|
السلام عليكم
بنات انا تعبت من التفكير
مثلا اذا صليت المغرب احس شي داخلي يقول ليش ما تصلين السنه اذا ما صليتيها الله ماراح يتقبل منج شي وماراح يرضى عنج .. واصليها حتى لو كنت تعبانه ومريضه ..
اذا ما قريت البقره بيوم اتحوشني ضيقه مو طبيعيه اقول راح يصير فيني شي لاني ما قريتها ..
اذا يوم طوفت قيام الليل يضيق خلقي واقول الله ماراح يحقق لي الشي اللي ابيه ويفرج همي ..
اذا ما استغفرت وايد هم نفس الشي ..
واذا طوفت سنه من سنن الصلاة لا تشوفوني اقعد آكل بنفسي لما اصليها غصب ..
وكله افكر الله مو راضي عني لاني طوفت هالسنن والاذكار ولا راح ايبلي الشي اللي ابيه ..
ادري بنات هذا شي زيــــــــــن ..
بس الشي اذا زاد عن حده انقلب ضده
ســـــــــــــــاعدوني ابي احس ان هالشي انا اسويه زياده عشان الله يرضى عني مو غصب لازم اسويه .. لان اذا تركتها ما عليها اثم ..
الله يعينج ويشافيج
اهو شي زين بس على قولتج اذا زاد عن حده وصار غصب !…
انا بعد نفسج عندي وسواس ………….
والله مادري شقول … الله يعين
ان شاء الله البنات يفيدونج
بس هذي سنن وليست فرائض …
لا توسوسييييين
الكل اللي يعملون الصالحاااااااااااااات لن يدخلو الجنة بأعمالهم إلا بمغفره من الله
الصحابة سألو النبي وحتى انت لن تدخل الجنة قال ولا آنا إلا ان يتغمدني الله برحمته
الغنسااااااااااااااان يبتعد عن المعااااصي والذنوووب
سبحان الله . الله رزقج خير كثير وجعل لج من نفسج اللومة حرص
لا تخافين يا قلبي . وأكيد الطاعات يبيلها جهاد
وأذكر أن واحد من الصحابة أو التابعين ما أذكر أسمه كان يقول أن كان يجاهد نفسه أكثر من 20 سنة ويجبرها على قيام الليل وما وجد حلاوة قيام الليل ألا بعد هالمدة .
و كان أحد السلف يقول ( سقت نفسي إلى الله وهي تبكي .. فما زلت أسوقها إليه حتى انساقت وهي تضحك )
ان شاءالله يروح عني الوسواس بس ..
انا ادري ان الله يدخل العبد الجنه برحمته عليه .. مو باعمال العبد ..
بس شسوي مو بيدي..
الانفس ثلاث 1 النفس الاماره بالسوء 2 النفس اللوامه 3 النفس المطمئنه
تكون نفسج لوامه احسن من تكون اماره بالسوء
وعسا ربي يهدي سرج ويجعل نفسج النفس المطمئنه
لانه هذا تعدى مرحلة اللوم الى مرحلة الوسواس ..
لا تطولين مع هالتفكير لانه صدقيني راح يخلي العبادة ثقيلة عليج ..
بالعكس نهاية هالتفكير يأس .. والمؤمن ما ييأس من الله ..
ايضا لما تقولين اذا ما قريت البقرة الله ما راح يعطيني ما راح يصير لي شي زين ، ردي على هالتفكير قولي هذا اساءة الظن بالله عز وجل .. والمؤمن لازم دائما يحسن الظن بربه ، لانه الله سبحانه يقول ، انا عند ظن عبدي بي وانا معه حين يذكرني .
فتعوذي بالله من ابليس .. ما قدرتي الحين قولي الله سبحانه وتعالى رحيم كريم .. عشان جذي خلاها سنن ما خلاها فرائض ..
برمجي نفسج أنه الشيء اللي اتسوينه لوجه الله خالص مو عشان شيء معين يعني لاتربطين الأعمال اللي اتقومين فيها عشان الله ايحقق لج اللي تبين لانج بجذي متى ما تكاسلتي عن القيام فيها راح يجيج الوسواس أنه ماراح اتحقق
بس إذا كانت خالصه لله سبحانه ربج الكريم بيسر أمورج من حيث لاتحتسبين أنا مريت بنفس اللي أنت مريتي فيه بس أقنعت نفسي إني اللي أسويه لازم ايكون خالص لله سبحانه دون النظر أنه هالشيء لتحقيق هدف معين وشي شوي راح ييتغير نفسيتج ويبتعدعنج هالوسواس
وانا بعد مع خواتي تعوذي من ابليس لان ابليس له الف منفذ حق الانسان عشان يوسوسله….
الله يتمم عليج دنيا واخره وترا حلو الواحد يحاسب نفسه ويحس دوم انه مقصر تجاه ربه
انا كل يوم اردد هالكلمه ان انا عند حسن الظن بربي وربي ماراح يخيب ظني كلش ..
بس تدرون الوسواس استغفرالله مرات يخرب علي حتى وانا اصلي او اقرا قرآن افكر واحاتي
الله يبعده عني ينني والله
قلت لها هذا غلط العباده لازم تكون خالصه لوجهه الكريم عشان هو رب العباد يسهل أمورج بكل شيء لازم نعطي الله شيء عشان الله يضاعف الأجر وأقرضوا الله قرضاً حسناً .
فيحسسج بالذنب إذا ما سويتيها عشان تتعبين وتملين
تعوذي من إبليس لعنة الله عليه
ولاتكلفين نفسج فوق طاقتها
ورد عن النبي(ص) أنه قال: (إن للقلوب إقبالاً وإدباراً، فإذا أقبلت فتنفلوا وإذا أدبرت فعليكم بالفريضة)
لاتحسين بالذنب لأنه وسواس إبليس عشان يكرهج بالعبادة
والله يقوي قلبج ويثبتج حبيبتي