لكل من تود أن تسحر زوجها *** لا يمكن فكه سحرفعال يؤثربالزوج

السحر هو أمر يستحوذ على الحواس فيقودها في اتجاه آخر ….
لكل من تود أن تسحر زوجها *** لا يمكن فكه ولا حله ….هذه طريقة فعالة .. جربوها ولن تندمــو ….

1. زوجك ليس ندا لك …. زوجك رجل … له كرامة وكيان وشخصية تمتلئ بالشموخ والكرامة وعزة النفس …
فلا تكوني ندا له ….. وين المشكلة؟

2. بيتك جنة …. وأطفالك هم عصافير الجنة … فلا تجعليهم غربان تحوم حول الزوج حين يحتاج للهدوء ….
الانسحاب أحيانا مفيد جدا …. وين المشكلة؟

3. خليه يفتح موضوع جدي معاك … اتركيه يناقش حتى النهاية … اذا قرب يخلص قولي العبارة التالية : بس في نقطة مهمة نسيتها …
راح ينتبهلك … وأكيد راح يسأل : وشهي؟ ….. قولي: إنا أموت فيك …… وين المشكلة؟

4. كل الأمور تحلينها انتي؟؟؟ برافو … كفو والله وعساك عالقوة …. بس مو ضروري تعيرينه…
دعي له مساحة يتحرك فيها … شاركيه بالقرارات … ارجعي له دائما … حتى في الأمور المحسومة سلفا ….
خليه يحس ان له دور مهم …. مو سبير طايح ….. وين المشكلة؟

5. دائما دعيه يشعر انه القوة الكاملة في البيت …. دعيه يشعر انك ضعيفة …. مو بشخصيتك …
بل بجسمك … الجأي له مثل الأطفال … حتى لو اصبعك انجرح … عطيه بلاستر وخليه يلف اصبعك …. وين المشكلة؟

6. خليه دايما يحس انك بحاجته … وان عداداتك وبوصلاتك ما تشتغل الا بوجوده …. وين المشكلة؟

7. أشعريه ان شخصيته هي الأقوى… حتى لو كنتي كونداليزا رايس …. وين المشكلة؟

8. العطور ثم العطور ثم العطور…… اجعلي بيتك مريحا للأعصاب ودايما استبدلي عبق البصل والثوم اللي
تحوووووووووس في البيت … برائحة معطر الجو ….
حواس الأنف مفتاح الدماغ …. راقبي وجهك اذا مريتي عند زبالة صارلها سنة مقطوطة ….
حتى لو كنتي في قمة سعادتك بتنقلب مزاجاتك ….. شلون يقدر يعصب والدنيا ربيع والجو بديع ….
وقفلي على كل المواضيع ….. وين المشكلة ؟

9. يقولون الرجل طفل …. انا اقول الرجل جنين وليس طفل …. الطفل ممكن ينزف … ينطق …..
بس الجنين محمي بحنان رباني … بعالم هادئ …. بتدليل أمومي …. الرجل مهما لقى من صفات رائعة في زوجته ….. دائما يبحث عن حنان أمه فيها …. والحنان….يلين الصخر …. وين المشكلة؟

10. كوني له أمة يكن لك عبدا ….نعم …. صيري صديقته وقت الضيق … أخته وقت الفزعة … أمة وقت الدمعة …
حبيبته لما كل الدنيا تخليه …. زوجته لما يضيع … بنته لما يحتاج يحس بالألفة …. كوني له كل نساء الأرض ….
وين المشكلة؟

11. علمي أولادك ان يقبلوا رأسه كلما رأوه … لا تقولين الزمن تغير وماعاد أحد يبوس راس أحد ….
كل شي ممكن يتطور …. بس يبقى احترام الأب هو الجهل الوحيد اللي لازم نزرعه بقلوب أولادنا …. وباستماته
…. وين المشكلة؟

