كفوج . تشترين من هالاماكن@@

السلام عليكم ورحمة الله وبركاته

يابنات انا حيل مضايقه احس اليوم حدي تمسخرت

زوجي يعطيني راتب شهري 250 مصرف لي واشتري فيه لبسي

الحمدلله مكفيني ومغنيني عن كل شي وباقي اغراض البيت هو متكفل فيهم

ماعلي الا من نفسي الحمدلله

بس اليوم مسخروني على لبسي بنات انا البس على الموضه بس على قدس وعلى قد فلوسي

حمواتي وحريم حمويني معترضين على الاماكن الي اشتري منه

انا صريحه بنات انا اشتري من النقرة ومن كويت ماجيك اغلب لبسي من هالاماكن واليوم هم يقولون لي

تفشلين هذي الاماكن نشتري منها للخدم شخباري النقره من يشتري منه

انتي بتفشلين اخونا لو احد سالج من وين شريتي الشغله الفلانيه تقولين من النقره قتلهم ايه

انا اشوف مافيها شي

اهم شي شكلي مرتب ولبسي مرتب

انا اشتري من المجمعات الثانيه لاتحسبوني نفسهم متخلفه لكن مو على طول ماقدر حسب ميزانيتي

يعني انا اشتري عبي وملابس ودراريع وجواتي وجناط ومكياج وعطور وحن الي نلبس عبي مصاريفنا اكثر

العبايه سعرها بـ 50 وغيره والملابس كم بتكلفني وكم بيبقى من مصرفي

مو لازم اجمع حق نفسي يعني مو معقوله اصرف الفلوس كله على الملابس

اذا بقيت بدله من محل معين والله اجمع لها ماحب اقول لزوجي عطني لاني اعرف ظروف زوجي

لو عنده مايقصر و مابي اغثه

لبسي مرتب والحمدلله كل شهر عندي شي جديد من لبس ودراريع وقمصان وجواتي وجناط

لاني اشتري على قدي والله ان وحده من حمواتي معاشها تبارك الرحمن قوي بس على طول تتسلف

انا قنوعه ومقتنعه بلي عندي

بس اليوم بجوني وحرقو قلبي حسسوني اني ماافهم وماعرف شي بالدنيا واني متخلفه

والله زوجي موديني كل مكان ابيه وخاطري فيه ادخل قسم السياحه في وطني

واذا عجبني مكان ولامطعم وداني مايقصر شفت المجمعات كلها ودخلت اغلب المطاعم

انا قنوعه بلي عندي ومد رجولك على قد لحافك

حتى مره شريت بنطرون من مانجو وعجبهم ويوم قتلهم ان من مانجو ماصدقوني يقولون مانجو النقره صح

مشكلتي مااقدر ارد عليهم ماعندي مثل لسانهم وهم ماشاءالله واجد كلوني اليوم

ابي رد يسكتهم ومحد يعلق على لبسي

ترا الثقه و الحقران يذبحووووووون
قولي كيفي عجبني انا هذا ستايلي و الحمدلله عاجبني
و حقري و قوووي قلبج

تبين الصج ولا تزعلين النقره يعني الوحده تشتري من اهناك حق سوالف الخدم وحق المخيم وهالشغلات الي ينهري فيها اللبس بس كلبس طلعه اكيد حد الفشله بس كويت ماجيك مافيه شي عادي حاله حال اي مجمع ثاني انتي حاولي حبيبتي بين حمولتج كشخي ولبسي الغالي والماركه وتراج واجهه لزوجج

؛
؛

تفكيرهم سخيف حيل

و ليش تسمحين لهم يقولون لج هالكلام !!!

انا وحده من الناس اشتري من كل مكان

اشتري ماركه و اشتري ملابس عاديه

مو مهم المكان اهم شي اللبس

و دامج واثقه من نفسج يقولون اللي يقولونه

~

؛
؛

وي من صجج ليش مهتمه فيهم وبحجيهم دام انتي مقتنعه انج مرتبه وانيقه خلاص
ياما ناس يشتروم من اغلي الماركات بدووووون ذوق !!!
بس باقولج شي عشان نوعا ما تجارينهم
روحي المجمعات الكبيره والراقيه بس مو شرط تشترين غالي
المحلات طول السنه تخفيضات صارو
واذا تبين اقولج المحلات اللي اسعارها معقوله انا حاااااضره عشان لين قالو لج تقولين من المحل اافلاني ولا تنحرجين منهم u]

