قولولي شسالفتي !! :(

كوينيات شلونكم

بنات متأخره علي الدوره 17 يوم ؟؟ وانا احاتي لا اكون حامل لاني توني والده ولين الحين انا بلويه مع البيبي و تصدقون لين الحين الخياط يعورني فكلش مو غبطه بس الواحد شيقول الله يكتب اللي فيه الخير
الزيده ما طول عليكم نفسيتي معفسه حدها سويت تست بالبيت قبل 3 ايام كان نيجتف و ناويه اسوي الأربعاء لانه انا ما يبين عندي الحمل إلا عقب فتره المهم
شسوي ؟؟ إذا طلع التحليل نجتف لي متى انطر شروفه تشرف ؟؟ خصوصاً انها ما تتأخر علي وان تأخرت يومين ثلاثه بالكثير هل اجيك مع دكتورتي ولا اصبر بليز ساعدوني ؟!

و بليز قولولي منو احسن دكتور يعالج تشاقط الشعر لا تقولولي بليز خلطات و خرابيط ما تفيد معاي و مو وقت تجارب نيو مام صلعت

نصيحه سوي سونار لانها متاخره واااااااايد

علشان ترتاحين من المحاتات

جربي تونك + شامبو سورسير روووووعه

واذا انتي توج والده ترى عادي ان الشعر يطيح

يمكن ترضعين عشان جذي متاخره؟؟

او لخبطة هرمونات

اذا توج والده شي طبيعي يطيح شعرج
وسوي سونار واحسن علاج للشعر مثل ماقالت لج بنت الكويت
بالاضافه لحبوب اسمهم بل فود
pilfood

مشكورين بنات على ردودكم ..
بنت الكويت … السونار يبين ليش اهيه متأخره ولا لازم نفحصني ؟؟
والتونك و الشامبو يوقف التساقط جربتيه ؟؟ انا مو بس يطيح والله والله خصل خصل شي مو عادي كل مكان طايح وايد ضايق خلقي كم هالسالفه
شمس وقمر … لا والله ما ارضع كلش كله صناعي
بنت الكويت ان ي س ا …عطتني دكتورتي حديد و فايتمين للشعر اسمه هير فيت قالتلي 3 اشهر عقب الولاده استخدميهم الحين انا وقفت الحديد و ماشيه بالثاني ماكو نتيجه لي متى يطيح ؟؟

New Mum

الله يكون بعونج

والشعر

إذا توج والده

يطيح خصل خصل

كلنا مرينا بهالتجربه

وبعدين جم شهر يتغير كل شي

حارة القمر مشكوره حبيبتي على الرد
رحت حق دكتوره شيرين قالاتلي اخاف انج حامل قتلها لا امس سويت تست طلع نجتف جان تقول عيل يمكن لخبطت هرمونات عاد سوتلي تحليل حمل و غده درقيه و مادري شنو شي عن التبويض وهرمون حليب وقصص وحكايات و قالتلي بدق تقولي النتايج و هذا ويه الضيف يحليلها قالتلي ربع ساعه ودقلج …
قالتلي إذا انتي مو حامل بعطيج حبوب تنزلج اياها وعقب 5 ايام تنزل ويه قصص
و عطتني هير تونك الله لا يوريكم ريحته و شامبو و قالتلي استمر على الهير فيت

حبيبتى new mum النفسية تلعب دور فى تأخير الدورة يمكن نفسيتج هالفترة تعبانة عشان جذى تأخرت وزاد عليها انج توج والدة فأكيد من جذى طولت مايت
اول شى حاولى انج ماتفكرين وايد وتحاتين البيبى وبعدين راجعى مع دكتورتج المشكلة وصدقينى هذى مرحلة كل ام مرت فيها
وعلى فكرة هم تصاقط الشعر من التفكير حاولى تأكلين خضرة وايد خصوصا البقدونس مع الفيتامينات وكل شى بيكون ان شاللة ok

هلا نيو مام

السونار يبين اذا في كيس حمل ولا ولا

توكلي على الله وسويه

والتونيك رووووووعه بس نتيجته تطول لازم تستمرين

مشكوره فناتك والله صاجه النفسيه تسوي بلاوي شنسوي المحاتاة بدمنا لول
بنت الكويت .. ما اظن فيه حمل توني بعد سويت تست هم نجتف باجر إنشاء الله بتصل عليهم واشوف نتايج التحاليل

لاتنسيييييييييييين تطمنينا واللة يوفقج