|
آنا في ورطه والله من البارحه مانمت السالفه يابنات انه واحد من ربع
ريلي المقرب له حيل تزوج على زوجته بالسر وهي ماتدري وصارله سنه
على هالسالفه و من جم شهر وريلي يطري الزواج بالبدايه قعدت اضحك
وعلى بالي غشمره وابي احره قلت له عادي موهامني اللي هامني شكلي
جدام الناس والا انت عادي روح كله واحد قالي حلو هذا اللي انا ابيه والله
ماراح اخلي احد يتشمت فيج بتزوج بالسر وقلت له اوكيه موافقه وانا
اضحك مومصدقه يسويها وبعها كل يوم والثاني فاتح لي هالموضوع
ويقولي عن سوالف رفيجه وانه مرتاح وماكو حنه ولامشاكل والاولى
ماتدري بالسالفه والثانيه متفهمه وضعه وعادي لو مايروح لها الامره
بالاسبوع.
بس البارحه صار شي غريب طلع حق الدوام من الساعه 7الصبح ولما
صارت الساعه2ونص اتصل وقالي انا معزوم عند رفيجي على الغدا
وماراح اتغدى عندكم قلت له براحتك ومن ذاك الوقت مارد الا الساعه 11
بالليل وكل ماتصل عليه جهازه مسكر ولما رد سويتله سالفه وحنه ورنه
جان يقولي طلعت من الغدا ورحت الكراج وماخلصت الا 7بالليل عقب رحت القهوه ومريت واحد من الربع ابيه بشغله ومادري شنو وحجي
ماصدقته قلتله وليش تلفونك مسكر قالي فاضيه البطاريه
واي بنات مو مصدقه حاسه مسوي شي بس شنو ريلي صعب ماينصاد
شلون اعرف متزوج ولا لا وعلى فكره قبل جهازه دايم مبطل يعني
مايسكره وعادي اتعبث فيه مايقول شي بس من جم يوم حطله قفل الشاشه
بنات الله يخليكم مالي الا الله ثم انتو شسوي عفيه محتاجتكم والله
ضايقه فيني الدنيا انتظر ردودكم
بقولج شغله
المره اذا حنت على الريال وظلت تشك فيه صدقيني والله العظيم يفقد الثقه بنفسه ويروح ويسويها
اكيد زوجج حس انج مو مهتمه له ويبي يلفت انتباهج ويشوف ردة فعلج
لازم ماتقولين عادي وتبين له انج مو مهتمه فيه لا لازم تقولين له ماراح اسمح لاي وحده تاخذك مني انت ملكي وحدي مستحيل احد يشاركك فيني ومن هالكلام الحلو اللي يدل على انج تحبينه ومو متنازله عنه
وسالفة جدام الناس الناس مو مثل اول محد يهتم لاحد
انصحج استقبليه استقبال حلو مو تستلمينه اسأله وينك ليش ماترد لا قولي شغلت بالي عليك خفت عليك مو تحسسينه انه متزوج عليج
الله يسهل عليج ويوفقج ويكون زوجج لج ومحد يشاركج فيه
مدامه فاتحج بالموضوع من الأساس، واجهيه وسئليه، وجنه الموضوع عادي.
قوليله انت متزوج ؟
إذا اعترف لج، بعدين يصير كلام ثاني.
ويمكن تكونين ظالمته، كلميه أحسن. والله معاج.
بعد عمرررررررررررررررررررري
حرت قلب مو طبيعيه
لا لا لا
ان شاءالله يارب العالمين لا لا لا
انتي مقصره وياه ؟ في بينج وبينه مشاكل
الي يفكر انه يتزوج وحده ثانيه
اخاف يقولج جذي كنغزات او واقع لمستقبل اهوا بيسويه
بس اني مهما كان المفروض ما تردين عليه هالرد
حتى لو غشمره
علشان باجر لالالالالالالالالالالالالالالالالا سمح الله
صار شي
يقولج انتي قلتيها بلساتج
عادي ولا همج ؟
حبيبتي لا لا لا ان شاء الله مايكون متزوج وحده ثانيه
بس اني صبري لا تستجعلين على اموركم
شوفي حاولي تساحلينه هاليومين
وتفهمين ليش حاط قفل لجهازه
بعد قلبي والله قهرررررر السااااااااااااالفه
بس لا كان فعلا حقيقه ؟ اهني شنو تسوين ؟
بس لازم تعرفين ليش يفكر بزواج الثانيه ؟
لان في بنات مايخافون الله يبقوون الريل من حضن زوجته
مادري شقول ؟
اذا رياايييلكم طروووا الزواااج من وحده ثانيه حتى لو على غشمره مو تضحكوووون وتستهزؤووون بالساااالفه !!! عصبووووو و زعلووووووو وسوووها سااااالفه خل يعرفووون ان الموضوووع مو هين و لااااا عااااااد يطرووون هالموضوووع مره ثااانيه خلاااااص قطعوووه من عرجه !!!!