12. نسى هدية العيد لولده أو بنته …. عادي … اشتري هدية وحطي عليها أسمه وجهزيها له …
أو اذا انشغل قدميها باسمه …. فنتيجة انتماء الطفل لأبويه انتو الاثنين راح تحصدونها … مو بس هو ….
بس لا تنسين ترسلي له مسج تعلمينه بالهدية … لا يصير مثل الأطرش بالزفة! ….. وين المشكلة؟

13. حذار ثم حذار ثم حذار من عبارة … أبوك لاهي عنك ….. ليش وينه أبوكم …. أبوك مو فاضيلك ………..
الطفل ما ينسى …. قومي انتي بالمهمة …. أو على الأقل … لاقي عذر مناسب يكبر الأب بعين عياله …
مو يكرهونه ….. وين المشكلة ؟

14. تتضايقين من نظراته لمذيعات القنوات اللبنانية وهيفاء وهبي؟؟ قهر مو ؟؟؟؟ غلطانه….
اسألي نفسك سؤال واحد …. ليش ما تصيرين انتي لبنانية ….واحلى من اللبنانية !!!!!
…. قصة شعر؟ ريجيم ؟ صبغة حلوة ؟
ابتسامة جميله ؟ تدليع؟؟؟ وين المشكلة؟؟؟

15. دلعيه …. ثم دلعيه …. ثم دلعيه …. حبيبي … قلبي … حياتي …. مافي منك … مشكور …
عساك عالقوة … صباح الحب …. مساء الورد …. تصبح على حب …. عيوني لك … انت تامر ….
واغزلي من عبارات الحب جمل أكثر …..
يا ستي اعتبريه موضوع تعبير لازم تكتبينه في المدرسة ويتوقف عليه تخرجك … وين المشكلة؟

16. يووووووووووووووووه … ليش ما جبت الطماط …………… انا لله … انا كل ما أوصيك على شي تنساه؟؟؟
والله لو رايحة انا أبرك ………..!!!!! ليش ليش ….. سواق هو؟؟ شوي شوي ….
صحيح مهمته وشغلته وواجب عليه ندري …. بس كان ممكن لما تكتشفين النقص تقولين الآتي مع ابتسامة ناااعمة …
عادي حبيبي ولا يهمك … يعطيك العافية يا قلبي …. روح ارتاح انت الحين وانا أسويلك كوكتيل عالسريع ….
حبيبي يتعب وما ندلعه؟؟ ما يصير……. حتى لو أكلتك كلها تعتمد على الطماط …. خير يا طير …. تتدبر….
لو تفكرين شوي راح تعرفين انها تتدبر……وين المشكلة؟

17. لا تنتقدينه …….. أبدا …. حتى لو كان من راسه لساسه عيوب …. حتى لو كان صباااااااااااار كله شوك ….
الصبار ترى داخله مويه … وعلشان توصلين للمويه لازم تشيلين الشوك …. جربي شيليه بسرعة ومرة واحدة …
ما تجنين الا الألم ….. بالحب …. والحنية …. والصبر …. كل شي يصير … حتى لو طولتي تشيلين الشوك ….
راح يجي وقت تلاقينه هو يشيل معاك …. من كيفه …. وين المشكلة؟

18 . إياكي وإياكي وإياكي أن تظهري عيبه أمام الآخرين … الرجل ما ينسى ….
والشعور بالإحراج يخليه يدفن بقلبه ضيق عليك ما يروح بسهولة …… خليك ستر وغطا على عيوبه …
حتى لو تافهة وعادية …. وين المشكلة؟

19. خلي يدك بيده…. قبلي أصابعه بعز المسلسل …. خليه يحس انك مستانسة لوجوده جنبك ….
مو تنتظرين الساعة اللي يروح فيها برا … وين المشكلة؟

20. طلعي الشغاله برا …. أظن الدوام الجزئي كافي … هذي مملكتك … لا تتنازلين عنها ….. وين المشكلة …
الواحدة منا اذا حبت شغلها تكرف فيه بدون حساب …. وبابتسامة …. مو بيتك أدوم لك؟؟؟ وين المشكلة؟

