|
|
شلوووونكم بنات؟؟؟؟؟؟.gif "Eh S(17)")
بغيت أسأل كل وحده مجربة الولاده من قبل…
شنو الهدوم اللي تاخذينها معاج المستشفى للبيبي؟؟
و باليوم اشكثر يحتاج يلبس؟؟ بدلتين او ثلاث او اكثر؟؟
و شنو الاشياء اللي تحسفتي انج ما خذيتيها؟؟
و شنو الاشياء اللي خذيتيها و ما استفدتي منها؟؟
يعني مثلا انا الحين محتاره هل احط للبيبي حفاظات و لي كوتكس ولا المستشفى طبيعي ان يوفرلج هالامور؟؟
مرات اسمع على حسب الغرفه اذا كانت ملكي مثلا يوفرون لج كوتكس و اذا عادي مايوفرون..
و كحول السر منج ولا منهم؟؟
و شامبو و فوط و كريمات البيبي و الخخخخخخخ
ياليت اتعلمونا بالتفاصيل بليييييييييز
لأني قاعده اجهز الجنطه و احسها انترست و كلها حق البيبي و انا ماحطيتلي شي بعد..!!!
يعني جم جنطه باخذ على هالحاله!!
بانتظاركم يا الغاليااااااات
هلا بأم فروحه هلا غلا حبيبتي شوفي بس حطي حق البيبي هدوم وبس وحطيهم في كيس نايلون مالوت مالوت الأكل اللي يتسكرون من فوق كل كيس تحطين فيه بجامه مع فانيله مع كبوس و مهاد عادي مو مال استقبال وبس وطبعا تحطين من هالكيس 5 وتحطين كيسين نايلون فيهم بدلتين حق الأستقبال كل كيس فيه بدله مع الفانيله مع الكبوس ومهاد كشخه بس واحد حق البدلتين وبس …
وحطي سليب باق مال الأستقبال حق البيبي علشان اي احد يبي يشوفه يشيله في السليب باق احسن حق البيبي
وانتي حطي لج اندرويرات داخليه اللي يصرون صروال قطن طويل علشان مايحوشج برد وتلبسينهم تحت نفانيف الأستقبال حطي لج منهم 5 احسن لج يزيد ولا ينقص وحطي لج بجايم قطن حق النوم 4 وحطي لج 4 نفانيف استقبال 2 خليهم حق العصر واثنين لبسيهم الصبح بعد ما تقعدين من النوم وتتريقين وتاخذين لج شاور لبسيهم علشان لما ايي ريلج وامج واهلج القراب حيل تكونين لابستهم وحطي لج روب واحد كشخه وحطي لج بدله علشان لما تطلعين من المستشفي وحطي لج 3 شيلات حلوين ووحده منهم كشخه وتكون ماشيه مع نفانيف الأستقبال
وحطي لج شامبو وشاور جيل وفرشة اسنان قطن للصدر حق بعد الرضاعه وكوتكس و فوطه ….. وانتي بكرامة ( نعال حق الحمام و مداس كشخه حق تلبسينه لما تمشين بالغرفه ) ومشط وسشوار او اذا تحبين اتييبين لج وحده تسوي لج شعرج سشوار بالمستشفى يوم الأستقبال انا يبت لي وحده سوت لي شعري يوم الأستقبال احسن لي واريح علشان يطلع شكلج مرتب جدام الضيوف
شاحن التلفون ترا وايد مهم 
وبس ترا هذول الأشياء المهم واللي تحتاجينهم والبيبي ترا المستشفى يحط له ويسوي له كل شي لا تحاتين و هم الكوتيكس المستشفى يعطونج بس هم اخذي لج لأنج را تحتاجين بعد …
وبس واذا تذكرت راح اقولج حبيبتي
وييييييه عيل انا خابه عمري..
حاطه فوط حق البيبي قلت لم يسبحونه..
و حاطه فوط صغار بعد لاني شفت يحطون تحت ويه الياهل كلنكس قلت احط فوطه احسن..
و اعجبتني فكرة الجياس و تقسيمتهم بسويها ان شاء الله..
بالنسبة لي شنو احط بجنطتي ماكنت احاتي هالشي ..بس احاتي الياهل اشكثر احطله ما ادري جم يدله يحتاج..
يعني على كلامج 7 بدل..5 عاديين و 2 حق الاستقبال..
مو وايد لازوردي؟؟
حبيبتي شنو 7 بدل لا بس بدله وحده حق الطلعه وحطي لج 4 نفانيف حق الأستقبال وحق البيبي حطي له بس بدلتين والباجي بجايم قطن واحسن شي الأفرولات يعني حطي حق البيبي 5 بجايم قطن غير البدلتين وهم نسيت اقولج حطي له فوطتين علشان لما يسبحون
وبعدين لا تشترين حق البيبي الكحول ولا شي لأنج وانتي طالعه من المستشفي راح يعطونج لسته فيها الأغراض والأدويه اللي لازم تاخذينهم عاد وانتي طالعه خلي بو الشباب يروح اييبهم لج من الصيدليه مالت المستشفى لأنه موجودين هناك
وهم اذا تذكرت راح اقولج بعد والله يسهل عليج حبيبتي وتولدين وتقومون بالسلامه انتي والنونو يارب
انا اقولج ادري شنو آخذ حقي بس البيبي اللي محتاسه فيه..
