كل وحده عندها مشكله مع زوجها وفاقده الامل تدخل اهني بسررررررعه انا اساعدها

طبعا الكل داش عشان يعرف اشلون راح اساعده واحل له مشكلته .. انا اقول لكم اشلون

اول شي اشلونكم بنات شخباركم ؟
عيدكم مبارك وينعاد عليكم بالصحه والعافيه يارب

مابي اطول عليكم بس وايد اقرا مواضيع انا متهاوشه مع ريلي انا زوجي يخوني انا مو عاجبه ريلي انا زواجي بينهدم و و و و و …. ووايد اشياء

ادري انه هذا الي صاير الحين ويمكن انا وحده منكم وصارت لي ظروف اكثر منكم بعد وانهدم زواجي قبل لا اتهنى فيه

ماتدرين شنو السبب وتقعدين تفكرين يمكن تقصير منا والا الحظ مو معانا والا عين صابتنا والا *** والا شنو .. ؟

دايما نفكر اشلون احل المشكله اشلون ارد ريلي لي اشلون يصير زين اكلم فلان والا اكلم فلانه يمكن تساعدني يمكن اذا احد تدخل يحلون المشكله يمكن هالشخص يقدر يقنعه
انزين مافكرتي انه يمكن انا لهيت بالدنيا وبهالزواج والمشاكل ونسيت واجبي ناحيه رب العالمين وهذا تنبيه منه عشان يحبج ويبيج ترجعين له ويسمع صوتج وانتي تنادينه بالدعاء
انزين مافكرتي تفرشين سيادتج وتقرين سوره البقره وتقومين الليل وتقولين ياااااااارب ساعدني وتشكين همج الى الله لانه محد بحل لج مشكلتج وبيسر امورج غيره سبحانه
مافكرتي تقعدين تستغفرين بدال المره الف وتدعين بكل وقت وكل حزه وتقولين لا حول ولا قوه الا بالله العلي العظيم
لا اله الا انت سبحانك اني كنت من الظالمين اللهم انا المضطر وانت المجيب
اللهم صلي على سيدنا محمد وعلى اله وصحبه اجمعين
لا اله الا الله وحده لا شريك له له الملك وله الحمد وهو على كل شي قدير
سبحان الله والحمدالله ولا اله والا الله والله اكبر ولا حول ولا قوه الا بالله
لما تطلعين وتلقين فقير مافكرتي تعطينه وتتصدقين عليه لو بمبلغ صغير يمكن المبلغ صغير وبسيط بس عند الله شي كبير
ترا كل شي تسوينه حتى لو مابين الحين راح يبين بعدين ورب العالمين مايضر عباده الي يدعونه
لازم تدرين انه مهما صار هذا كتبه رب العالمين (وعسى ان تكرهوا شيئا وهو خير لكم وعسى ان تحبو شيئا وهو شر لكم)

ما أخذ منك الا ليعطيك…و ما أبكاك الا ليضحكك… و ما حرمك الا ليتفضل عليك… و ما ابتلاك الا لأنه يحبك… لكنه ما كان ليؤذيك… انه الله