|
|
هو ماده تشبه المره
ويستخدم بايام الدوره والنفاس لتنظيف الرحم
ويفتح انسداد الانابيب بالرحم… وينشط المبايض
وله كذا طريقة للاستخدام:
اما يطحن ويسف عالريق…….
او يوضع قطعه منه بحجم الحمص بفنجان القهوه العربيه المره ويصب فوقه القهوه وتشرب..
او ينقع العنزروت بماي ساخن ليلا ويصفى ويشرب نهارا
وقالو عنه ….
عنزروت (هي الشجرة التي صمغها الأنزروت ).
ففي المعتمد: أنزروت بالفارسية، وهو عنزروت بالعربية
هو صمغ شجرة تنبت في بلاد الفرس ، شبيهة بالكندر، صغار الحصى ،
في طعمه مرارة له قوة ملزقة للجراحات.
العنزروت يسمى أيضا بالكحل الفارسي والكحل الكرجاني وهو صمغ يؤتى به من فارس
ومنه أبيض وبني ويستخدم شعبياً لعلاج الغازات ومغص الأطفال
كما يستعمل مع الحليب وسكر النبات بأجزاء متساوية لعلاج الإسهال عند الأطفال.
كما يستعمل مشروب العنزروت لزيادة الوزن
ويتردد على ألسنة الأهالي في القصيم قولهم "اعط وليدك عنزروت واجدعه وراء البيوت".
ويستعمل لعلاج الجروح والحروق ومنع نزيف الجرح وينبت اللحم في الجروح المتعفنة.
كما يستعمل لعلاج الجروح الخبيثة في الفرج والدبر وفي علاج مسمار الرجل.
وهذي تجارب البنات مع هالعشبه العجيبه
وبعضهم يضيف لها ((محلب ومره)) تكون افيد بكثير
اقدمها لكم للاستفاده منها
واللي تحب تضيف شي لاتبخل علينا
شوفو التجارب ,,,,,
((حبيبتي انا اختي كانت الدوره ماتنزل معها زين عطته امي خلطة مدة ثلاث ايام من الدورة
والحمد الشهر الي بعدة حملت بولدها الله يصلحه والخلطة عبارة عن
[تنقعين عنزورت بكوب ماء ساخن طول الليل وبالصباح على الريق
تصفين العنزروت من الماء وتحطين عليه كوب حليب ساخن
وتتركينه حتى يدفى ويكون مايل للحرارة وتشربينه مرة وحدة وانت واقفه
اسال الله العلي العظيم ان يرزقك بذريه الصالحة وجميع بنات حواء
واختي عاجلا غير اجل انه هو ارزاق الكريم ))
((خوذي الطريقه الي نستعملها انا وخواتي ولله الحمد تنشط المبايض وتفتح السدد
واخذينها من طبيبه شعبيه/جيبي ملعقتين عنزروت وصبي عليها كاس مويه مغلي وخليها تنقع
اخلطيه واشربي نصه الصبح والنص الثاني قبل تنامين في اول ثلاث ايام من الدوره
وبتشووفين بلاوي تطلع منك
وممكن تكررينها الشهر الثاني لو ماحملتي ))
((انا عن نفسي استخدمته كعلاج للحمل والحمدلله حملت مع ان كان عندي ضعف في المبايض
وكنت اخذ ملعقة مو مطحونة من اول يوم الدورة 3مرات في اليوم لمدة 3 ايام
وكان ينزل مني دم بشكل فظيع لدرجة اني ما اقدر اتحرك يعني معناها انه ينظف الرحم
وكم وحدة تاخرت بالحمل وصفت لها العنزروت وحملت باذن الله ))
((حبيبتي انا وصفته لي ممرخه لان عندي سدد والدوره ماتنزل معي الا يوم ونص فقط
قالت لي الممرخه اخذ العنزروت المطحون ملعقه صغيره مع القهوه مرتين باليوم
يعني الضهر وبعد المغرب مع القهوه
من اول يوم بالدوره لخامس يوم بالدوره والحمدالله تحسنت دورتي
بدل ماكانت تنزل يوم ونص اصبحت تنزل 4 ايام واليوم الخامس ينزل شي بسيط
واليوم السادس اطهر علما اني استخدمته لمدة 4 اشهر لما صار هالتحسن الملحوض يعني 4 دورات
العنزروت كويس لتنضيف الرحم والبطن ))
((العنزروت .. جدآآآآ ممتاز لتنظيف الرحم وله كذا طريقة
ممكن تضيفينه مع الماء وتشربينه
ممكن مع القهوه
ممكن مع التمر
ممكن مثل طريقتي … عنزروت / مره / كمون / سكر نبات مطحون
على الاقل يخف طعمه مع سكر نبات
وبصراحة ما أستمريت عليه أستخدمته يمكن شهرين
والله ماكتب لى الحمل … لكن للامانه ممتاز وراح أرجع له ))
((العنزروت مرررررررررررررررررررررررررره روعه
والله اي اقول من واقع تجربتي انا وخواتي وحريم اخواني ينظف البطن والارحام
بعد بس هاه له طريقه لازم تسويها
(م ك عنزروت_م ص مره_م ص محلب)خمريها ف كاس وسط من المويه
واشربيه بعد الغدا بربع ساعه على ضمانتي بس شوفي العنزروت لازم يكون من نوع الصح
واذا عندك حساسيه من المر ابتعدي عنه بس والله ان هلمنقوع فضيييييييييييييع في تنظيف البطن
وجابر القحطاني وصى فيه دورو في كتاب اسرار الحريم اتمنى اني افدتكم ))
صراحه الكلام عنه واااااايد
ومااقدر اقولكم شكثر يمدحونه
انا من باجر بروح العطار وبشتريه وبشربه بالدوره
وانتو؟؟؟؟؟؟؟شرايكم
وانا استخدمه شخصيا اذا داش فيني برد انا او عيالي اخذ شوي وانقعه بماي حار واخليه لين يصير لونه محومر واشربه رووووعه ووقت الدورة و النفاس وانتي بكرامه نحطها ببطل ماي مع شوي محلب ومره ونشرب منها عقب الاكل ينظف الامعاء ويطرد الغازات ويهضم اما من ناحية الحمل جدتي الله يطول بعمرها تقول منقوعه العنزروت لما تشربينها بالدورة وعقبها تنور الرحم وتنظفه
وهذي تجربتي اقولها بكل امانه 
|
المشاركة الأصلية كتبت بواسطة أنفاسي دخون
 معروف العنزروت يهبل
وانا استخدمه شخصيا اذا داش فيني برد انا او عيالي اخذ شوي وانقعه بماي حار واخليه لين يصير لونه محومر واشربه رووووعه ووقت الدورة و النفاس وانتي بكرامه نحطها ببطل ماي مع شوي محلب ومره ونشرب منها عقب الاكل ينظف الامعاء ويطرد الغازات ويهضم اما من ناحية الحمل جدتي الله يطول بعمرها تقول منقوعه العنزروت لما تشربينها بالدورة وعقبها تنور الرحم وتنظفه وهذي تجربتي اقولها بكل امانه |
ماقصرتي عالمعلومه……. بصراحه انا اول مره اسمع عنه
واكتشفت انه علاج لامساك الاطفال
وينظف الرحم بالدوره… ومفيد للحمل
بس مااكثر منه للطفل يدوب احط حبه منه كبر حبة الحلبه بالرضعه وازيدها ماي دافي واحليه بسكر نبات.مره بالشهر
عشان ينضف بطنه من الدود والبكتيريا والعفن