يعني كنت اقصد 7 بدل حق البيبي؟؟
مو حقي ههههه تخيلي
و فعلا على قولتج 7 بدل آخذله
5 بجايم قطن غير البدلتين يعني هذا اهم سبعه..
زين قلتيلي عيل عن الادويه ماراح اخذ الا بعد مايعطوني الورقه
يعطيييييج العافيه ماقصرتي
هذي هم بعد اخذها المستشفى معاي؟
| شنو الهدوم اللي تاخذينها معاج المستشفى للبيبي؟؟ و باليوم اشكثر يحتاج يلبس؟؟ بدلتين او ثلاث او اكثر؟؟ |
حطي لي اكياس نايلون مثل اللي يحفطون فيهم الاكل بالفريزر .. في كل كيس حطي البجامه ام ريول و كبوس و دسوس و فانيله و مهاد و صدريه و اخذي للبيبي تقريبا 6 اكياس معبيه باللي قلت لج عليه .. و متي ما طلبوا منكم غيار عطوهم الجيس و يردون لكم الجيس فيه الملابس الوسخه .. و اهلج لا ردوا بالليل عطيهم يغسلون الملابس و يردونها لج من باجر .. لان تقريبا الممرضات يطلبون منكم 4 مرات يغيرون للبيبي او اكثر .
| و شنو الاشياء اللي تحسفتي انج ما خذيتيها؟؟ |
اذكر خذيت لي بجامات قطعتين بنطلون و بلوزه و تحسفت و طلبت من اهلي ايبون لي البجامات القطعه وحده مثل الدراعه .. لان الممرضات يغيرون للجرح و دشة الحمام فصعبه قطة البنطلون.
| و شنو الاشياء اللي خذيتيها و ما استفدتي منها؟؟ |
ماكو شي ما استفدت منه بالعكس لا حسيت شي ناقص طلبت من الاهل على طول .
| يعني مثلا انا الحين محتاره هل احط للبيبي حفاظات و لي كوتكس ولا المستشفى طبيعي ان يوفرلج هالامور؟؟ |
المستشفي يوفرون هالاشياء لج وللبيبي .
| مرات اسمع على حسب الغرفه اذا كانت ملكي مثلا يوفرون لج كوتكس و اذا عادي مايوفرون.. |
بهذه ما عندي فكره .
| و كحول السر منج ولا منهم؟؟ |
البيبي انتي مالج شغل فيه ايج مرتب و مسنع .. و الكحول لا طلعتي تشترينه من الصيدليه .
| و شامبو و فوط و كريمات البيبي و الخخخخخخخ |
مثل ما قلت شغل البيبي اهم يوفرونه .. بس شغلج انتي يبيه من شامبو و صابون و شور جيل و ليفه و فرشاة و معجون و عطر و مشط و ديودرنت .
كفت ووفت
وباجي البنات ما قصروا
انا نسيييييييييييييت ( عياره)
المهم الله يهون عليكم
اغراض البيبي حسب ذاكرتي :
فنايل – بودر – بجامات – مهادات – كبابيس – جيسة البيبي – غطاء للبيبي ( بطانية ) من مذركير او سنت بوينت – مصاصة اذا تبين – فوط صغيرة – كلينكس بيبي جونسون الوردي – قطن .. هذا اللي اذكره الحين.
اغراض لج انتي :
ملابس قطن داخلية – حمالات صدر للرضاعة – قطن يوضع في حمالة الصدر – شورت قطن – كوتكس – قمصان نوم جم واحد عادي و 2 كشخة – نعال حمام – نعال ماشي مع قمصان النوم – كلينكس معطر – عطر – ديودرنت او بودر – فرشة و معجون – شامبو و شورجيل و مفراكة – فوطة كبيرة و صغيرة – بروش لتمشيط الشعر – كليبسات او تاج او باند – كحل و قلوس – سشوار – كريم مرطب – طقم كفر حلو … اذا تذكرت اقولج بعد
اي والله يزيد ولا ينقص عيل شكلي باخذلي جنطه اكبر على هالحالة..
كنت ناويه انزل نفس الموضوع لاني فعلا محتاسه مو عافه شنو آخذ
بس اشمعن حددتي اذا بدار الشفا؟؟
انا لم الحين محتارة ناطرة هالرويال حياة يردون علي باسعارهم النهائية..
و بقارن بينهم و بين دار الشفا..
|
المشاركة الأصلية كتبت بواسطة هوّن على قلبي
الف الف شكر
كنت ناويه انزل نفس الموضوع لاني فعلا محتاسه مو عافه شنو آخذ |
العفووو يا الغالية .gif "Eh S(6)")
اي والله البنات ماقصروا يعطيهم العافية .gif "Eh S(15)")