21. عطيه حريته … خليه يسافر لوحده اذا يبي … خليه يطلع الشاليه او المخيم مع الربع …. خليه يتنفس …
وراح يرجع لكم مشتاق … وممنون….. وين المشكلة ؟

22. تعلمي الابداع بالطبخ … نوعي بأكلاتك …. حسسيه ان ذوقه مهم عندك…وين المشكلة؟

23. جددي بنفسك …. خليك أنيقه … كشخة … شبعيه علشان ما يجوووووووووووووع ….. وين المشكلة؟

24. تذكريه برسالة على الجوال … مو لا تنسى العيال … ولا مر السوق….. قوليله كلمة واحدة بس ….
اشتقتلك ………. وين المشكلة؟

25. لا تخالفينه قدام عيالك …. خلي رايك من رايه … وعيالك لازم يفهمون هالشي ….انك معاه … مو ضده….
ولا تعاندين …. لو شلتي يدك من ثقب السفينه عناد راح تغرق فيكم كلكم …..وهنا المشكلة.

م ن ق و ل

صرااااااااااااااااااحه موضوع

مفييييييييييييد جدا جدا

شكرا

يعطيج العافية وجزاج الله خير وربي يحفظ الكويت بحفظه

مشكوووره وايد حلو الموضوع
بس انا عندي مشكله اعاني منها انا واااااااايد استحي من الكلام الحلو ملقدر اقوله استحي احاول اقوله واهو دايما يقولي ليش ما تقوليلي كلام حلو والله احاول ماقدر حدي مسجات اذا بغيت ادلعه ادزله مسج بس خليجية

مشكوره خوش معلومات

روائع ثمينه……………………ابدعت فيها ياطير الحب خليجية

( زوجك رجل … له كرامة وكيان وشخصية تمتلئ بالشموخ والكرامة وعزة النفس … فلا تكوني ندا له )

اعتقد هذا البند الرئيسي والمهم لان الاحترام واجب ومطلب ضروري علشان تنبني عليه بقيه البنود السابقه .

خليجية

مشكورة

يعطيج العافية اختي العزيزة عالكلام المميز هذا
عسا الله يسهل علينا ………
انا مشكلتي عنييييييييييدة خليجية

بس في طور التغيييييييييييير خليجية

يعطيج العافيه يا عسل تسلمييييين تسلميييين تسلميييييييييين والله يجعل هالموضوع ابميزان حسناتج او صج بنات

وين المشكله ؟؟؟؟؟؟؟؟؟؟؟

يا بنات والله ابمحافظتكم على ازواجكم اتكونون قاعدين اتحاربون الشيطان لأنه تدرون انه احسن شيطان يكرم بين الشياطين اللي يفرق بين ريال او مرته يلا بنات لا تستحون او قولوا خل انحارب الشيطان او وين المشكله ؟

تسلمين ياحبيبتي نحتاج من وقت الى آخر للتذكير …. و اعجبتني هذه العباره كوني له أمة يكن لك عبدا ….نعم …. صيري صديقته وقت الضيق … أخته وقت الفزعة … أمة وقت الدمعة …
حبيبته لما كل الدنيا تخليه …. زوجته لما يضيع … بنته لما يحتاج يحس بالألفة …. كوني له كل نساء الأرض ….
وين المشكلة؟

مشكووووووووره وايد صج وين المشكله و إلا غيرنا أحسن منا

الله يجزاج خير اختي الكريمه ..

يعطيج الف الف الف عافيه

كلامج حلو وينحط حلق بالودان
درس وتعلمته بالكلمة الطيبه تكسبين ريلج

لكل من تود أن تسحر زوجها *** لا يمكن فكه سحرفعال يؤثربالزوج

اترك تعليقاً إلغاء الرد