قوليلهم الذوق مو بلاماكن بعدين مو الملابس تحليني انا احليها

والقالب غالب والزين يفرض نفسه

وقوقليلهم ياما بنات يقطون عالغالي ويفشلون اجسامهم تخرع مساكين يرقعون اشكالهم بالغالي وهم مايحليهم

لاكن الزين لولبس خيشه يحلي

عاد انشالله اجسامهم موحلوه خخخخخخخخخخخخخخخخخخخخخخخخخخخخخخخخ

على فكرة معظم محلات النقرة موجودة بمجمع العثمان و المهلب يعني نفس البضاعة
و بعضها بعد موجود بسوق شرق مثل اوكسجين
هم شكو يتدخلون ياربي
كل واحد ينام عل الجنب اللي يريحه

اي والله يذبحون بس انا ماذي احد مادري ليش ياذوني

والل موفشله انا اشتري من عندهم كارديغان وقمصان واجد بنات يشترون من عندهم

"

القناعه كنز .،
وانتي ماشاءالله عليج واضح عندج ثقه بنفسج ..
والاهم يا اختي انتي وزوجج فقط
مدام هو راضي عليج وعاجبين بعض ، مالج شغل بالناس وكلامهم اللي كله ذنوب وفتن ..
الله يعطيج على قد نيتج ..
وانا انصحج انج ماتردين عليهم .. وخليج طبيعيه ..

انتي حلاته تفصلين

عشان لتكلمو تقوليلهم انا مصممته والا رحت لمصممه ومن تصميمها

والا اذا سالوج قوليله من المكان اللي يعجب زوجي

الحمد لله انتي قنوعة وهذا كنز لا يفنى
تبين رايي بصراحة لاتزعلين مني انتي خليتهم يتمادون عليج شكوا يسألوني عن لبسي ويحققون معاي شهاللقافة لا ويحقرونج انتي معطتهم وجه زيادة على اللزوم وهني المشكلة المفروض تكون علاقتج معاهم رسمية خاصة حريم حموينج
اول شي عززي ثقتج بنفسج وانج كشخة وذربة وقولي هالشي لنفسج باستمرار راح ينعكس على ملامحج وشخصيتج واذا سالوج من وين شارية وشنو هذا واسالتهم الماصخة قولي بدلع ما اعلللللللللللللللللللللللللللم سرررررررررررررررررررررر
بيموتون قهر صدقيني وبرود لاتعصبين
حبيبتي محترين منج لا اكثر ولا اقل ويبون يسببولج مشاكل مع زوجج حرام زوجج مو مقصر لا تخسرينه عشان حريم مريضات نفسيا

خلج قوية ترى الحريم ما ينعطن وجه وخلج رسمية حيل معاهم انتي مومجبورة تقعدين مع ناس تقثج وتبيكج
بس لاتضايقين عمرج خلج زينة مع الزين ومحترمة مع المحترم وعوووووووووبة مع الوقحات
اصنعي لنفسج ولعيالج تاريخ اذا مسخروج وسكتي باكر بيسوون بعيالج جذي زماننا هذا يخرع البقاء فيه للاقوى
اتمنى اني افدتج

كنت اسال حماتي ابي منه مجله ابي كم موديل اخيط عليهم وستلموني هم من بعدها

مشكوره حبيبتي انا اشتري بس مو على طول واذا في تنزيلات هم اروح مشكوره حبيبتي

لا موحلووووووووه كلش

عجبتي كلمتج القالب غالب

اي بس هم مايفهمون هالشي وان الذوق اهم

بالعكس انتي عين العقل … مد ايدك على قد لحافك —-> مادري صح ولا لأ المثل ؟!

بس بما معناه .. انا يكفي ميزانيتج وانتي مرتاحه .. وعايشة حياتج وتشترين الي تبينه بين وقت وقت .. هاذا اهم شي انج راضية عن نمط حياتج !

اما اهما تره يقولون لج جذي من ال " نقص " وقله التربية والأدب … لا اكثر ولا اقل !

,

مشكوره حبيبتي على هالكلام الطيب

اااااي مو السالفه كله صارت يوم اني كنت ابي افصل جم بدل وسالتهم عن المجلات عاد استلموني كنهم ماصدقو

مثل ماقلتي مابي ازعل زوجي واضايقه واغثه لاني انا ادرا وحده بظروفه وعمره ماقصر علي اذا طلبت شي

وهم كانهم ماصدق يلقون فرصه يهاجموني فيه من اليوم وطالع ماخليهم يتمادون معاي

صج تفكيرهم سخيف
سوي اللي ترتاحين منه ولبسي اللبس اللي يعجبج ومن المكان اللي يعجبج