ورقه والانجليزي طبعا ٤ خطوط شريت ٤ دفاتر بس من كيقي شريت مادري جم تبي الابله وشريت لها بالطو العلوم وملابس رياضه وثوب صلاة وطبعا شريت السبوره اللاصقه ٣ وادوات للمدرسه اقلام مساحات ملفات الطباقي وطوابع وجلاد واقلام سبوره لان يحتاجونهم ولاتحاتين اولى يداومون قبل يعني بيعطونج ورقه طلبات فيها كل ماده شنو طلباتها بس باقيلي اشتريلها الجنطه ماني عارفه من وين اشتري ابي جنطه حلوه وكشخه لها وباقيلها تكرمين جوتي

احسن شي تنطرين اول يوم دراسه تتوضح الامور وطلبات المدرسه اكثر

العربي: 4 دفاتر بو40 ورقة
الانجليزي: دفتر واحد 4 اسطر
العلوم : بالطو أبيض
الرسم: الوان شينية وكراسة
الموسيقى : دفتر موسيقى
الرياضيات : دفتر مربعات
الدين: ثوب الصلاة ( البخنق الأبيض)

تقريباً هذي الطلبات الأساسية في كل مدرسة بالإضافة إلى ملفات طباقي لكل مادة ولبس الالعاب تي شيرت أبيض وشورت أسود أو بنطلون

بالنسبة للعربي"
4دفاتر:إملاءوتعبير بو40ورقة
والواجب والصف براحتج

وسبورة وقلم سبورة

هذي طلباتي من بناتي

على فكرة كل مرحلة وكل مادة لها طلبات معينه