|
|
صبــــــــ مســـــاء ـــــــــــــاح الخيرات
انا اربعيني ببداية الشتاء وحبيت اسأ ل اهل الذوق والفنانات بحركات الاربعين
لاني بصراحه بكر وماعندي خلفيه عن اخر الحركات فحبيت استفيد من صاحبات الخبره
خصوصآ اني من زمان مارحت استقبالات وابي اطلع طلعه عند حمولتي لان اخر استقبال رحتله كان لبنتهم وتفننو فيه
وطلعوا بفناتق جديده 
ومابي اكررها او اقلدها فشله
فاتمنئ تساعدوني وماتقصرون معاي
انا نفسج احترت والله الف يمين الاقي شي يديد التفت يسار الاقي شي فنتق ارد يمين الاقي فنتق لوووووووووووووووووووول
كان ودي افيدج بس انا نفسج وقاع اتعلم ما حبيت ادخل وما ارد مادري شفيني اليوم كل ردودوي قرقة
تقبلي مروري يايه علبه لون بيج تكون نفس تقريبا حجم علبة الساعه مالت الايد
داخلها شمعه كبيره دائرية مكتوب عليها ماشاء الله وايد حلوة بس اتوقع الحبة الوحده طلعت عليها غالية
اذا تبين تشوفين مثل هالحركات روحي مجمع بلازا السالمية في محل بره للكاكاو اتوقع يمه محل تلفونات يبيعون فيه فلبن وكاكاوهم من لبنان وعندهم توزيعات وهمن هدايا للضيوف حق الاستقبال بس غالي شوي روحي واخذي جم فكرة
خل اكلمج عن نفسي شسويت بالاربعين حق لي زاروج ببيت اهلج و تصلح للمستشفى بعد(طبعا همن سوالف استقبال المستشفى غيير )
رحت هذيت الايام دايسو (سوق بو نص )و خذيت منه مواعين عباره عن كوب صغير بدون مسكه و لبقت عليه صحن طويل بس مو حيل (شكله بيضاوي) عشـــان احط الكوب بالصحن الطواليعلى جنب, و على الجنب الثاني من الصحن احط فنتقي راح يصير ستايله جاينييز صيني (يعني كله يكلفج دينار واحد بس ) …مثلا حطي جاي اخضر بالكوب و على جنب فطاير ميني ….او حطي حليب مهيل بالكوب و على جنب درابيل ….او نسكافيه بالكوب و على جنب الصحن قطعه شوكولاته او براوني او ميني انجلش كيك…واااااااااااااايد اشياء تقدرين تحطينها بهالكوب …انا حطيت ماي حار بالكوب وعلى جنبه بالصحن حطيت بسكوته مملحه وجاي اخضر مغلف بكرتونه صغيره على شكل هرم(تحصلينه اللحين بمحل كل لحظه بالمهلب و على خبري بمحل كاكاو بالبلازا فوق ) و حطيت على جنب قفشه صغيره خشب و سكرمغلف (الطوالي يبيعونه بكل الجمعيات) وصفي هالصحوون يم بعض بصينيتج مالت التقديم طبعا لازم تكوون كبيره شوي بس صج الكل انبهر فيه و اذا تبين بعد افكار حاضره ..
فنتقي بالمشاريب ، انواع الشاي (عادي، اخضر، ابيض، شاي مشمش، زنجبيل، نعناع، زعتر، زهورات ….الخ)
و شاي حليب هذا اساسي مع درابيل صغار أو كيك صغار
قهوة عربية و قهوة بيضا مادري قهوة حلوة (اللي بدون قهوة بس ماي و زعفران و شكر و اعتقد ماي ورد)
فنتقي بطريقة التقديم
برويال حياة يحطون بصينية الشاي صحن طوالي فيه موالح صغااااار كل وحده فيها عود تاخذينها بالعود ،ممكن تسوين جذي
و ممكن الموالح بصينية احد يفتر فيها عقب تقديم الشاي أو تحطين بصحن الاستكانه موالح ميني
اهم شي يكون عندج فكرة معينة مثلا في وحده مسوية استقبالها بحري حاطة صحون على محار داخله المعجنات اللي على شكل محار و قواقع و الديكور كله قواقع
و في يسوون كل شي صيني أو هندي أو على ورد أو على شكل ياهل أو اشياء من التراث انتي نقي الفكرة و راح يسهل عليج التطبيق