كفالة اليتيم

السلام عليكم و رحمة الله و بركاته

شلونكم خواتي ان شااء الله بخير

عندي استفسار و اتمنى اللي عندها علم بهالموضوع تساعدني

انا طالبة جامعية و تنزلي مكافأة الجامعة اللي هي عبارة عن 200 دك

ابي اكفل ايتام عن طريق جمعية الاصلاح الاجتماعي وهذا موقعهم خير أون لاين

وطريقتهم ان اختار الايتام اونلاين و الدفع اونلاين

انا اول مره اكفل يتيم و ماعندي خبرة و دورت بالنت لكن الاغلب كانو يروحون للجمعيات الخيرية بنفسهم بس انا حسيت ان الاونلاين احسن لاني ابي اكفل عني و عن امي وابوي الله يطول باعمارهم و يخليهم لنا بس ما ابيهم يدرون ابي يكون بيني و بين ربي … بس هل يجوز اني اكفل ايتام عن امي و ابوي لاني لما دورت بالنت الاغلب كنت اقرا عن الوالدين المتوفين ؟؟ وهل هالطريقة ثقة او الاحسن اني اروح للجمعيات بنفسي ؟

اتمنى تساعدوني و جزاكم الله خير

؛؛حلاوه؛؛

اجمعين ان شاءالله …. انا لقيت هالموقع بالصدفة وانا احوس بالنت و هو تبع جمعية الاصلاح الاجتماعي مالت د. جاسم مهلهل الياسين وانا اعرفه ودايما اسمع عنه بهالمجال بس هم مادري شلون راح اتأكد ان قاعد توصل للايتام بس كاتبين ان راح يزودوننا بتقريرين بالسنة عن حالة المكفول فهني ارتحت شوي

بيني وبينج انا حابة هالطريقة لاني مابي احد يدري بالذات امي وابوي ودي اسوي لهم شي

ام غازي 2024

جزاج الله خير