كفاله يتيم الرجاء الافادة

السلام بنات في وحده الحمدلله مشالله عليها تبي تكفل يتيم بس تبي يوصل لها صور اليتيم كل فتره اشلون الطريقه و وين وياليت يكون داخل الكويت الرجاء الرد لافادتها

ولكم الاجر

شوفي حبيبتي دشي على موقع جمعية الأصلاح الأجتماعي-الكويت وماشاء الله راح تحصلين كفالة اليتيم والصدقات والتبرع والوقف وطبعا عندهم قائمة كاملة باليتيم يعني وايد اسماء وصور ومعلومات عاد انتي اختااري اليتيم الي تبين تكفليه وهم كل شهر راح يطرشولج تقرير كامل عن ايم الي كفلتيه عاد في كفالة 5 دنانير شهريا وفي كفالة 10 دنانير شهريا وهكذا
والله يقدرج على فعل الخير

وطبعا لا تنسين الدعاء الي ولبنت المطيري الله يجزاها كل خير هي الي دلتني على هذا الموقع

واي استفسار انا حاضرة طرشيلي على الخاص

تسلمين ويزاج الله خير ..

ياليت حتى اذا في وحده تعرف ناس متعففين وتكون الصدقه تحل عليهم ياليت تفيدني..

ونسيت اقولج ان في مندوب من الجمعية يوصلج كل شهر تقرير وصور كاملة عن اليتيم

اشلون طريقه الموقع بالتفصيل؟؟ لانه دخلته وماعرفت وين كفاله اليتيم

ومشالله في ناس وايد يبون يقومون بالعمال الخيريه ياليت تفيدينهم ولنا الاجر انشالله

لحظة بس خليني ادش الموقع وانا وياج خطوة بخطوة

1- ابحثي عن الموقع في قوقل (جمعية الأصلاح الأجتماعي في الكويت)
2- في مكتوب على الصفحة الرئيسية صدقات وقفيات كفالات تبرعات انتي اختاري كفالات
3- اختاري الطفل الي تبين تكفليه
4- ممكن تدفعين عن طريق الكي نت او عن طريق المندوب
5- اعطيهم عنوانج الكامل وهم خلا يومين يطرشولج كل الصور والمعلومات عن اليتيم

اول ما تدخلين على موقع الجمعية في على اليمين مكتوب الأمانة العامة للجان الخيرية اضغطي عليه وبعدين دشي على كفالات

https://www.khaironline.net
وهذا هو موقع الكفالات ان شاء الله اكون سهلة الأمور عليج

والله يزاج الله خير بس في كذا واحد بقوقل اي موقع؟؟

دشي على الموقع الي كتبتها

ها اختي شصار معاج؟