الله يهدي بالك
و اغلب الظن مسوي شي من وراج وااااااااااااااااضحه
الله يعينج على ما ابتلاج
و يكشف لج خفايا الامور
كبريها و لا تسكتين
حتى لو توصل انج تكلمين اهلج
او اهله
ليش ما تشوفين اسمه بالعدل مسجل انه متزوج ولا لأ
؟؟؟
او انا اقولج
اتفقي مع وحده من خواتج او رفيجاتج تلحقه اذا طلع من البيت بدون ما يحس
و اذا بغيتيه دقي عليه على الدوام و سألي عنه وينه
أخاف أقولج سأليه مباشره ينكر أو يطلع فعلا مو متزوج وحزتها عاد تبتلشين أنتي جدامه
واخاف أقولج تحري من وراه ويحس اهو ويتضايق ويكبر السالفه
آنا أقول خلي الأيام تبين لج المستور وأذا في شي بيبين لا تحاتين لي متى يقدر يخش يعني!!!!
أدري الوضع صعب عليج والحيره مضايقتج بس تصبري ولج الله
صج تحرين القلب يقولك ابى اتزوج وتقولين انا ماعليه الامن الناس
شنووووووووووو هالكلام وبعدين لما ينحاش زوجك او يتزوج تجون تشكون
انتى السبب تنحشينه ولاتحسسينه انك تحبينه وبالاخير تجين تتشكين والله عجيبه
الرجال يبى يحس انه مهم فى حياة المره لاتعيشين زوجك على الهامش
تقوليله تزوج؟
حتى لو على ضحك المفروض ما تطلع من السانج
اذا ريلج حس انه هين ورخيص عندج ان تشاركج فيه وحده ترى يحس بكسره وما تجبرها الا كسرتج انتي
ترى الريال صعبه بندقر المفروض تقوليله حامض على بوزك اتزوج مو تقوليله روح تزوجج وبرستيجي جدام الناس
انتي جنج عطيتيه الجرين لايت
ان قالج بتزوج قوليله مالك الا انا وانا مالي غيرك
عشمي الريال ولا اتكبرين عليه بالسوالف حتى الغشمره منها
الله يعينج
وسالفه البطاريه خالصه مو عذر على الاقل يتصل فيج من اي مكان يعلمج
وسالفه القفل اللي بجهازه قوليله فج القفل اشكره صارحيه شالمشكله
انا سياستي مع ريلي المصارحه يعني مابي شي يخليني افكر واحاتي اقطها بويهه اشكره واهو نفس الشي
وانتي باشريه وانتبهي له زين والله يوفقكم ويبعد عنكم كل شر
:
المفرووض السوالف هذه ما ينضحك فيها نهائياااااااااااااااااااااااااااااااااااااااا
حتى لو طراهاااا عصبي وقولي مستحيل اخلي وحده تاخذك غيررررررررري
انا اقولج على موقف صار معاي الاسبوع الي طاف قاعدين نشوف فوزيه دريع انا وريلي
المهم دقت وحده تبجي وعندها خمس عيال وتقول ان زوجي تزوج علي والسوالف هذه وانا ما ادري شنو اسووي وقعدت تبجي جان اقصر انا على التي في واقولها مالت علييييييج
عندج خمس عيال روحي نتفييييييييييييييييييييييييي هذا اللي ما يستحي على ويهه
مو باجي الا يتزوج عليييييييييج نتفي معاااشه وخلي العيال عندج وشووفي باجر شلون بيعيش مع الثانيه هذه وقاعده اضحك وكملنا البرنامج
ثاني يوم قاعدين انا وريلي نتغدا المهم بالسوالف جان نحط على الاعاده مالت فوزيه دريع لوووووووووووول على طول فوزيه تييب سوالف
المهم جان تدق وحده تقول ريلي مطلق مرته وعنده منها بنت والحين حنت له طليقته وتطرش له مسجات وهو قالي اردها والا لأ جان انا اطالع ريلي بحسن نيه واقوله شرايك انت تسوي فييني جذي جان يقول شنو اسوي فيج جان اقوله تطلقني وبعدين تحن لي وترجع جان يقول انا اقدر اطلقج واخذ غيرج انتي امس مهددتني انج بتنتفين معاشي واني ما راح اقدر اعيش مع المره الثانيه جان اقوله انااااااااااااا !! متىىىىىىىىىى !! جان يقوول يوم تتكلمين مع روحج وتحاجين المره اللي تبجي على ريلها
لوووووووووووووووووووووووووووول قعدت اضحك واقووله يعني انت فهمت ان الحجي لك جان يقووول من امه الحجي لي لووووووووووووووووول وقعدنا نضحك
بس الزبده ان وصله الحجييييييييي اني ما راح ارضى بشررريجه نهائيااااااااااااااااااااااا