|
|
شلونكم شخباركم
بناااات قبل جم شهر كتبت موضوع وكان باقي 5 شهور
واللحين سبحان الله مر الوقت بسرعه وباقي شهر وشي
المهـم احنا كنا مقررين نسكن بـرا
بس الله كتب نسكن عندهـم لأن بيتهم صار فااضي
و بعـد انا كليـه يعني ما اقدر اطبخ غدا .. و ما ارد الا العصـر ..
اللـي أفكـر فيه شلون اتعامل معاهم
بنات انـا حياويه و ما احب اقعد وايد مع ناس احب أكون بروحي
بس بنفس الوقت خالتي طيوووبه وحبوبه الحمدلله
أبي أكسبها وما تفهمني غلط لان انا جذي كله بروحي
فـ شلون تعاملي يكون معاهم ..
و شلون اعودهم اني ما انزل و اقعد على طول معاهم
وانتو اللي اخوانكم متزوجين تحبون ان جنتكم تنزل والا احسن تكون بروحها ؟؟
انا ما احاتي اطباعهم لاني واثقه فيهم ..
بس ابي ما يفهموني غلط
وابي نصايحكم
وشكرا
اب
شدعوه بنات وينكم
خلج واضحه وصريحه عادي الوضع عادي لاتحاتين
وانتي بعدين بتعرفين نوعية خالتج اذا تحب تطولين تحت او لا
وبس ترا الامووور سهالات ولا تحاتين مثل هشغلات مادرين يمكن انتي تصيرين تحبين تقعدين معاهم وما تحبين القعده بروحج والله يوفقج
خلي تصرفاتج طبيعية
بس خليج سنعه لاتفشلين اهلج…………………..
|
المشاركة الأصلية كتبت بواسطة *peace*
 عادي لي خلاص بتصعدين تحلطمي قولي الله يعيني بروح ادرس واتسبح وانظف ومن هالحجي
خلج واضحه وصريحه عادي الوضع عادي لاتحاتين وانتي بعدين بتعرفين نوعية خالتج اذا تحب تطولين تحت او لا |
رايي من رايهااااا .gif "Eh S(15)")
نزلي قعدي شوي ولما بتصعدين قولي وااي ورااي دراسة او قوليلهم استأذنكم بروح اتسبح وانظف الغرفة أو اي شي عشان يحسون انج مشغولة وعندج شغل وجذي ولازم تصعدين
خالتي بروح فوق اكممل دراستي وعندج شغل بالبيت وتنظيف وجذي
لاتحاتين .. انا مرت اخوي كانت قبل ساكنه عندناا لما تنزل نستانس كانت بس تضحك والكل يحبها ونستانس لما نشوفهاا وكانت وقتها تدرس اذا خلصنا سوالف وضحك تقول لناا يلاا بروح فووق اكمل دراستيء وانظف البيت طبعاا احنا نعطيهاا خدامتناا عشان ماتتعب بتنظيف البيت .. كل ماصرتيء حبوبه وفرفوشه مع حمواتج وخالتج صدقيني بيحبوونج ..
الله يوفقج ومبرووك مقدمآآ ..
انا كنت مثلج احاتي واللحين والله مايمر يوم الا مانزل واطول واجلس معهم واذا مارحت اتضايق لانهم حدهم حبوبين والجلسه معهم ماتنمل
راي من راي خواتي متى مافضيتي نزلي ساعه وجلسي بعدها تعذري قولي ودي اجلس لكن هالدراسه وراي قومه صبح ودوام
والله يوفقج
اجتماعيه : انزلي كل يوم ساعه بعد اذان المغرب او بعد العشا انزلي تعشي معاهم بحكم انج ماتطلعين الا العصر
اذا مو اجتماعيه : انزلي يوم وترك ساعه او ساعتين اللي يريحج وبعدين صعدي ولاتسيرين رسميه حيل ولا ماخذه راحتج مسكي العصا من النص وخصوصياتج كلش لاتسولفين فيها ضحكي وسولفي الا خصوصياتج خط احمرر عليها
وشوفي نفسج من اول شي موتعودينهم كل يوم تنزلين وفجاه تطخين ماتنزلين والعكس صحيح والله يوفقج يااااااااااارب وتسيرون سمنه على عسل